ئارۆ ئاژانسو ئانەهای جە ڕۆژئاڤا کوردستانی ئاشکراش کەرد، کیاستێۋ جە ئەنجومەنو سوریای دیموکراتی-مەسەدەی، سەرو داۋا حکومەتەکەو بەشار ئەسەدی بە فەرمی سەردای پایتەختو سوریای شام (دیمەشق)یش کەدەن و چنی ۋەرپەرسە حکومی و لەشکریەکا سوریا کۆبینێۋە و بابەتە پەیوەندیدارەکێشا هۆرسەنگنێنێ.

جەی بارەۋە ڕیاز دەرار، هاومسەرۆکو مەسەدەی بە ئاژانسو هەواڵو فەڕەنسای (AFP)یش واتەن، سەردایکەشا کە یەکەمینەن پەی شام (دیمەشق)ی، سەرو داۋا حکومەتەکەو بەشار ئەسەد، سەرۆکو سوریای بییەن و ئامانج ۋنەش چارەسەریەن جە سەرنیشت(باکور)و سوریای.

دەرار، هیوادارەن سەردای و دیدارێ و کۆبیەکێشا ئەرێنیێ بانە و واتەنش، هەر دۋێ لێ  ۋەر مەرجێشا پەی سەرداکەی دایوئەسایەکا نەبیەن.