لە کەمپی پەنابەرانی شەهید ڕۆستەم جودی (مەخمور) بە پێشەنگایەتی مەجلیسی عەشتار بەبۆنەی ٢٥ی تشرینی دووەم ڕۆژی جیهانی بەرەنگاربوونەوەی توندوتیژی دژی ژنان، ڕێپێوانێکی جەماوەری ئەنجامدرا.

ڕێپێوانە جەماوەرییەکە بە بەشداری خوێندکاران و دانیشتوانی کەمپەکە لە بەردەم بینای دامەزراوەی بنەماڵەی شەهیدان دەستی پێکرد. لە ڕێپێوانەکەدا پانکارت بە نووسینی "دژی هەموو توندوتیژی و داگیرکاری و دەسەڵاتدارییەک، ژن ژیان ئازادی" و "ژن ژیان ئازادی، سەربخە ئازادی" و پۆستەری خوشکانی میرابەل و ژنانی پێشەنگی تێکۆشانی ئازادی هەڵگیرا، دروشمی "ژن، ژیان، ئازادی" و
"بژی سەرۆک ئاپۆ" بەرز کرایەوە.

دوای ئەوەی ڕێپێوانەکە گەشتە بەردەم بینای نەتەوە یەکگرتووەکان، خولەکێک وەستان بۆ ڕێزگرتن لە شەهیدانی ئازادی کوردستان نیشان درا. لە دوای ڕێزگرتنەکە لەسەر گرنگی و واتای ٢٥ی تشرینی دووەم هاوسەرۆکی شارەوانی کەمپی مەخمور فاتمە بیلەن قسەی کرد.

فاتمە بیلەن لە سەرەتایی قسەکانیدا ژنانی تێکۆشانی ئازادی بە بیرهێنایەوە و گوتی: “ڕۆژی ٢٥ی تشرینی دووەم میراتی خوشکانی میرابەلە. لە ڕۆژهەڵاتی ناوین بە پێشەنگایەتی ژنانی کورد شۆڕشێک پێکدێت و هەزارن ژن لەو ڕێگەیە گیانی خۆیان بەخت دەکەن. وەک ژنان ئەمڕۆ لەسایەی پێشەنگەکانمان دەڵێین "ژن هەن و هەر دەمێنن" وەک ژنان خاوەندارێتی لە مافەکانی خۆمان دەکەین. ئەمڕۆ لە هەموو جیهاندا بە پێشەنگایەتی ژنانی کورد بە دروشمی "ژن، ژیان، ئازادی" لە دژی گۆشەگیری، دەسەڵاتداری و هەموو هێرشەکان، لە گۆڕەپانەکان بەرخۆدان دەکەن".

فاتمە بیلەن ڕایگەیاند بە دروشمی "ژن، ژیان، ئازادی" سەردەکەوین و گوتی: “وەک ژنانی کورد خاوەندارێتی لە ڕێبەر ئاپۆ دەکەین و  بە پێشەنگایەتی دروشمی "ژن، ژیان، ئازادی" سەردەکەوین. بانگەواز لە هەموو ژنانی کورد و جیهان دەکەین لە دژی هەموو هێرشەکان بە فکر و فەلسەفەی ڕێبەر ئاپۆ تێبکۆشن و ئازادی خۆیان بە دەست بهێنن. بە ڕێکخستنەکانمان تێکۆشان لە دژی توندوتیژی فراوان بکەین و لە هەموو گۆڕەپانەکان بە دروشمی "ژن، ژیان، ئازادی" هاوار بکەین".

ڕێپێوانەکە بە دروشمی "ژن، ژیان، ئازادی" و "بژی سەرۆک ئاپۆ" و "بێ سەرۆک ژیان نابێ" بە کۆتا هات.