ڕاپیمەراو 'ڕاپیمای گەورەو ئازادی'ی بە جۆشوخرۆشێوە فرەوە سەرێکانیینە خێرامایشا وەنە کریا. پەرلەمانتارەو ئامەدوو دەم پارتی جەیلان ئاکچا کۆپلووە واتش : "ڕاو ئێمە کریێوێنە، ڕاو ئازادیینە، ڕاو یۆبییەی و یەکڕیزیینە".
قۆڵوو 'ڕاپیمای گەورەو ئازادی'ی وانی، کە پەی ئازادیی جەستەیی ڕابەروو گەلوو کوردی عەبدوڵا ئۆجالانی و چارەسەرکەردەی کێشەی سیاسیی کوردی بە شێوەی دیموکراتیکانە، دەسش پەنە کەردەن و ئینا ڕۆو ١١ەمینینە بەردەواما، ئارۆیچ مەنتێقەو دێریکوو مێردینیوە لوێ مەنتێقەو سەرێکانیی ڕحای. پارکوو ئوچ فیدانینە بە جۆش و خرۆشۆ خێرامایشیا کریا.
دروشموو 'سڵام سڵام هەزار سڵامێ پەی ئیمراڵی'، 'بژیۆ سەرۆک ئاپۆ' و پانکارتوو 'ڕابەرێوە ئازاد، وەڵاتێوی ئازاد'ی بەرزێ کریێوە و بە پەشتیوانی و بەشداریێوە فرەو گەلی، ڕاپیمایەکە تا وەردەموو بارەگاو دەم پارتی لوا.
پەڕلەمانتارەو ئامەدوو دەم پارتی جەیلان ئاکچا کۆپلۆوە، پەیامەکەشنە دڵنیاش کەردۆ چارەسەرکەردەی کێشەکاو کوردی ئیمراڵییوە دەس پەنە کەرۆ و واتش: " ئیرادەو ئاشتی ئینا ئیمراڵینە، ئێمە ئامادێنمێ، داواو ئێمە ئانێنە دەوڵەت گێڵۆوە سەروو مێزەو گفتوگۆی ئاشتییانەی. ڕاو ئێمە ڕاو ئازادی و یەکڕیزیینە، ڕاما کریێوێنە".
هەرپاسە نوێنەروو هامشارەوانی سەریکانی دەم پارتی ئوگور قارەمان ئاماژەش دا گۆشەگیری تاوانێوەن دژوو ئینسانیەتی. مشۆم گۆشەگیری لا بریۆ و چەمپەنەکەوتەی ئیمراڵینە کریۆ.
