دوران کاڵکان ئەنڎامو دەستەو ۋێڕاۋەبەری پەکەکەی ۋاتش:'' بە دڵنېایۊ نەورۊز بۊ بە سەرەتاو پرۊسەو وڕاو فاشېزمی و واتش؛ پەکەکە پارتو نەورۊزیا، ھەڵۋێسو ڕابەرایەتی ھەڵۋێسۍ نەورۊزېن، ڕابەر ئاپۊ ڕابەرێۋە نەورۊزیا".
دوران کاڵکان بەشڎاریش جە بەرنامێۋە تایبەت بە تەلەفزیۊنو مېدیا خەبەرینە کەرڎو سەرەتا یاڎو مەعسوم کۊرکماز ئەشناسېا بە(عەگېد)ی و مەزڵوم دۊغانی و یاڎو گەشمەرڎاو نەورۊزی و گەشمەرڎا ئەرەکۊشای ئازاڎیی کورڎسانېش کەرڎۊ.
کاڵکان ئەرەیاۋناش:'' بە دڵنېایۊ نەورۊزو ئێساڵی یاۋۊنە لوتکە و ۋاتش؛ با نەورۊز بۊ بە سەرەتاو پڕۊسێۋە تازەی و وڕاو فاشېزمی و دیموکراتېزەکەرڎەو ئازاڎیی کورڎی و تورکیای".
کاڵکان سەرنجش وست سەرو فاڕاو نەورۊزی جە ئەرەکۊشاو ٥٠ ساڵەی و ۋاتش:" کورڎسان جە سایەو ئەرەکۊشاو ٥٠ ساڵەی ئاپۊینە یاۋان پی ئاستیە. گرڎ ڕوۋێش فاڕا پۍ نەورۊزی و گرڎ یاگێۋەش کەرڎ بە مەیڎان و نەورۊزی. بەڕاسی ئېنە گەشە ئەسایۍ گۊرەن. با سەرنج بڎەیمۍ، چنی ڕابەر ئاپۊی، پەکەکە، ئەرەکۊشای ئازاڎی ژەناو ئەرەکۊشای ئازاڎیی نەورۊزی چن جوان و ماناڎار بیەن. مرۊڤایەتی چنی ۋەشبیەن، چنی پەیۋەنڎی تازە ۋەشکریا. ئانە فرە ڕۊشنا ئېنۍ گرڎ نەورۊزەنە بەرکۊتۍ جە بەرزتەرین ئاستەنە. ئێمە بەتەمامی قەناعەتما پانەی ھەن. ئانە ڕاپېماو پەنجا ساڵەو ڕابەر ئاپۊیا. پەکەکە پارتو نەورۊزیا، ھەڵۋێسو ڕابەرایەتی ھەڵۋێسو نەورۊزیا، ڕابەر ئاپۊ ڕابەرایەتی نەورۊزیا".
دوران کاڵکان جە بەرنامەکەنە ۋاتش:
ئەشۊ ئێمە بەقوڵی جە ڕاسی ڕابەرایەتی بیاۋمێنە:
سەرەتا بە ڕێزۊ سڵام جە مدرامانو ۋەڵېنگەیی ئیمڕاڵی و ڕابەر ئاپۊی مکەرو. نەورۊزش چنە پېرۊز کەرو. من قەناعەتم چانەن، کە ئی نەورۊزەو ڕابەر ئاپۊی بۊ بە نەورۊزۍ، کە فرەو یاگانە وتریان، بۊ بە سەرەتێۋە پۍ پرۊسەو ئازاڎیی جەستەیی ڕابەر ئاپۊی. ھامۋەخت ئی نەورۊزە بۊ بە پەنجاھەمېن ساڵۋەگەڕو ھەڵۋێسو ڕابەرایەتی، ڕاپېماو ۋەڵېنگەیی ئازاڎیی ڕابەر ئاپۊیا. بۊ بە ٥٠ھەمېن ساڵ، کە پەکەکە چەسپنانش.پەنجاھەمېن ساڵېاڎو نەورۊزیا. پۍ ئەۋەڵجاری جە کورڎسان ڕاپېمای ڕابەرایەتی بەبۍ مرڎای دەسش پنەکەرڎ. نیم سەڎە تەمامېۊ. بە دڵنېایۊ ئېنە یوۋەمجارا، بە ڕاسی جە جەھانەنە و جە ۋەڵېنگەنە نمونەش کەما. جە کورڎسانەنە حەجگېز چێۋی چانە ڕووەش نەڎان، حېچ ۋەختۍ کۊدەنگی و پێۋەرە بیێۋە چا شێۋەیە ڕوۋەش نەڎان. پۍ یوەمجاری ئېنە بە ڕابەر ئاپۊی ئەنجام مڎریۊ.
پێوەبییەیۍ گەورە وەشبی، جەئەدابییەیۍ تازە و گلێرگەیۍ تازە بەر کەوت. گرسووئینیشا ملا پەنجامین ساڵەو ساڵی ڕابەرایەتییوە. متاومۍ واچمێ٥٠مین ساڵەو ڕابەرایەتی دەس پەنە کەرۊ. ئێمە ملمۍ پەنجەمین ساڵەو دووەمین ڕاپیمایی ئازاڎیی ڕابەر ئاپۊیۊ. ساڵەی تازۍ، کە پی نەورۊزەوە دەس پەنە کەرۊ ئا مانێشە هەنە. ئێمە قەناعەتما چانەن، کە ساڵەو ٥١مین بەدڵنیاییوە کۊشیای ٥٠ ساڵەی خاستەر و زیادتر کەرۊ، بەدڵنیایوە بەرەو سەرکەوتەی هەمیشەیی ملۊ. بەدڵنیاییوە بۊ بە چرۊو پڕۊسەو ئازاڎیی جەسەیی ڕابەر ئاپۊی. سەروو بنەماو چارەسەرکەرڎەی کێشەو کوردی، دیموکراتیزەکەرڎەی تورکیای و وەرکەوتوو دلێڕاسەی بەرەو وەڵۍ بەرۊ. ئینە قەناعەتوو ئێمەن، هیوامانە. لەسەروو ئی بنەمۍ یادوو ٥٠ ساڵەو ڕاپیمای ڕابەرایەتی، پەنجامین ساڵەو هەڵوێسوو ڕابەرایەتی مەبارەک کەرا. حەرپاسە ئێمە سڵام جە ٥١مین ساڵەوخەبات و کۊشیایش کەرمۍ. بێگومان ئینە هەرمانەو و وەرپەرسبییەی زیادتەر ملمارە سەپنۊ.
ڕابەر ئاپۊ چێروو هەلومەرجێوە ئاندە سەخت و دژوارینەو وچیروو فشارێوە چانەینە، کە نیمەو ئی ٥٠ ساڵەیە، دژوو سیستموو ئەشکەنجە و پاکتاوکاریی ئیمرالی کۊشیان. مەبۊ ئێمە حەرگیز ئینەی ویر بەرمۍ، چونکوم ماوەو ٥٠ ساڵان چێروو ئا جۊرە جە فاشیست، داگیرکەر، پاکتاوکار و پیلانگێڵنینە ڕاپیمای ئازاڎییش بۍ مردای بەرد ڕاوە، بێگومان ئێمەی جمیەر، شاگرڎەکاو ڕابەرایەتی و پێسە ئا گەلانە، کە بە خەباتی ڕابەرایەتی خولقیێنۍ، هەرمانەی گەورۍ گنۊ سەروو شانەیما. ئانە سەلەمیان، کە ئێمە تاومۍ فرەو چێوا کەرمۍ. مشۊم ئێمە بە بۊنەو ئی ساڵیادیوە جە ڕاسیی ڕابەرایەتی زیادتەر قووڵۍ بیمێوە و یاومێنە و بەقووەتتەر و سەرکەوتانەتەر وەشش کەرمۍ.
"پێویسا ئێمە کۊشیای ئازاڎیی "ڕابەر ئاپۊ"ی خاستەر کەرمێ"
سەروو ئی بنەمێوە پێویسا گەلاو تورکیای، گەلاو وەرکەوتوو دلێڕاسەی و گرڎوو ئینسانیەتی، بە شێوێوە سەرەکی گلێرگە، ژەنا و گەنجاو کوردی سەروو بنەماو خەتەو ڕابەرایەتی ڕۊشنۍ کریاوە و پەروەرڎۍ کریا. مشۊم ئێمە ڕابەرایەتی بیاونمۍ گرڎوو بندەسا و چەوسیاوەکا و گەلە چەوسیاوەکا. حەر وێش ڕابەرایەتی کاریگەرکەرڎەیەکێش پێویسێنۍ. جە لاێوە تەرۊ چی چوارچووەنە کۊشیایۍ هەن. چۍ پڕۊسەنە فرەو یاگاشنە حەولۍ و مانیاۍ هەنۍ. پەی نموونەی نموونە گەلاو سەرنیشتی و وەرکەوتوو سووریای زیادتەر جە ٢ ملوێنۍ و نیم واژۊیان کوۍ کەرڎێنێوە. جە سەرنیشتیچنە کۊشایۍ ئامان وەڵیوە. پارێزەرەکۍ دایمە جەنگی یاسایی و مافەکاشا کەرا. پەی ئانەیچ وەزارەتوو دادیشا هۊشیار کەرڎەنۊ، نامێوە کریاوەشا وەڵا کەرڎەنۊ، ئادۍ چەنی "سی پی تی" و "دادگاو مافوو مرۊڤوو ئەورووپا"ی و "ئەنجوومەنوو وەزیراو ئەورووپا"ی ئینۍ کۊشیاینە و ئا چێوێچە سەرەمڕێنۍ.
پەرلەمانوو ئەورووپایچ کۊنفرانسوو کوردیش ساز کەرد. چایچ بانگەواز پەی ئازاڎیی جەسەیی ڕابەر ئاپۊی و پەی دماییئارڎەی بە ئەشکەنجەی و گۊشەگیریی سەروو ئیمراڵی کریا. ئانە گرنگ بۍ. جە پڕۊسە پێوەڵێنەکانە جە مەنتێقە و مەیدانەکاو بەرینە کۊشیای بۍ. جە کینیاوە پەی ئەفریقاو پانیشتی، جە ئەمریکاوە پەی ئەورووپای، گرڎ مەنتێقێوەنە کۊشایۍ پەی مسۊگەرکەرڎەی ئازاڎیی جەسەیی "ڕابەر ئاپۊ" هەن. دژوو سیستموو ئەشکەنجەی، پاکتاوکەرڎەی، گۊشەگیری و پەی پارێزنای ئازاڎی، دیموکراسی و ئینسانیەتی کۊشیای هەن و ئینەیچە وەڵا بۊوە، مشۊم ئی مدرامانی زیدتەر کەرمۍ. چی ساڵیادەنە و سەرەتاو ساڵەو ٥مینوو ڕابەرایەتینە ماچمێ: پێویسا گرڎ جۊرە کۊشیایۍ بە ڕێکوستەی و پلانۊ گەشتەر کەرمۍ و وەڵێش وزمۍ. مەبۊ بە چەمۍ گولانە تەماشەو پەرسەکۍ کەرمۍ. مەبۊ واچمۍ ئایا ئینە کاریگەرییش هەن یان نا، مەبۊهیچ جیاکاریێوە بۊ، وەلۍ مشۊم دایمە کۊشیای سەرەمڕ بۊ. چونکوم تەنیا عەقڵیەت و دیای سیاسەتی فاشیست، ئەرەگیرکاری و پاکتاوکاری بە کۊشیای مەڕیۊ. سیستموو ئەشکەنجەی و گۊشەگیریی ئیمراڵی تەنیا بە کۊشیای دلێنە مشۊ. ئازاڎی جەسەیی "ڕابەر ئاپۊ"ی بە کۊشیایا فرەلایەنە مسۊگەر کریۊ. ئێمە ئینەی فرە بەڕۊشنی وینمۍ، ئێمە خاس مزانمۍ، کە ئێمە کۊشیای جە ساڵەو ٥١مینیشنە زیادتەر و گەشتەر کەرمۍ.
"گەلوو قامیشلۊی هەڵوێسێوە قارەمانانەش نیشانە دا"
ئادار بەڕاستی مانگەو قارەمانێتیی کوردان. ٨وو ئاداری مانگەو نەورۊزی، هەمان وەختنە مانگەو قارەمانبییەی ژەنان. چی مانگێنە مدرامانی گەورە کریان. هەمان وەختنە مانگەو قارەمانیی شۊڕشگێڵیی تورکیاین. مدرامانوو قزڵدەڕەیش چەنەن، ٣٠ ئاداریش هەن. وەڵۍ گرڎ چێوێنە دیە و سڵامکەرڎەی چا مدرامانی زەروورا. دیمۍ تەروو دۊخەکەیچ کۊکوشین. کۊکوشیی قامیشلۊی، کۊکوشیی غازی، کۊکوشیی هەڵەبجەی. قۊناغێوە چانەن، کە جە زمسانەکاو ٢٠١٥-٢٠١٦ جە شارەکاو سەرنیشتوو کوردسانینە کۊکوشیی کریان. ئێمە ئانیشایچ وینمۍ. سەروو ئا بنەمێوە وەڵۍ گرڎ چیوێنە من سڵام چا مدرامانی کەروو و گەشمەرداو کۊکوشیی بەڕێزۊ یاد کەرووە.
کۊکوشیی قامیشلۊی فرە گرنگا. ئاستوو مدرامانی وەڵۍ وزۊ. بەڵۍ مدرامانیچ هەن، وەلێم ئا سەرەوردایە پەی شەرمەزارکەرڎەی پەلامارە کۊکوشکارییەکاو ڕژێموو بەعسوو سووریای کریا. جە ئەوەڵۊ سەرەوردای نییا، بەڵکوم کۊکوشیین. جە مامەڵەی داگیرکەرانەی نەژادپەرسی، شۊڤێنی، تاونایۊ کولتووریی ڕژێموو بەعسین. ئانە جە بنەماو هجوومێوە بۍ، کە بۊنەو گەمێوە گۊڵانێوە ئامابۍ ئاراوە . هجووم کریان و کۊکوشی کریان. وەراوەروو ئانەیچنە گەلوو قامیشلۊی کاردایۊی تندش نیشانە دان و جە وەراوەروو ئانەیچۊ مدرامانێوە قارەمانانەش کەرڎەن. هەڵبەت ئێمە سڵام چا سەرەوردایە و چا هەڵوێسەیە کەرمۍ، وەلێم مشۊم ئا کۊکوشیە وینمۍ و ڕاسیی ئانەیە جە ویر نەبەرمێوە.
"هەڵەبجە سەرەتا و بەشێوە لە هجوومێوە میانەتەوەیی بێ"
کۊکوشیی هەڵەبجەی جینۊسایدێوەن، پەی هەڵەبجەی تەنیا بەکارئارڎەی کۊکوشی وەسۍ نییا. جینۊساید و قڕکرڎەی جەماعین. وێش پەی وێش، فرەو هێزە یاساییەکا ئانەشا بە جینۊساید قبووڵ کەرڎەن. جینۊساید جە ڕاو بەکارئارڎەی چەکی کیمیاویوە. ئانە ڕاسیۍ سەلەمیان کە پێسە واچمۍ چەنی ڕژێموو سەدامی ٣٥ ساڵۍ وەڵی ئیسەینە، هەڵەبجەنە بە چەکی کیمیایی پەلامارەو سەروو گەلوو کوردیش دا، وڵاتپارێزۍ و شۊڕشگێڵنۍ، پێسە پاری و ئێساڵی سەروو خەتەو سنووروو سەرنیشت، وەرنیشتوو کوردسانی جە زاپ، ئاڤاشین، مەتینانە، دژوو کورڎە وڵاتپارێزا و پەکەکەی ئی جارە دیکتاتۊریەتی فاشیستوو "تەیب ئەرڎۊغان"ی و دەوڵەت و باخچەلی بە چەکی کیمیاوی، بۊمبی ئەمتۊمی تاکتیکی و بۊمبی فسفۊڕی قەدەغەکریا و گرڎ نۊعە هجوومێوە کەرا.
وەڵۍ ئا قۊناغیچە هەنماچا دێرسیمیچنە گاز بەکار ئامان. جینۊسایدوو دێرسیمیچ بە گازی خنیکنەر کریان. هجوومی کۊلۊنیالیستی و پاکراوکەر گرڎ یاگێنە هامبەشا. ئەگەر سەرنجە دەیدۍ، ئانۍ وەراوەروو کورداوە کۊکوشییشا کەرڎەن، گرڎ نۊعە هجوومێوە دوژمنکارانە، چەکی کیمیاوییشا جە دژوو کوردی بەکار ئارڎەن. ئێمە مزانمۍ کە ئا چەکیشا چکۊ سانێنۍ. ئێمە هەڵوێسوو گرڎ کەسی وەراوەروو ئا کۊکوشییاوە مزانمۍ. وەروو ئانەی من جە یادوو ٣٥ ساڵەیشانە جارێوە تەر گەشمەرداو کۊکوشیی هەڵەبجەی بە ڕێز و پەنەزانایۊ یاد کەرووە.
کۊکوشیی هەڵەبجەی پەیوەست ۍ بە کۊشیای پانیشتوو کوردسانی و جەنگوو ئێران- عێراقیوە. وەلێم هەر تەنیا لکیدریاو ئانەی نەبۍ. کۊکوشیی هەڵەبجەی بی بایسوو ئانەی قۊناغوو جەنگوو ئێران و عێراقی مرڎۊ. ئانە هجوومۍ بەپلانوو ئەمریکا، پەدەکە، کۊماروو تورکیا، دەوڵەتاو ئەورووپای بۍ پێوە، جە وەهار و هامنوو ١٩٨٨ جە دژوو پەکەکەی جە ڕووەی سەروازی، سیاسی و حقوقییەوە، جە پانیشتوو کوردسانیوە تا سەرنیشتوو کوردسانی و تا ئەورووپا، ئانە بۍ بەشێوە و ئەوەڵوو هجوومەکەی. کۊکوشیی هەڵەبجەی بە سەرەتا و دەسپەنەکەروو یەکەموو هجوومووو پاکتاوکاریی پلانپەیمجیایرەو میاننەتەوەیی جە دژوو پەکەکەی بەسیانۊ. بوارپەیڕەخسنای و زەمینەسازی بۍ پەی ئانەی. چۍ پاسە ماچوو؟ وەروو ئانەی دماتەر جەنگوو٩٢ پانیشتنە کریا. دماتەر پیلانگێڵنای میاننەتەوەیی ڕووەش دا. ئا قۊناغە ئێمە پەنەش ماچمۍ پیلانگێڵنای میاننەتەوەیی بەڕاسییچ چێوە دەسش پەنە کرد. هەنگام بە هەنگام ئامادەشا کەرد. بە پیلانگێڵنای ٩وو تشرینوو یووەموو ١٩٩٨ و ١٥و شوباتوو ٩٩ یاوا ئارۊی. هەڵەبجە ئەوەڵەکەشا. مدرامانوو کوردا تا ئا ڕاددە بەسیان پێوەرە. هجووموو پاکتاوکاری پەی سەروو کوردسانی و گەلوو کوردی بە هەمان نۊع پێوەرە بەسیانۊ. مەزانوو تورکیا کەرۊش، عێراق کەرۊش ، عەلی کەرۊش ، وەلی کەرۊش. بابەتەکە ئانە نییا. نامەکۍ فاڕیا، مەنتێقەکە فاڕیۊ، وەلێم ئامانجەکۍ هامبەشێنۍ، ئانێچکوشیێنۍ هامبەشێنۍ. مشۊم ئانەی وینمۍ. سەروو ئا بنەمایا مشۊم ئا کۊکوشیۍ ور سەنگنمۍ. ٣٥ ساڵێنکۊشیای گەورەو هەقسانایۊ هەن. تەماموو مدرامانوو گەریلای لاو پەکەکەیۊ جەڕاسینە هەقسانایۊ کۊکوشیی هەڵەبجەین. تا یاوای بە سەرکەوتەی درێژەش مدەیمۍ پەنە.
"سڵام جە مدرامانی دژوو فاشیزمی کەرمێ"
ڕاسیی کودەتاو ١٢و ئاداروو ١٩٧١ هەن. ڕاسینە کودەتاو ١٢و ئەیلوولی چا ئامادە کریا. دیکتاتۊری فاشیستوو ئاکەپە-مەهەپە بۍ سەروندوو ئا قۊناغی. متاومۍ پەنەشواچمۍ قۊناغوو دیکتاتۊری سەربازیی فاشیستی. ماچا کۊماری دووەمیچ. قەلاپۊپەو فاشیزموو ئاکەپە-مەهەپەو ئارۊین. بە کودەتای سەروازیی ١٢و ئەیلوولوو ١٩٨٠ ئا قۊناغە بە شێوێوە ڕێکوزیا دەسشپەنە کەرد. کودەتاو کەنعان ئەڤرەنەی، ئانە کە ئانەیچش ئامادە کەرد کودەتاو ١٢و ئاداروو ١٩٧١ بۍ.
ئا کودەتا گرنگ بۍ. کودەتێوە بۍ پەی ئانەی جمیەری دیموکراتیک کە جە تورکیانە پەی وەڵی لوابۍ سەرکوت کەرۊ، کۊشیای ڕزگاری و ئازاڎیی گەلا سەرکوت کەرۊ، وەڵی بە دیموکراتیکبییەی کۊماری گێرۊ و کۊمارەکەی فارۊ پەی دیکتاتۊریی سەروازیی فاشیستی ئۊلیگارشی. جە قۊناغی دماتەرنە ئانە بەڕۊشنی وینیا. بە هجوومکەرڎەی سەروو شۊڕشگێڵنا بە دڕندانە و کوشتێشا، کەرڎێشا ئامانج، ئەزیەتشا دۍ. جە بەحری سیاوۊ تا نورحەقەکان فرەو یاگانە کوشتێشا.
جمیەری شۊڕشگێڵنوو یۊگێرتەو گەلا، وەروو ئانەی بەتەمامەتی ئا قۊناغە کە بە کودەتای سەربازی فاشیست دەسش پەنە کەرڎەن، لە دژوو گرڎوو جۊرە کاردایۊکا کۊشیۊ و ئامانجەکاوشۊڕشی دیموکراتیکیی شۊڕشگێڵنا ١٩٧١ بارۊ دی، ئەرەمەرزیا. ئامانجوو ئەرەمەرزنایش ئانە بۍ. ئامانجوو ئەرەیاونایچش جە ١٢و ئادارینە هەر ئانە بۍ. مشۊم خاس چانەی یاومێنە. وەروو ئانەی ڕۊحوو قزڵدەڕەی، ڕۊحوو ٦وو ئایاری و ڕۊحوو ١٨و ئایاری لە هەبەدەهەنە مژیوا. پێسە ڕۊحوو ئا جمیەرە یۊگێرتەو شۊڕشگێڵنا دەسش پەنە کەرد. بەڕاسییچ ڕاپیمای شۊڕشی یۊگێرتەی، کە وەڵی جە ٥٠ ساڵانە جە لاو شۊڕشگێڵناوە دەسش پەنە کریابۍ، پێسە ڕێک وزیا و پلانەش پەی نریارە،متاومۍ پێسە گوزارشتش وەنە کەرمۍ.
وەروو ئانەیە بێگومان ئێمە مدرامانی شۊڕشگێڵنی کە جە دژوو ڕژێموو فاشیستی سەروازی ١٢وو ئەیلوولی وەڵۍ وزیا، سڵامش وەنە کەرمۍ، سڵام چا ڕۊحیەتەیە کەرمۍ. ئێمە یادوو ئا وێڕاگیرا بە ڕێز و پەنەزانایۊ کەرمێوە، کە ڕاشا پەی ئێمە کەرڎۊ. ئێمە ئا مدرامانە کە پەی ویرئارڎەیۊ ئادیشا و ماڕایشا بە کودەتاو ١٢و ئەیلوولی و گرڎوو دیکتاتۊرە سەروازییە فاشیستییە، قڕکەر و کۊکوشکارەکا گێرتەنشارە وەر، سڵامش وەنە کەرمۍ. هەڵبەت چی بوارەنە ئامایوەڵێوێوە مەبارەکا.
٧ ساڵۍ ملوو ئەرەمەرزنای هەبەدەهەیرە لوان. پا منیۊ هەشتەمین ساڵەو وێش. من حەوتەمین ساڵیادوو هەبەدەهەی مەبارەک کەروو. سڵام جە هەشتەمین ساڵێش کەروو. ماوەو ٧ ساڵی ویەرڎەینە کاریگەرتەرین، وەرفراوانتەرین و ئەنجامگیرتەرین کۊشیایش جە دژوو فاشیزموو ئاکەپە – مەهەپەیو جمیەروو شۊڕشگێڵنیی یۊگێرتەو گەلا کەرڎەن. سەرۊکایەتیی مدرامانیش دژوو فاشیزمی کەرڎەن. قارەمانانە ئانەش کەرڎەن. کەس مەتاوۊ نکۊڵی چینەیە کەرۊ. جە وەرنیشتۊ تا بەحری سیاو، جە هەرێمەکاو پارێزنای مەدیایۊ تا ئەستەنبول، گرڎوو هەرێمەکاش کەرڎۍ بە مەیدانوو مدرامانی. جەنگاوەراو هەبەدەهەی و گەریلێکۍ کەشەکانە بەڕاسی گورزی قورسشا جە فاشیزموو ئاکەپە - مەهەپەی دان. بناغەشا لەرزنان و بەرەو دلێنەشییەیش بەرا. پێسە ، ئاد لوا دلۍ هەشتەمین ساڵەو بەقوەەتتەر و کاریگەرتەروو وێش. دەتمتاومۍ بەڕۊشنی ئانەی واچمۍ، جە ساڵەو هەشتەمینە ئا کۊشیایە وڵێوەبییە جە گرڎ ڕوێوە خاستەر بەراش ڕاوە.
"بەرەو جمیەری یۊگێرتەو شۊڕشی یۊگێرتەی کریاوەن"
ئانە ئەزموونێوە فرە گرنگا. ئانە کە پێک ئاما، کەس باوەڕ نەکەرۍ، کە پەیوەندی و هامپەیمانی چانە ڕووە بدۊ. ئینە فرە گرنگا. گێرا لاوازی و کەموکوڕی بۊ. ئێمە ئا چیوا ورۍ سەنگنمۍ. بە ڕەخنە و ڕەخنە جە وێوە گوزەرنمۍ. ئێمە پەکەکە بە وێڕەخنە جە گرڎ لاوازی و کەموکوڕیۍ نزیکۍ بیمێوە. هامڕۍ و هۊگرێچما هەمان ڕێبازشا نیشانە دان. گێرا بڕۍ قۊرتۍ با. ئێمە گفتوگۊ کەرمۍ، ئێمە چارەسەرێشا کەرمۍ، وەلێم سەرەکیترین چێو ئانەن، کە ئێمە باوەڕما بە خەباتی جەوهەری هەن، بڕواتا بە شۊڕشی بۊ، ئازاڎ و یەکسان بژیودۍ، ئینە هێزوو چارەسەریما پەنە بەخشۊ. لاو ئێمەوە ڕەفاقەت پاسە وەش بییەن. ئێمە یۊترینما خاس ئشناسان. هێزۍ فرۍ جە جبەروو جمیەروو شۊڕشی یۊگێرتەیۊ مەنێبێنۍ، ئێمە بانگەوازما کەرد و چەمەڕوانیچما کەرڎۍ. ئادۍ ئیسەیچ متاوا بەیاو بەشدارۍ با. ئێمە دووەبارە بانگەوازشا پەی کەرمۍ، وەروو ئانەی بەرەما پەی گرڎ کەسی کریاوەن.
ئانە سەلەمیان کە ئینە چێوۍ ئاندە سادە نییا، لاواز بۊ، کە سەروو حساباتی و مسڵەحەتی وەش کریابۊ.جە کۊشیایۍ گەورەنە پەی ماوەو ٧ ساڵا، گرڎ کەس ئینەش دی، پەوکای چێگە یۊبییەی، بنیاتنیای هێزێوە گەورەی شۊڕشگێڵنی، پەی سەرکەوتەی پێویسا. ئێمە بەرەو سەرکەوتەی بەرۊ دەبات و ئامانجەکاما مارۊ دی. وەروو ئانەی، ئێمە چەمەڕوانۍ بەشداربییەی تازەینمۍ. ئێمە پەی گفتوگۊی چەنی گرڎ کەسۍ کریاوینمۍ. لە ٨مین ساڵیچنە ئێمە گرڎوو ڕێکوستەیەکاو هەبەدەهەی، ئەرەیاونمۍ، ئێمە کۊشیایی شۊڕشی یۊگێرتەی جە گرڎوو بوارەکانە بە شێوێوە کاریگەرتەر و بەقووەتتەر پەرە پەنە مدەیمۍ. ئێمە تا ئاخیر ئینایمۍ سەروو ئی قەراریوە. پی قەرارۊ مەبارەکبایی نەورۊزی جە گرڎوو دۊساما کەرمۍ. من ئەرەیاونووش، ئێمە بە گرڎوو قووەو وێماوە کۊشیەیمۍ و پا کۊشیایە، کە جە ١وو ئایارینە پەرەش پەنە مدەیمۍ، هەشتەمین ساڵی کەرمۍ ساڵەو سەرکەوتەی مدرامانوو شۊڕشی دیموکراتیکی دژە فاشیستی.
درێژەش هەن...
س.ز......ه ش
