دەم پارتی واتش: "بە نیگەرانی و توڕەیێ فرۆ زاناما کە جە دەگاو بەرخو بۆتانینە جە کۆبانێنە جە گرووژمێ درۆنینە جە یەک بنەیانەنە ئەڏایا، تاتە و ٧ زاڕۆڵێ گەشمەرڏێ بیێ، ٢ کەسێش زامدارێ بیێ."

تاوانەو جەنگین

دەم پارتی ئاماژەش پانەیەدا ئی کۆمکووژییە تاوانەو جەنگینە، ئێش و ویژدانیپو مرۆڤایەتیش دا و واتش: "هیوادارێنمێ زامڏارەکێ جە ماوێوە کەمەنە خاسێ بانە. بە دیدگێوە سیاسی کە گرڏ جۆرە جەنگێ ڕەت مکەرۆوە، جەخت مکەرمێوە کە مشۆم ئی هرووژمێ بە تەمامەتی ونە پەرسایۆشا چنە کریۆنە.

هەوڵدێوە سابۆتاژی                                     

جە کاتێنە ئیدارەا وێڕاوەبەری سەرنیشتوو وەرکەوتوو سووریای چنی حکومەتو کاتی دیمەشقی ڕێکەوتەیش ئیمزاکەرد، جە دژو حەرجۆرە هرووژمێ ڕەسمی قەرار دریا، ڕووەدای ئینەی ڕێکەوت نییا، هەوڵدانێوەن پەی زیاکەردەو ئاڵۆزی جە هەرێمەکەنە و تێکدای هیواو ئاشتییا. پێسەو ئێژا ئۆجالانی وەڵتەر ئاماژەش پنەکەردەبێ، هەوڵدانێوە سابۆتاژییا.

ئایا ئا زاڕۆڵێ گەشمەرڏێ کریێ هەڕەشێنە سەرو سەقامگیری؟ گەشمەرڏە کەردە و زاڕۆڵا و مەدەنییەکا حەجگیز قبوڵ مەکەرمێنە!."

جە ئەرەیاونێوەنە داوا جە دەسەڵاتداری ئاکەپەی کریان سەبارە بە گەشمەرڏە کەردەو مەدەنییەکا ئەرەیاونێوە دۆنە و ئی تاوانە نامەردانەیە ئاشکرا بکەرۆ.

دەم پارتی ئاماژەش پانەیەدا پەی ئاشکراکەردەی وەرپرسیاری و ونە پەرسایۆ چنەشا ئەوەکۆشای بەردەوام بۆنە.