داغ و ئەر جە دژوو فشارەکاو پەدەکەی ٣٨ ڕوێن مانشا جە وارڎەی گێرتەن
مەزڵوم داغ و عەبدولرەحمان ئەر کە جە زینڎانوو هەولێرینە گیریێنۍ، وەراوەروو ناچارکەرڎەیشا بە یەکپۊشی مامەڵەی نەشیا، ماوەو ٣٨ ڕوان مانشا جە وارڎەی گێرتەن.
جە ١٧ تەمووزوو ٢٠١٩ینە دژوو پلەدارێوە کونسوڵخانەو تورکیای هەولێرنە بە نامۍ عوسمان کۊسەی هجوومێوە کریا. هجوومەکەنە کۊسە و هاموەڵاتێوە عێراقی بە نامۍ نەریمان عوسمانی و هاموەڵاتێوە هەولێری بە نامۍ بەشدار ڕەمەزانی گیانشا جەدەس دا. مەزڵوم داغ و عەبدولرەحمان ئەر بۊنەو ئا هجوومیوە گیریێبێنۍ، داغ و ئەر جە زینڎانوو هەولێرینە گیریێنۍ.
مەزڵوم داغ و عەبدولرەحمان ئەر کریێنۍ زینڎان، پاشێلکەرڎەی مافەکاشا کەوتەن وەرووو باسی. مەزڵوم داغ و عەبدولرەحمان ئەر جە دمایین نموونەنە بۊنەو فشاری و ناچارکەرڎەیشا بە یەکپۊشیوە جە ١٨و ئایاروە مانشا جە وارڎەی گێرت، چالاکییەکەو داغی و ئەری ئینا ڕۊو ٣٨ەمینینە.
داغ و ئەر دژوو مامەڵەی خراپی و ئەشکەنجەی جە ٢٨وو ئەیلوولوو ٢٠٢٢ێنە مانسا جە وارڎەی گێرتەبۍ و بۊنەو ئانەیۊ ئا وەختە داواکارییەکێشا قبووڵۍ کریێبێنۍ دماو ١٤ ڕوا وازشا جە مانگێرتەکەی ئارڎەبۍ.
ئینجا هەردووە زینڎانییەکۍ جە ١٣و شوباتوو ٢٠٢٢ وەراوەروو پاشێلکەرڎەی مافەکاشاوە ڕۊچی مەرڎەیشا دەس پەنە کەرڎێبۍ. دماو ئانەیە قەرارشا دا کۊتایی بە پاشێلکەرڎەی مافەکاشا بارا، جە نۊیەم ڕۊنە دماییشا بە چالاکییەکەیشا ئارد.
س.ز
