کۆمیسیۆنوو یاسا و مافەکا مرۆڤوو دەم پارتی ئەرەیاۋناش گرڎوو ئا بانگەشا مکریا بە پاساوە پەی نیایرەو قەیومی بێ بنەمێنۍ و ماچۆ: "جەڕوو یاساییوە، هیچ چێوۍ نییا بۆ بە شرۊڤەی پراکتیکی قەیومە کودەتاچییەکا دەسەڵاتی سیاسی".
جە ئەرەیاۋناو وەزارەتوو دلێینەینە سەروو میدیاو دیجیتاڵی جەخت کریانۆ، بە تۆمەتەو "ئەندامێوە ڕێکوستەی" ۋنەپەرسایۆ ۋەرا ۋەر بە هامسەرۆکوو شارەوانی جولەمێرگی کریانۆ و بە پاساوەو "ڕاوەبەردەی ڕێکوستەی" جە یووەمین دادگاو سزای قورسەو جولەمێرگی دادگایی مکریۆ، دەم پارتی ماچۆ: "ئینە بەرش وزۆ داواکاری گرڎی و دادوەر بەپاو سیاسەتوو قەیومی وەزارەتوو دلېینەی و بە مەبەسی سیاسیی مامەڵە مکەرۆ".
دەم پارتی سەرنج وزۆ سەروو ئیفادەو شایەتەکا جە دادگانە دژوو هامسەرۆکوو شارەوانی جولەمێرگی و بانگەشەکاو وەزارەتوو دلێینەی جە دادگانە، تەئکیدش مکەرۊوە، بانگەشەکۍ وەزارەتوو دلېینەی بەتەمامی بێ بنەمێنۍ و جە دادگانە نەسەلەمیێنۍ.
دەم پارتی ماچۆ: " ۋنەپەرسایۆ داواکاری گرڎیی بە ژمارە ٢٠٢٤/٢١٧١ کە ئارۆ جە دژوو هامسەرۆکوو شارەوانی جولەمێرگی بە تۆمەتەو ئەندامیەتی ڕێکوستەی کریاوە، قەرارو ئاستەنگکەردەی دریا، هەر پۊکەی دلېینەکەش نەزانیان. حەرچنڎە هیچ ئاژێوە نییا کە ئامانجوو ۋنەپەرسایۊکەی ئاستەنگ بکەرۆ، بە قەراروو قەڎەغەکەدەکەی مافوو پارێزنای پاشێل کریان. حەرپاسە قەراردریان پەی قەڎەغەکەردەی کۊبیەیۆ چنی پارێزنەرا پەی ماوەو ٢٤ سەعاتا.
دەم پارتی ئاماژە پانەی مکەرۆ، بەپاو یاسۍ تا تۆمەتەکۍ سەروو کەسێوەرە نەسەپیا، مەبۆ جە مافەکاش بێبەش بکریۆ، ئی مافە جە دەستوورو تورکیای و یاسا میان نەتەوەییەکانە مسۆگەر کریان، ماچۆ: "جەڕوو یاساییوە، هیچ چێوۍ نییا بۆ بە شرۊڤەی پراکتیکی قەیومە کودەتاچییەکا دەسەڵاتی سیاسی".
