٤ شارانە ئێشکگێریی داڎپەروەری بەرڎەواما: داواما ئازاڎی و دیموکراسیین
قەومۍ زینڎانییا ئامەد و واننە و ئەدەنە و مێرسیننە، درێژە بە ئێشکگێریی داڎپەروەری مڎا. چالاکییەکەنە داواو ئازاڎیی جەستەیی ڕابەرو گەلو کوردی عەبدوڵا ئۊجالانی کەرا.
پەی ئازاڎیی جەستەیی ڕابەرو گەلو کوردی عەبدوڵا ئۊجالانی و چارەسەرو پەرسەو کوردی، ١٤ ڕوێن مانگێرتەی جە وارڎەی بەنۊرە بەرڎەواما. ئێشکگێریی داڎپەوەری پەی بۊ پەشتیوانیی زینڎانییا جە ٤ شارانە بەرڎەواما.
واننە بە سەرمەشقایەتیی کۊمەڵەو پەشتیوانیی جە بنەیانەو زینڎانی و حکومدریایا (توای-دەر) و بەشداریی نوێنەرو پارت و لایەن و کەسێتییەکا، چالاکیی ئێشکگێری داڎپەروەری پەی ششەم ڕۊی بەرڎەوام بی. چند جارێوە درووشمو "بژیوۊ مدرامانو زینڎانەکا" بەرز کریاوە.
یۊ جە قەوماو زینڎانییا، سێوەت بایهانە، داواش کەرڎە گرد لایۍ خاوەندارێتی جە چالاکیی مانگێرتەکەی کەرا و واتش: "ئێمە ئاشتی و دیموکراسی و ئازاڎی پەی گردوو گەلا موازمێ".
مێرسیننە ئێشکگێری بە سەرمەشقایەتیی کۊمەڵەو پەشتیوانی جە بنەیانەو زینڎانی و حکومدریایا چوکرۊڤا (چوکرۊڤا توای-دەر) بەرڎەواما. هامسەرۊکو کۊمەڵەکەی واتش، نزیکەو هەزار زینڎانییە سیاسییا مانیشا جە وارڎەی گێرتێنە و پێویسا گرد لێوە خاوەندارێتی چا چالاکییەیە کەرا.
هەر پاسە ئێشکگێریی داڎپەروەریی ئەدەنەنە، سەروو داواکارییشا پەی ئازاڎیی جەستەیی ڕابەرو گەلو کوردی عەبدوڵا ئۊجالانی قسەوباس کریا.
چالاکیی ئێشکگێری داڎپەروەریی ئامەدنە، بیناو هەدەپی ڕێزانینە بەرڎەواما. بەشداربیۍ هێلەکی چەرمەشا کەرڎەبێنە بە نویستەی "گۊشەگیری تاوانێوەن دژو ئینسانیەتی ".
