فیگەن یوکسەکداغە و سەلاحەدین دەمیرتاش، هامسەرۊکۍ ۋەڵینۍ هەدەپەی، کە ئیسە ئینۍ زینڎانەنە، بە مەڵامەتو ئانەی کە جە تەعنەکەشانە یاردیۍ عالشا هۊرنەگرتەن، لاو داڎگاو ئەورووپای پۍ مافو مرۊڤی شەکواشا تۊمارە کەرڎە، داڎگایچ قەرارش دا کە تورکیا پاشێلکارییش کەرڎەن و ئاڎۍ مافدارېنۍ

جە بەیاننامیوەنە کە جە لایەن و فیگەن یوکسەکداغۍ و سەڵاحەدین دەمیرتاش، هامسەرۊکۍ ۋەڵینۍ پارتو دیموکراتی گەلان- هەدەپە، ۋەڵاکریانۊ، داڎگاو ئەورووپای پۍ مافو مرۊڤی ئاماژەش پانەی دان، ئا دوۋە هامسەرۊکۍ هامکاریېۋە عالشا پۍ تەعندای جە یاساو دلېینەی هۊرنەگرتەن و داڎگا قەرارش دا کە هامسەرۊکۍ هەدەپەی مافدارېنۍ و دەوڵەتو تورکی ڕێککۊتننامەو ئەورووپایش پۍ مافەکا مرۊڤی پاشېل کەرڎەن.

جە بەیاننامەکەنە ئاماژە پانەی کریان، دەمیرتاش و یوکسەکداغە، بە تایبەتی دژوو ئانەی، کە وەرپەرسا زینڎانی چەمڎاری گلېرۊبیەیشا چنی پارێزنەرەکاشا مکەرا و دەسشا سەرو ئا بەڵگەنامارە گرتەن کە چنی پارێزنەرەکاشا هامبەششا کەرڎەن، شەکواشا کەرڎېنە، ئا ڕاو شۊنېچە دماو حۊل و کودەتاکەو ١٥و تەمموزو ٢٠١٦ کۊتېنۍ بوارو جابەجېکەرڎەیۊ و داواکار جەختشکەرڎەنۊ: کە “دەمیرتاش و یوکسەکداغ”ە  مافدارېنۍ و دەوڵەتو تورکیایچ ڕێککۊتننامەو ئەورووپایش پۍ مافەکا مرۊڤی پاشێل کەرڎېنۍ.

هـ. ش