دۆڵەتو تورکی ئەرەگیری هیزی شەوێ جە دەگاو ئاشمێ وەرنیشتوو شارو کۆبانێ یانەو هاموڵاتیێوەش بە فرۆکەی جەنگی بۆمبواران کەرد. جە هرووژمەکەنە ١٠ کەسێ کە ٧ کەسێشا زاڕۆڵێ بێنێ زامڏارێ بیێ. 'دۆڵەتو تورکی ڕوانە بەسەدان جارێ هرووژم مکەرۆ سەرو هاموڵاتیا مەدەنی'.
هیزی شەوێ دێرێ دۆڵەتو تورکی ئەرەگیری یانە هاموڵاتیێوەش جە دەگاو ئاشمێ جە وەرنیشتوو کۆبانێ بۆمبواران کەرد، جە هرووژمەکەنە ١٠کەسێ کە ٧تشا زاڕۆڵێ بێنێ زامڏارێ بیێ. دۆڵەتو تورکی ئەرەگیری ئینە یوەم جارش نییا کە یانەو هاموڵاییا بە ئامانج گێرۆنە، جە ٢٩و کانوونو دووەمینە هرووژمش کەرد سەرو یانێوە جە کۆبانێنە، سەر ئەنجامەنە ئازاد و شێرزاد گەشمەرڏێ بیێ و فرێش زامڏارێ بیێ کە دلێشانە زاڕۆڵێچ بینێ.
جە هەمانکاتەنە جە عەین عیسا و جە دەگاو جەدی چنین کۆمکووژیێش ئەنجامدێ، جە عەین عیسا جە دەگاو ئەل جەماس زاڕۆڵێ مەتۆلکە ٦ مانگان بە نامێ عەبدولڕەحمان ئیسماعیل حەسەن دماو ئانەی بە سەختی زامڏار بیی، گەشمەرڏە بیی. هیزی دیسان دێرێ شەوێ دەگاو ئاشمێش بە ئامانج گێرت و ١٠ کەسێ کە ٧ زاڕۆڵێ بێنێ زامڏارێ بیێ. زامڏارەکێ ڕەوانەو خەسەخانەو کۆبانێ کریێ.
نافیرە ئیسماعیلە کە ئەڏاو دووێ زامڏارا بێ بە نامێ هەیفا و سەباح، هرووژمەکێ دۆڵەتو تورکی جە وەراوەرو گەلینە شەرمەزار کەردێ و واتش: "ئینە دووێ مانگێن دەگاکێما ئاشمی بۆمبوارانە کریۆنە، نمەزانمێ چ کاتێنە بۆمبوارانێ کریێیمێ. دۆڵەتو تورکی چەتێش سانێنێ، تاوەکو ئارامی هەرێمەی تێک دانە، ڕوانە سەدان جارێ هرووژم مکەرۆ سەرما".
