ڕابەری ڕۆحیی دروزەکا شێخ حیکمەت ئەلهیجری بە ڤیدیۆ قسێش کەرڎۍ و ئەرەیاۋناش، ئا وەڵاکراوەی کە وەڵاکریانۆ گوایە ڕا مڎا هێزەکاو حکومەتو کاتیی دیمەشقی بلانە دلې سوەیدای، چېرو فشارینە ئاماڎە کریان و نوێنەرایەتی ئیرادەو ئاڎیشا نمەکەرۆ.
ڕابەری ڕۆحیی مسوڵمانە موەحیدەکا (دروزەکا) شێخ حیکمەت ئەلهیجری جە ڤیدیۆیێنە ئەرەیاۋناش ئا وەڵاکراوەی کە وەڵاکریانۆ گوایە ڕا مڎا هێزەکاو حکومەتو کاتیی دیمەشقی بلانە دلې سوەیدای، چېرو فشارینە ئاماڎە کریان و نوێنەرایەتی ئیرادەو ئاڎیشا نمەکەرۆ.
ئەلهیجری ڕووەدایەکې سوەیدای پېسە ڕووەدای گەلێوە پەڕ جە تەرسې و نیگەرانی وەسف کەرڎ، ئەرەیاۋناش کە حەجگیز قبووڵش نمەکەرا، واتش: "ئا ۋنې جە جاڎەکانە مجیۆ، حیچ ئایین و ویژدانێوە قبووڵش نمەکەرۆ". داواش کەرڎ گەلو سوەیدای بە وریاییوە مامەڵە بکەرا و دەس جە شکۆو ۋێشا هۊرنەگېرا، واتش: "ئا وەڵاکراوەی بەنامې ئێمۊ وەڵاکریانۆ، ئێمە باوەڕش پنە نمەکەرمې، قبووڵش نمەکەرمې. ئینە چېرو فشارینە ئاماڎە کریان. چیولای هەر چێوې ئیرادەو ئێمە نەرمانۆ، قبووڵش نمەکەرمې".
ئەلهیجری ئەرەیاۋناش کێشەکې بە گفتوگۆ چارەسەرې با نەوەک تنوتیژیی، واتش: "خیانەت جە ڕۆڵەکاما نمەکەرمې، سازش سەرو ئازادیما نمەکەرمې. حەجگیز سەرە مەنامنمېرە".
چی ڕوانە ئەرەیاۋنێوە بەنامې ڕابەرا ڕۆحانی دروزەکاوە وەڵا کریاوە کە گوایە ڕا نمەڎا هێزەکاو حکومەتو کاتیی دیمەشقی بلانە دلې سوەیدای، داواشا جە چەکڎارا دروزی کەردەن کە چەکەکاشا ڕادەسو وەزارەتو دلېینەو سوریای بکەرا. هاموڵاتیا سوەیدای ناڕەزایی تنشا ۋەرا ۋەر بە ئەرەیاۋناکەی نیشانەدا.
