ئێشکگێریی داڎپەروەریی بنەیانەو شەنیاشاری جە رحانە پش نیان٨٠٠ەمین ڕۊ. بنەیانەو شەنیاشاری جارێوە تەر جەختشا چانەیە کەرڎۊ کە تا چەسپنای داڎپەروەری درێژە مڎا بە کۊشیاکەیشا.
جە ١٤و حوزەیرانوو ساڵەو ٢٠١٨ینە قەومۍ و حیمایەکاو پەرلەمانتاروو ئاکەپەی رحا ئیراهیم خەلیل یەڵدز جە مەنتێقەو پرسوسوو رحاینە هجوومشا کەرد سەروو بنەیانەو بنەیانەو شەنیاشاری، جە هجوومەکەنە پیاکەش ودووۍ کوڕۍ ئەمینە شەنیاشارۍ کوشیۍ. ئەمینە شەنیاشارە و فەرید شەنیاشاری کوڕش کە جە کۊکوشییەکەنە بەبرینداری ڕزگارش بی، جە ٩و ئاداروو ٢٠٢١ وەرڎەموو داڎگاو رحاینە دەسشا بە ئێشکگێریی داڎپەروەریی کەرد، چالاکیی بنەیانەکەی٨٠٠ ڕوێن درێژەش هەن. سەندیکاو پارێزنەراو لەقوو رحای، ئەنداماو لەقەکاو کۊمەڵەو مافئشناسا پەی ئازاڎی (ئۊهەدە) و کۊمەڵەو مافەکاو ئینسانی (ئیهەدە)و رحای بەشدارییشا جە چالاکیی ئێشکگێریی بنەیانەکەینە کەرد کە ٤٠٠ ڕوێش ویەرنان، جەماوەر وەرڎەموو داڎگاینە پلاکاردێوەشا ورواست کە سەرشۊ نویسیابێ(پەنج ساڵین داواو داڎپەروەری کەرمێ) ".
چالاکییەکەنە ئەوەڵۊ پەرلەمانتاروو رحاو پارتوو چەپی سەوزی فەرید شەنیاشار قسێش کەرڎی و واتش، کە کۊشیای ئادیشا، چالاکیی ئێشکگێریی داڎپەروەری ٨٠٠ ڕوێش ویەرنان و واتش: "گەورۍ و وەڵێنیما ماچاچکۊ چەنەتا گوم بی چاگە پەیش گێڵدۍ، ئێمە وەرڎەموو ئی بینێنە داڎپەروەریما گوم کەرڎەن و پەیش گێڵمۍ. یەرۍ ئەندامۍ بنەیانەکەیماوەرڎەموو خەسەخانەو دەوڵەتینە پرسوسنە کوشیۍ. ئا کۊکوشییە وەرڎەمووکامێرەکاو چەمڎاریوە و گرد کەسیوە کریا. وەلۍ تا ئیساتێچتۊمارەکاو خەسەخانەی نەدریێنۍ دەسوو داڎگایۊ، تا چەسپنای داڎپەروەری ئێمە درێژە بە کۊشیای مدەیمۍ.
ئەگەر سەیەو کۊشیای ئێمە نەبیۍ ئا کۊکوشییە بۍ تاوانێوە بکەرنادیار. تۊماروو پۊلیسیما ئینا دەسۊ و پاڵپەشت پا تۊمارا سکاڵا کەرمۍ. ئانە داواکاری گردین کە ٤ ساڵێن حیچ هەنگامێوەش نەنیێنە ٥ ساڵێن براکەمش ژووری تاکەکەسینە گێرتەن".
فەرید شەنیاشار جە درێژەنە واتش، کە کۊشیای ئێشکگێریی داڎپەروەرییشا پەرلەمانیچنە درێژەش بۊ و واتش: "ئەڎام بۊنەو نەوەشییەکیشۊ حەفتانە یەرۍ ڕوۍ، منیچ حەفتێوە یەرۍ ڕووۍ ئەنقەرەنە بوو، تەسەور کەروو ڕێکوزێۍ و ئەرەمەرزیۍ مەدەنییەکۍ ئەدێم رحانە بەتەنیا جیا نمازا."
ئینجا ئەڎا ئەمینە شەنیاشارە واتش، بکوشەکێشا بەئازاڎی سووڕیاوە و
و واتش: "ڕۊڵەکەم ٥ ساڵێن ئینا ژووری تاکەکەسینە. وەلۍ بکوشەکێما بەئازاڎی سووڕیاوە، چێشا مەگێرا؟ ئینە چە داڎپەروەریێوەن؟ ئیتر وەسینبا کوڕەکەیم ئازاڎ کەرا. با تۊماروو کامێرەکاو خەسەخانەی وەڵا کەراوە و گردوو دنیۍ کپکوشییەکەی وینۊ".
کۊنفڕانسە ڕۊنامەوانییەکە بە دروشموو "ماف، ڕاسیی، داڎپەروەری"ی دماییش ئاما.
س.ز
