جە ١٥و ئادارینە وەختۍ هێزێوە یەکینەکاو دژەتیرۊر (یات)ی، بەرەو سلێمانی لوێنۍ، دووۍ هەلیکۊپتەرێشا بۊنەو دۊخوو کەشوهەوایۊ کەوتێرە وار. "قەسەدە" ئەرەیاوناینە باسش چانەی کەرڎەبۍ، کە بۊنەو قۊمیاکەیۊ ٩ جەنگەوانێشا چانیشا فەرماندەو "یات"ی "شەرڤان کۊبانێ" گەشمەرڎۍ بیێنۍ.

بافڵ تاڵەبانی، سەرۊکوو "یۊبییەیی نیشتمانی کورڎستان- یەنەکە"ی  بارەو گەشمەرڎەبییەی نۊ جەنگوانا یەکینەکاو دژەتیرۊری جە سەرنیشت و وەرکەوتوو سووریاینە، جە شەوەو ١٥و ئی مانگۍ سنووروو بادینانینە گەشمەرڎۍ بیۍ، پەیامێوە سەرەوەشییش وەڵا کەرڎۊ، دلێسنە بێتاقەتیی وێش بەرش وستەن.

سەرۊکوو یەنەکەی ئەرەیاونانش: ‏‎گەشمەرڎە "شەڕڤان کۊبانێ" و یەكینەكانی دژەتیرۊری دەورێوە گەورەشا گێڵنا جە وەرگیریی چەكداراو داعشینە جە وەرنیشت و خاكی مەبارەکوو كوردسانیشا جە دەسی سیاوو تیرۊری پارێزنا و تاریخێوە پەڕ سەروەرییشا تۊمار كەرد.

‏‎"بافڵ تاڵەبانی" واتەنیچش، شانازی پا تاریخە درەوشیاوەیۊ کەرۊ، كە هێزەكاو دژەتیرۊری هامشانوو یەكینەكاو دژەتیرۊروو وەرنیشتی، پەی پارێزنای خاكوو كوردسانی و خەڵكە کۊشیاکەیش، خەباتشا كەرڎەن و داستانی قارەمانانەشا تۊمار كەرڎەن.

‏‎"تاڵەبانی" پەرسە و هامخەمیی وێش ئاڕاسەو فەرماندەیی هێزەكاو سووریای دیموكراتی و یەكینەكاو دژەتیرۊری و جەموو خەڵكوو كوردسانی بەتایبەت هامنیشتمانیاما جە وەرنیشتوو كوردسانینە کەرڎەن.

س.ز