دەسەو هەماهەنگی چەمداریی چالاکییەکاو مانگێرتەی ڕاپۊرتەو وێش بارەو مانگێرتەیوە جە واردەی دلۍ زیندانەکانە وەڵا کەردۊ و واتش، "وەڵۍ ئانەینە ئینسانەکۍ ژیوایشا جەدەس بدا، هەوڵەکاتا وزدۍ هەرمانە".
دەسەو هەماهەنگیی چەمداریی چالاکییەکاو مانگێرتەی جە واردەی کە بارەگاکەش ئینا ئامەدنە و جە لەقوو ئامەدوو کۊمەڵەو مافەکاو ئینسانی (ئیهەدە)، کۊمەڵەو مافشناسا پەی ئازادی (ئۊهەدە)ی، کۊمەڵەو هامکاری و پەشتیوانی جە بنەیانەو زیندانییا (توئای-دەر)ی وەش بییەن، ڕاپۊرتەو وێش بارەو مانگێرتەی جە واردەیۊ زیندانەکانە وەڵا کەردۊ.
پارێزنەر ڕەیحان کۊگ سکرتێروو کۊمسیۊنوو چەمداریی زیندانەکا دەقوو ڕاپۊرتەکێش واناوە ودلێشنە ئاماژەش پانەیە کەردم کە مانگێرتەی جە واردەی ئینا ڕۊو ٢٢یەمینینە و چالاکییەکە بە ئامانجوو ورگێرتەی گۊشەگیری و دماییئاردەی بە پاشێلکارییەکاو مافەکا ئینسانی زیندانەکاو تورکیاینە و پەی چارەسەروو پەرسەو کوردی بە دیموکراتیک ملۊ ڕاوە.
رەیحان گۊک واتش، بە مەبەسوو دماییئاردەی بە مانگێرتەیەکەی دەسەڵات و لایەنە پەیوەندیدارەکۍ هیچ هەنگامێوەشا نەنیێنە و واتش، "گردوو مافەکاو زیندانییا بەتایبەتی مافوو شکۊی، مافوو ژیوا و مافوو تەندروستییشا ئینۍ گەردەنوو دەوڵەتینە. وەختوو مانگێرتەی جە واردەینە قەدەغەکەردەی قەند، مەکی و ڤیتامینی زیندانەکانە، هەڵوێستێوە ئەشکەنجەکارانە و کردەوەی نەشیان". ڕەیحان گۊک واتش کە تا ئا زیندانیۍ جە مانگێرتەی جە واردەی پێویسا ڤیتامینشا پەنە دریۊ.
رەیحان گۊک واتش، کە گۊشەگیری ئیمراڵیینە دژوو پەیماننامەکاو مافەکاو ئینسانوو ئەورووپای، دەستوری هەمیشەیی و یاساو سزاداینە و داواش کەرد وەڵۍ ئانەینە قۊناغی مەترسیدار دەس پەنە کەرۊ دەسەڵاتی سیاسی داواو چالاکە مانگێرتا بیاونۊ یاگۍ. ڕەیحان گۊک واتش، "بەپێچەوانەوە ئەگەر ئەنجامی نەرێنی سەبارەت بە مافوو ژیوای و تەندروستی زیندانییا بۍ ئاراوە، ئۊباڵەکەش ئینا گەردەنوو دەسەڵاتی سیاسیینە، پەوکای مشۊم وەزارەتوو دادی و ئەرەمەرزیا پەیوەندیدارەکۍ گنا جموجووڵ و هەوڵەکاشا وزا هەرمانە ".
ئاخروو ئەرەیاوناکەیۊ ئامان، "تا بە ئازادانە و چوارچوەو مافە بنەڕەتییەکانە مامەڵە چەنی بابەتەکەی کریۊ و داواکارییەکۍ بیاویا یاگۍ، ئێمە داوا وەنەو وەزارەتوو دادی، دامودەزگاکاو مافوو ئینسانی و ڕێکوزیایەکاو بواروو یاسۍ سەروو ئاستوو دلۍ و بەری کەرمۍ، کە هەرمانە و وەرپەرسبییەی وێشا بیاونا یاگێ".
