ڕا نەدریا سۊرین سۊندیرگارد پەرلەمانتاروو دانیمارکی سەرۍ ئەنقەرەی بڎۊ، کە جە هەمان وەختنە چەمڎاریی ڕێکوزیاو هامکاری و گەشەپەنەدای ئابووری و ڕێکوزیاو هامکاری و گەشەپەنەدای ئابووریی دانیمارکین، کە قەرار بۍ پەی چەمڎاریکەرڎەی ورچنیەیەکا سەرۍ تورکیای بڎۊ.
سۊرین سۊندیرگارد پەرلەمانتاروو یۊبییەی سۊسیالیستوو دانیمارکی پەی کەناڵوو تی ڤی ٢ۍ دانیمارکی قسێش کەرڎۍ و ئەرەیاوناش، دەوڵەتوو تورکی ئاڎش بە 'پڕوپاگەندە پەی رێکوزیای تیرۊریستی' تاوانبار کەرڎەن.
ئەرەیاونیا کە سەبەبوو ڕانەدای بە سۊرین سۊندیرگاری ئانەن، کە وەختوو وێش سەروو هێزەکاو سووریای دیموکرات (قەسەدە)ی دان. سۊندیرگار واتش، " ڕاسا من سەرۍ قەسەدەیم دان، کە جە دژوو داعشی جەنگ کەرا و بە سەرڎاکەیچ سەرەبەرزنا."
ئا پەرلەمانتارەو دانیمارکی ئەرەیاونایچش، کە بەڕسمی سکاڵاش دژوو ئەنقەرەی تۊمارە کەرڎێنە و واتش، " وەڵاتێوە نەتاوۊ بە دڵوو وێش پەرلەمانتارە چەمڎارەکا ورچنۊ. ئی دۊخە ورچنیایەکاو تورکیای وزۊ گومانۊ. ئینە نیشانەش مڎۊ، کە ئیساتێوە گەرەکشانە ورچنیەی کۊنتڕۊڵ کەرا."
س.ز
