٩٩ ڕێکوزیێ و دەسێ یاسایێ و مەدەنیێ سوریانە، هجوومەکاو دەوڵەتی ئەرەگیروو تورکیشا پەی  سەروو هەرێمەکاو سەرنیشت و وەرکەوتوو سوریای شەرمەزارێ کەردێ و داواشا کەردە، کە مەنتێقەو دژەفڕای  هەرێمەکەنە سەپییۆ.

لە بانگەوازنامەکەو ڕێکوزیایەکانە ئاماژە پانەی کریان، دەوڵەتوو تورکی هجوومێوە دڕندانەش پەی سەروو هەرێمەکەی دەس پەنە کەردەن و گردوو یاسا و پیمەرە میاننەتەوەییەکاش پاشێلێ کەردێنێ. هجوومی گەورە یاوان ناوەندە تەندروستی و خزمەتگوزارییەکا و یانە و موڵکی تایبەت و گردینوو هەرێمەکەی، هەرپاسە چندین هاموەڵاتێ گەشمەردێ و دەیانێ بریندارێ بیێنێ.  

ڕێکوزیێکێ ئی داواکارییشا وستێنێ وەردەموو نەتەوە یۆگێرتەکا تەماموو دەسە و ئەرەمەرزیا میاننەتەوەییەکا:

"عاسمانوو هەرێمەکەی وەردەموو هجوومەکاو دەوڵەتوو تورکینە وزیارە.

هێزەکاو دەوڵەتوو تورکی خاکوو سوریاینە بەربشا.  

کۆمیتێوە پەی ئەوەکۆڵیای وەنەو تاوانەکاو دەوڵەتوو تورکی پەی سەروو هەرێمەکەی گنۆ هەرمانە.  

پێکئامایەکاو  سەرنیشت و وەرکەوتوو سوریای و ئەرەمەرزیایەکێ دژوو هجوومەکا مرداوە".