سه‌رۆكو كۆمسیۆنو باڵاو سەربەخۆ و هورجنییەکا عێراقی ئەرەیاوناش، بەوپەڕو پاكی و بێگه‌ردییۆ هورچنییەو په‌رله‌مانو هەرێمو كوردەسانی ملۆڕاوە و ئەرەیاوناش: "٩ وڵاتێ و ٨ ڕێكوزیێ میانەتەوەیێ چەمڎاری هورجنییەو پانیشتوو کوردەسانی مکەرا.
دادوەر عومەر ئەحمەد، سەرۆکو کۆمسیۆنو باڵاو سەربەخۆو هورچنییەکا عێراقی جە کۆنفرانسێوە رۆنامەوانینە سەبارەت بە لوایڕاوەو هورچنییەو پەرلەمانو هەرێمو کوردەسانی ئەرەیاونێوەش وەڵا کەردۆ.
دادوەر عومەر ئەحمەد ئەرەیاوناش: "جە هورچنییەو په‌رله‌مانو هەرێمو كوردەسانینە دەرفەتو ساختەکاری نمەبۆنە و هیچ لایەنێوە نمەتاو ساختەکاری ئەنجام بڎۆنە.
ئامێرێ ئەلکترۆنیۍ وەڵێکۊتۍ بەکارمەیا
هەرپاسە باسش چانەیە کەرد، ئامێرەکۍ هورچنییەی جە سەعات ٧ پەی ٦ وێرەگای بەردەوامێ با و دەیان ئامێرێ ئەلکترۆنیۍ وەڵێکۆتۍ دەنگداینە بەکارمەیا.
ئانەیچش ئەرەیاونا کە، ٤١ هەزار کارمەندێ کۆمسیۆنی بەشداری جە پرۆسەکەینە مکەرا کە بەشێوەشا ڕائاوردەیشا وینان و بەشێوە تەریچشا بەهەمان شێوە جە ئیسەنە خجڵۍ ڕائاوردەینۍ پەی ئانەی بەتەمامی ئاماڎۍ لوای ڕاوەو پرۆسەکەیشا بۆ.
یاگێ ئاماژەینە بە پاو قەرارو کۆمیسیۆنی، پڕۆسەو هورچنییەو گردی دەورەو ششەمو پەرلەمانو هەرێمو کوردەسانی جە ڕۆو ٢٠و تشرینو یوەمو ٢٠٢٤نە ملۆ ڕاوە.
