دۊخوو زینڎانیی نەوەشی سەیفەدین دەمهات ڕۊ بەڕۊ خراپتەر بۊ. دەبێت. مارتی کە یۊن جە ئەندامەکاو بنەیانەو دەمهات شەنگولی واتش، کە دەوڵەتو تورکی زینڎانەکانە تاوانۍ کەرۊ و داواش کەردە، کە ئی تاوانۍ مردنیا.
دەمهات کە زینڎانیێوە نەوەشا بۊنەو کێشە و هەلومەرجەکاو زینڎانیوە ڕۊ بەڕۊ باری تەندروستییش خراپتەر بۊ، ئازارەو ماسوالکەی و جومگەکاش زیادە بیێنە. هەرپاسە بەردەوام تووشوو کرژبییەی دڵی بۊ.
مارتی واتش: "سەرەڕاو نەوەشیی سەختی، براکەش ماوەی ٩ ساڵان زینڎانوو وانینە گیریان".
مارتی سەرنجەش وستە سەروو مانگێرتەی زینڎانییا جە واردەی پەی ئازاڎیی ڕابەروو گەلوو کوردی عەبدۊڵلا ئۊجالانی و واتش: "مشۊم گرد لێوە پەشتیوانیی کەرا وەنەو مانگێرتەی زینڎانییا و نۊبەتوو دادپەروەری، کە جە بەروو زینڎانەکانە هەن. مشۊم ئێمە بە چالاکییەکاما جیهانەنە دەنگ دەیمێوە. داوا کەرمۍ کە ڕابەرما و گردوو زینڎانییە سیاسییا ئازاڎۍ کریا. فرەو زینڎانییای تەری پێسە براکەو من نەوەشێنۍ، ئینە کە کریۊ تاوانێوە گەورەن دژ بە ئینسانیەتی. داوا وەنەو دەوڵەتی کەرمۍ کە "ئیتر ئی هەرمانۍ وەسێنێ".
