وەڵۍ ورچنیەیەکاو ١٤و ئایارینە شەپۊلێوە تازۍ فشاری و سەرکوتکەرڎەی دەسش پەنە کرڎەن و ئا سەرکوتکارییە بەتایبەتی دژوو کورڎەکا کریۊ.

جە چوارچووەو کۊڵیایۊێوەنە لاو داواکاری گرڎینوو شرنەخینە، پۊلیسوو دەوڵەتی تورک جە گەڕەکەکاو نور، باربارۊس و جموریەت جە مەنتێقەو سلۊپی ورشا کوان سەروو چنڎین یانا.

جە ورکواکەینە بەهەڕەمەکی کەلوپەلەکاو یانەکاشا تێکوپێکۍ دێنۍ و محەمەد د. ڕدڤان.د، ئۊزجان ک و ئوموت ئۊ و چنڎین کەسۍ تەرۍ کە نامەکێشا نەزانیێنۍ گیریێنۍ.

بەپاو زانیارییەکا، گردوو گیریایەکا گەنجێنۍ، سەبەبوو گێرتەکەیچشا ئاشکرا نەکریان.

بەتایبەتی جە ٢٥وو نیسانیوە ورکوای سەروو یانا و گێرتەی بەکۊمەڵ لاو دەوڵەتوو تورکیوە دەسش پەنە کەرڎەن. چاورکوایەنە و جە ئۊپەراسیۊنەکاو پاکتاوکەرڎەی سیاسیینە ئامەدنە، ئیستەنبوڵ و ئەنقەرەنە سەدان کەسۍ گیریێنۍ، کە ڕۊنامەنویس، سیاسەتمەدارۍ، هونەرمەنڎۍ، سەنڎیکاکاراۍ و پارێزنەرێش چەنەنۍ.

س.ز