ڕاپیمای گەورەو ئازادیی، کە پەی ئازادیی ڕابەروو گەلوو کوردی عەبدوڵا ئۆجالانی و چارەسەرکەردەی کێشەی سیاسیی کوردی بەشێوەی دیموکراتیک، دەسش پەنە کەردەن، ڕۆو ١١ەمینینە بەردەواما و یاوان سێرت. بەشداربیێی ڕاپیمایەکەی دەمەوبەیانینە لوێ زیارەتوو قەبرەکا، دماتەر ڕاپیمایەکە کریا. ڕاپیمایەکە بە دروشموو "بژیوۆ مدرامانوو زیندانییا" دەسش پەنە کەرد.

دماتەر پەڕلەمانتاروو شڕناخوو دەم پارتی نەورۆز یوساڵ ئەرسەلان واتش: "گۆشەگیری کاریگەرییش سەروو گردوو جومگەکاو گلێرگەی وەش کەردەن، تا گۆشگیری بەردەوام بۆ، قەیرانەکێ زیاتەر قووڵتەرێ باوە. تا قەیرانەکێ دماییشا بێ و گەلێ بە ئارامی بژیوا مشۆم گۆشەگیریی ئیمراڵی دماییش بێ".

دماتەر بەشداربیێ لوێ ناوەندوو سێرتی و بە جەماوەریی خێرامایشا کریا. هامسەرۆکی گردینوو بەدەپەی چیدەم کلیچگون ئوچار واتش: "گەلوو سێرتی پەی ئازادیی گەلوو کوردی و بەڕێز ئۆجالانی ئەرەپڕێنێ. یوەم دەنگبەرزکەردەیۆ پەی ئازادیی گەلوو کوردی سێرتنە بێ. نیشانەو گرد لێوەشا دا کێشەی هەرە گەورە، کێشەو گەلو کوردین و موخاتبیچ بەڕێز ئۆجالانا. ٢٥ساڵێن بەڕێز ئۆجالانشا گێرتەن و واتشا تەمام گرد چێو حەل بی، بەڕێز ئۆجالان ٢٥ ساڵێن مدرامان کەرۆ و دەوڵەت نەتاواش کێشەکا چارەسەر پەوکای گۆشەگیرییش فەرز کەردەن".

ئوچار پێسە دماییش بە قسەکاش ئارد: "ئەنجاموو ئی ڕاپیمایە ئازادیین، ئازادیی گردیما، هومێدوو سەرکەوتەی پەی گرد لایێ موازوو".

دماتەر بارەگاو پارتینە چند بەشێوە جە نویستەیەکاو ڕابەر ئاپۆی ونیێوە.