ئاهەنگو نەورۆزو ڕحای بە جۆشێوە گەورەو بەردەوام بی. کاندیدو هامسەرۆکو شارەوانیی ڕحای، جەلالەدین ئەرکمەن نەورۆزش مەبارەک کەرد، تیشکەش وستە سەرو گۆشەگیریی ڕابەرو گەلو کوردی عەبدوڵا ئۆجالانی و چا وەختەنە جەماوەر بە دەنگی بەرز درووشمو "بژیوۆ سەرۆک ئاپۆ"یشا بەرز کەردۆ.

دمایی هامسەرۆکو دەم پارتی نەورۆزش جە چوار پارچەو کوردستانی مەبارەک کەرد و سڵامش پەی بنەیانەو شەنیاشاری و ئەمینە شەنیاشارێ کیانا و واتش پەرسمێوە چا کۆکوشییە بنەیانەو شەنیاشاری.

باقرخان واتش نەورۆز شیرازەو دەسەڵاتیش تێک دان و ملوێنان کەسێ کوردستانۆ ئامێنێ پەی مەیدانەکا، ئادێ سەرەمڕ بەردەوام باسو ئۆپەراسیۆنی و جەنگی مکەرا، ملوێنان کوردێ مواچا ئاشتی و ئازادی و دیموکراسی، ئەوەخوایش کەردۆ گەلو ڕحای ورچنیەینە جوابو سیاسەتو جەنگی مدۆوە و واتش: "شمەی گەلو ڕحای دژو نەمروودەکا، ڕابەرایەتیی هەڵوێستو ئیبراهیمی مکەردێ".

باقرخان ناڕەزایەتییش وەراوەرو گۆشەگیریی ڕابەرو گەلو کوردی عەبدوڵا ئۆجالانی بەروست، واتش چارەسەر چۆتاوە و نزیکا و ڕووە بکەردێوە ئیمراڵی، واتش: "گۆشەگیریی سەروو بەڕێز ئۆجالانی ورگێردێ  و پەرسەو کوردی بە قسێ و دایوسانای چارەسەر بکەردێ. پی بۆنەوە نەورۆزو هامشاری و هامڕایا و بەڕێز ئۆجالانی زیندانو ئیمراڵیینە مەبارەک مکەروو. نەورۆز مەبارەک بۆ".

دمایی ئەدایاو ئاشتی بە درووشمو "بژیوۆ سەرۆک ئاپۆ"ی و "بژیوۆ نەورۆز"ی یادشا کەردۆ.  

بەرنامەکە بە چالاکیی هونەری بەردەوام بی.