ئەرەنیشتەی دادگاو دۆزوو کۆبانێ کە هامسەرۆکی گردینوو پارتی دیموکراتیکوو گەلا (هەدەپە)ی وەڵین فیگەن یوکسەکداغ و سەڵاحەدین دەمیرتاش دلێ ١٨ زیندانییا و ١٠٨ سیاسەتمەدارانە دادگایی مکریۆ بەردەواما. پێوەس بە دۆزوو کۆبانێوە وەردەموو بیناو دەم پارتیی شاروو وانینە مەنتێقەو پەیاسینە بەیاننامێ ونیاوە. نوێنەراو ڕێکوستەیە مەدەنیەکا و پارتە سیاسییەکاو شاری بەشدارێ بەیاننامەکەی بێنی. بەیاننامەکەنە پەیاموو "زیندانییێ سیاسییێ شکۆو ئێمەنێ" بەرز کریاوە.

بەیاننامەکەنە کە هامسەرۆکوو دەم پارتی ئامەدی عەباس شاهینی واناوە، ئاماژەش پانەیە کەرد: "بانگەوازما ئانەنە دمایی پی نادادپەروەرییا بێ، پێویسا دەس جە  فشاروستەیسەروو سیاسەتوو دیمکراتیکی وەربدانێ، ئێمە دماڕۆو وەڵاتی و دیموکراسی تاریکینە نمازمێوە."

وان

حەر سەبارەت بە دۆزوو کۆبانێ وەڵێ ڕێکوستەی دەم پارتی واننە چالاکیی کریا و پانکارتوو "پیلانگێڵنیی سیاسی نمەتاوا بماڕاما" بەرز کریاوە.

چالاکییەکە بە وانایۆ بەیاننامەی لاو هامسەرۆکەو دەم پارتی وانیوە گوڵشەن کوورتێوە ونیاوە و بەشێوی بەیاننامەکەینە ئاماژەش پانەیە دا گەل چا وەختۆن هەڵوێستوو وێش نیشانە مدۆ مجیۆرە مەیدانەکا و واتش: "تا چارەسەروو پەرسەکاو کوردی و ئاشتییەکەیش بە حورمەت بێ وەرۆ، پێویسا ڕێز وەنەو ڕەگەزەکاو یاسای گەردوونی، موخاتەبەکاو چارەسەری و پەیماننامەکاو ئاشتی بگیریا. دۆزوو کۆبانێ پەڵێوی سیاوی نایاساییا ڕووەو یاساو تورکیایوە. پێویسا ئی ڕێبازە نایاساییە زووتەرین وەختەنە دماییش بێ.