ئێشکگیری دادپەروەری بە سەرمەشقایەتی جەمەو هامکاری قەوم و کەس و زینڎانیا و حکومدریایا و تەڤگەروو ژەنا ئازاڎیی (تەژەئا)ی ٤٣ ڕووێن بەردەواما. جە چالاکییەکەنە درووشمەو "بژیۋۆ مدرامانوو زینڎانیا" و "ژەنی، ژیۋای، ئازاڎیی" و "یاسای دادپەروەر"ی بەرزۍ کریێوە و گۆرانیۍ کوردیۍ وچیێوە.

یۆ جە ئەڎاو زینڎانیا جە چالاکییەکەنە ئەرەیاۋناش گرڎ لایۍ چەمشا جە نەورۆزوو ئامەڎین و هومێڎەوارێنمۍ نەورۆز بۊ بە مایۍ ئاشتی. واتش: "تا ستەم بەردەوام بۆ، کۊشیایما بەردەواما. سەرە ۋەروودەم و ستەمینە مەنامنمێرە. تا ئازاڎیی ئۆجالانی کۊشیایما بەردەوام بۆ. کرێڵوو ئاشتی ئینا دەسوو ئۆجالانینە. سەڎان گەنجۍ پۍ ئاشتی و ئازاڎیی گیانوو ۋێشا بەخشا. نەورۆزی جە گرڎ لێوە پیرۆز کەروو".

ئامەد

ئێشکگیری دادپەروەری بە سەرمەشقایەتی جەمەو هامکاری بنەیانەو زینڎانیا (توای دەر)ی جە بیناو پارتوو هەرێمە دیموکراتیکەکانە جە ئامەد ١٠٦ ڕووێن بەردەواما. چالاکوانەکۍ هێلەک و "گۆشەگیری تاوانێوە مرۆڤایەتین"شا پۆشان.

قەوموو کەس و زینڎانیا ئەرەیاۋناشا گەرەکشانە مافەکا گەلوو کوردی دڎانش بنریۆ پۊرە و تەئکیدشا کەردۆ تا دمایی ئەرەکۊشا.

یۆ جە قەوموو زینڎانیا واتش: "وەڵۍ گرڎ چێوێنە مشۊم گۆشەگیری سەروو ڕابەریما هۊربگیریۆ. گۆشەگیری گرڎوو زینڎانەکا هۊربگیریۆ. گەر گۆشەگیری هۊربگیریۆ. ئاشتی مۍ ئاراوە. با ئی ستەمە جە تورکیا و جەهانەنە دمایش بۍ".

مێردین

ئێشکگیری دادپەروەری جە بیناو دەبەپەو مێردینینە ٧٢ ڕووێن بەردەواما. جە چالاکییەکەنە ئەڎایا ئاشتی تەئکیدشا کەردۆ درێژە بە چالاکییەکەیشا مڎا پۍ ئازاڎیی جەسڎەیی ڕابەروو گەلوو کوردی عەبدوڵا ئۆجالانی و ڕۆڵەکاشا.