وەر نیشتو‌و کورسانی ئا سەر زەمینەی کە چۆکش بە دڕندەتەرین هێزو تاریکی دنیۍ دارە. وەر نیشتوو کورسانی ئا یاگۍ بیە بە سەکوۍ پۍ بەرکەوتەو ڕۆح و فکرو ژەنۍ ‌و دمایش بە تەمام‌و ئا ڕوگا ئارد کە بیەو ژەنۍ جە دلۍ دنیاو سیاسەتی و ئاخېزی و فکرینە مژدە و ژیوایێ ئازاڎیش بە فەلسەفە و ژەنۍ ژیوای ئازاڎیی دا گۆش ‌و تەمام و دنیێرە. دماو سەرکەوتەی سەرو تەمام و ئاستەنگی‌و ئاریشەکارە ڕاوەبەرا سیسەم و وەرنیشتوو سەرکەوت و سورییای، ئەرەیاۋناشا کە دماو گفتوگۆیێ یەرە ساڵی، تێرو تەسەلی و بە ئامادەبیەی ١٥٨ ئەنڎاما دەسور و وەرنیشتوو سەرکەوت و سوریایشا ئەرەیاۋنا.

دماو چنڎین ساڵا جە مدرامانی و بەخشای زیاتەر جە ١٢ هەزار گەشمەردا جە تەمام و پیکئامایەکا دلۍ سیسەم و وېڕاوەبەرینە، تاواشا بانۍ بە ساحیب و دەسورێ تەمام دیموکراسی جە وەرکەوت و میامینینە. ڕاوەبەرا وەرنیشتی ئەرەیاۋناشا کە ئی دەسکەوتە جە ئەنجام و کۆششۍ  هامبەشوو چنڎین ساڵا تەمام و پیکئامایەکا دلۍ سیسەم و وېڕاوەبەری بەدی ئامان و پەنەوازېنمۍ کە ئی مۆدێلەیە جە سیاسەتی کەرمۍ دەسپێکێوە پەی بە دیموکراتیزەکەردەو وەرکەوت و میامینی.

ئارۆنە بە کۆشیاو گلېرگەو تەماموو پیکئامایەکا سیسەم و وېڕاوەبەری تاواشا فکرێوە گەورە جە دنیا و دیموکراسی و پێوە ژیوای نەتەوەی و ئایینی و تەمام و ئتنیکەکا بەرهەم بارا؛ سەرەڕاو تەمام‌و ئاریشەکا. ڕۆو هەشت‌و ئی مانگۍ لوجنەو نویستەیۆ دەسورەکەی کە جە ١٥٨ ئەنداما پێک ئامابی، کە جە تەمامو‌و چینەکا دلۍ گلېرگەی و سیسەم و وېڕاوەبەردەی پیک ئامابۍ دمایشا بە سیاو نویستەی دەسورەکەی ئاورد و کیاناشا پەی ئەنجومەن و یاسا نیایرەی پەی پەسەنڎکەردەیش. دماو گفتوگۆکەردەی ئەنجومەنوو گرڎی وېڕاوەبەری پانیشت و وەرکەوت و سوریای، جە گلېرۊبیەی ژمارە ٩٠و وېشەنە، دەسورەکەش بە کۆو دەنگوو ئەنڎاما پەسەنڎکەرد کە جەلایەن و لوجنە وەرفراوانەکا ئەرەمەرزناو هامپەیمانەکاوە پیشکەش کریابۍ.

دەسورەکە جە ٤ بەشا پېک ئامان کە ١٣٤ مادێش جە وېش گیرتېنۍ. بە پاو ئی دەسورەیە فاڕیای جەنامۍ وېڕاوەبەرینە کریان و فاڕیان پەی هەرێموو پانیشتوو وەرکەوتو‌و سوریای حەرپاسەیج فاڕیای جە هەیکەلوو شارەوانییەکانە کریان و دادگێوە دەسوریج ئەرەمەزیانەرە بە ئامانج و پارېزنا و پەیمانەکومەڵایەتیەکا و ڕۆشنکەردەیۆ تەمام و وردەکاریەکا دەسورەکەی. دەسورەکە سەرو فەلسەفەو ڕابەر ئاپۆی ئەرە مەرزیانەرە و گرنگی بە پېوەرە ژیوای تەمام و فرە ڕەنگیەکا گلېرگەی مڎۆ جە چوارچێوەو سیسەموو نەتەوەی دیموکراتینە، کە تەمام و پیکئامایەکا ئی سیسەمەیە ماف و مومارەسەکەرڎەو باوڕی و کولتوری و ژیوایێ ئازاڎ و دیموکراسیشا هەن. ڕەگەزە سەرەکییەکۍ ئی دەسوریچە سەرو بنچینە و هامژیوای ئازاڎیی و ئازاڎیی ژەنێ‌و دیموکراسی و ژیوگەپارېزی ئەرەمەرزیان.