یەژاستار ئەرەیاوناش، کە ئەنڎامەو دەسەو فەرمانڎەیی یەپەگەی و یەژاستاری، یۊ جە فەرمانڎەکا قەرارگەی ناۋەنڎی "گوڵچیا گابارە و پەلشین نەورۊز"ە گەشمەرڎۍ بیۍ و ئەرەیاۋناش، "ئاڎە دڵۍ بۍ عاشقە بە رابەرایەتی و ۋڵاتی و کەشی و گەریلای و هەڤاڵاش".
فەرمانڎەیی قەرارگەو ناۋەنڎی یەژاستاری سەبارەڎ پا گەریلایا کە گەشمەرڎۍ بیېنۍ ئی ئەرەیاۋناشە ۋەڵاکەرڎۊ.
"فەرمانڎۍ قارەمانە و ئازاو گەلەکەیما، ئینسانۍ رەسەنەو، پاکەو، ژەنۍ ئازاڎە، ئەنڎامەو دەسەی فەرمانڎەیی هەپەگەی و یەژاستاری و یۊ جە فەرمانڎەکا قەرارگەی ناۋەنڎیما ھامڕېما "گوڵچیا گابارە و پەلشین نەورۊز"ە ٢٩و نیسانو ٢٠١٩ی جە مەیڎانو چەمانکێی گارەی جە ئاکامو ھجومېوەنە گەشمەرڎۍ بیۍ. ئی ھجومە جە ئەنجامو خەبەردەرۍ و جاسوسۍ و نۊکەرۍ دلېینەو دوژمنی ئەنجامدریا. فەرمانڎۍ گۊرېما ھاڤاڵە "گوڵچیا" کە دماو ئانەی ژیای ئازاڎییش جە ڕاو ئایدۊلۆژیاو ئاپۊییوە ئشناسا، عمرو وېش بە ژیای ئازاڎیی گەلەکەیما و ژەنا کورڎی بەخشا، مەعەل ئەسەف بەمەڵامەتو گوزارشتە و خەبەردەرۍ جاسوس و نۊکەرا دۊڵەتو ترکی پاکتاوکەری و ئەرەگیریۊ گەشمەرڎۍ بیۍ. بۊنەو گەشمەرڎەبیەو فەرمانڎۍ گۊرېماوە "گوڵچیا گابار"ە و هامڕا "پەلشین"ېوە سەرەوەشی جە گەلی ۋڵاڎپارێزو کورڎسانی و خەڵکی ۋڵاڎپارێزو مێردینی کە رۊڵەو بەشکۊو ۋېشا پێشکەش پی رێبازەیە کەرڎەن، خانەۋاڎەو بەڕێز و بەنرخو ئایدنی و ئۊرچونی مکەرمۍ، بەنامۍ فەرمانڎەیی قەرارگەو ناۋەنڎی یەژاستاری سەرەوەشی ۋېما ئەرەیاۋنمۍ. پېسە ھامڕایا ئاڎیشا وەعد مڎەیمۍ کە ۋنە پەرسایۊ جە دوژمنی کەرمۍ، بە دڵنیایۊ تۊڵەو گەشمەرڎاما مکەرمېوە و ونەو ئاڎیشا بە زایە مەلۊ.
زانیارییەکۍ سەرو ئشناسنامەو ئا ھامڕایاما کە گەشمەرڎۍ بیۍ پی جۊرەنە:
ناسنامۍ: "گوڵچیا گابار"ە
نامۍ و دمانامۍ: "سەروەت ئایدن"ە
یاگۍ جە ئەڎابیەی: مێردین
نامۍ ئەڎۍ و نامۍ تاتەی: رەحیمە - سەبری
وەخت و یاگۍ گەشمەرڎەبیەی: ٢٩و نیسانو ٢٠١٩ی/ گارە
**
ناسنامۍ: "پەلشین نەورۊز"ە
نامۍ و دمانامۍ: "گوڵستان ئۊرچون"ە
یاگۍ جە ئەڎابیەی: مێرسین
نامۍ ئەڎۍ و نامۍ تاتەی: سەلیمە- عەبدوڵا
وەخت و یاگۍ گەشمەرڎەبیەی: ٢٩و نیسانو ٢٠١٩ی / گارە
هـ . ش
