ژمارېوە فرە جە کوردسانیا و دۆساشا بەشداریشا جە کۆبیەیۊکەینە کەرڎ. پارێزنەر مەحمود شاکار و سیاسەڎمەدار نیلوفەر کۆچ پرس و پەرەئەسایە هەنوکەییەکاشا شەن و کەو کەردۍ.

جە هۊرسەنگنایەکانە ئانە وزیان ڕووە کە ئامانجوو گۆشەگیری جە ئیمراڵی جینۆسایدوو گەلوو کوردیا و ئاماژە بە هامکاری و پاڵپەشتیی هێزە میان نەتەوەییەکا پۍ دەوڵەتوو تورکی کریا چا مژارەنە. جە کۆبیەیۊکەینە باس چانەی کریا کە ڕابەروو گەلوو کوردی عەبدوڵا ئۆجالان پا پاڕادایمەی کە وەڵېش وستەن سیستموو ئیمراڵیش پوچ کەرڎەنۆ و ئانەیچ وزیاڕووە، کە عەبدوڵا ئۆجالان بیەن بە هیواو ئازاڎیی گەلاو وەرکەوتوو دلېڕاسەی.

جە گلېرۊبیەکانە ئامادەبیەکېچ بە پرسیارەکاشا  بەشدارییشا جە گفتوگۆکانە کەرڎ و گلېرۊبیەکە بە دروشمەکاو "بێ سەرۆکی ژیۋای نیا" و "گەشمەرڎۍ مەمرا" دمایش ئاما.