جوۋانۍ ئەرەیاۋناشا کە ئاڎۍ گەمارۊدای مەخموری قەبوڵ مەکەرا و وەردەمو باڵوېزخانەو عێراقینە بە دروشمو "مەخمور کەمپ و هەوارگەو ژیۋاین، جە دژوو ئەرەگیرکەرڎەو ژیای ھورزە سەروپەیا" چالاکیێوەشا ئەنجامدا. 

جوۋانۍ جە چالاکیەکەنە پی جۊرە ئەرەیاۋناشا:

"ئێمە پێسە جوۋانا کورڎی هەنگامە پۍ دمای مەنیەیمۍ. ئێمە شان بە شانو گەلەکەیما جە مەخمور مرڎېنمۍ. ئینە قەرارو گەلین. ئێمە چۍ وېڕاگری کەرمۍ. ئێمەیچ پێسە گەلوو مەخموری جمێوە و ئیراڎەو ۋېما مەڎەیمۍ دەسۊ. ئیراڎەو ۋېما رادەسو دەوڵەتو تورکی نەکەرڎ و رادەسو دەوڵەتو عێراقیچش مەکەرمۍ. وەرو ئانەی ئێمە ئەچێوە بانگەواز کەرمۍ. ئا گەمارۊدایە کە ھەمان وەختەنە پڕۊژېوە چەپەڵو دەوڵەتو تورکین، بە ماناو گەمارۊدای گرڎیما مۍ. مدرامان وەران ۋەر بە گەمارۊدای بە ماناو ژیای مۍ. ئێمە سەرگنمۍ. ۋەرنیشتو و شەنگال سەرکۊتۍ، مەخموریچ سەرگنۊ".

سەروازەکۍ سوپاو عێراقی ٢٠و ئایارینە بە دەیان ترۊمبێلۍ زرێپۆشۍ، چەکی قورس، شۊفڵ و تەلۊ گەرەکشابۍ چواردەورو کەمپو مەخموری گێرا. گەل وەران ۋەر بە حۊلەکا گەمارۊدای وېڕاگریش کەرڎ، سوپاو عێراقیش بەزنا و جە خێمەکانە دەسشا بە ئێشکگیری کەرڎ.

هـ . ش