دوران کاڵکان دەسنیشانش کەرد، کە بەشداریی حەرە گەورە جە هەنگامەو "ئازاڎیی پەی ڕابەروو گەلوو کوردی عەبدوڵلا ئۊجالانی و چارەسەری سیاسی پەی کێشەو کوردی" لاو گەریلایۊ بییەن و واتش: "چالاکییەکاو ئی دمایە، پەرەشا بە هێزوو شۊرشگێڵنەکا و دیموکراتیکەکا دان و جۊشوخرۊش دلێشانە وەش بییەن.

کاڵکان واتش: "گەریلا واوەی دما خاڵەو ٢٠٢٣ نیارە. چێشش وات؟ واتش کە سەبارەت بە  گرد چێوۍ پەرسیم وەنە کریۊ و قوەو کەرڎەی ئا هەرمانۍ ئینا دەسوو مننە، حەروێس تائیساتۍ واچێنمۍ کە دمایی بە دوژمنی ئامان و ئاڵۊزۍ بیێنۍ. ئیساتۍ چارەسەری تازە دەس پەنە کەرۊ، ئینەیچ پڕۊسەو پاکسازیی ئەرەگیران، پڕۊسەو ڕزگارکەرڎەی یاگە ئەرەگیریایەکان. چالاکیی گەریلای ئاستوو پاکسازی و ماڕاینە کریان" و مەبارەکباییش وەنەو گەریلاکاو هەپەگەی و یەژاستاری کەرد.

ورسەنگنایەکاو ئەنداموو کۊمیتەو ڕاوەبەرایەتیی پەکەکەی، دوران کاڵکان، کە بەشدارییش بەرنامۍ تەلەفیزیۊنی مەدیا هابەرینە بۍ ئینەنە:  

ئانا دمایی بە ساڵەو ٢٠٢٣ مۍ. وەڵتەر ساڵەو ٢٠٢٣ما پێسە ساڵەو مدرامانی و هومێدی ئشناسنێبۍ، بەڕاسییچ ساڵێوە پەڕ کۊشیایە بۍ.  گردوو بوارەکانە مدرامانێوە هەمەلایەنە کریا. حەرپاسە ٦ شوباتوو مانگەو دووەموو ساڵێنە بومەلەرزەیچ کەوت، یانۍ ساڵێوە پەڕ ئازارەیچ بۍ. ئەوەڵ ساڵەی تازۍ میلادیۍ وەنەو ڕابەر ئاپۊی، گردوو هامڕایا و دۊساما مەبارەکە کەروو. ساڵەو ٢٠٢٤ینە هومێدوو سەرکەوتەی پەی گردوو ئا کەسا موازوو کە پەی ئازاڎیی کۊشیا.  

تەماموو ساڵەکۍ مدرامانما کەرد و گەشمەرڎێما دۍ، من جەکەسایەتی گەشمەرڎە قارەماناما لەیلا و ئاخینێنە، بە ڕێز و وەشەسیایۊ و یادوو گردوو گەشمەرڎاو ساڵەو ٢٠٢٣ کەرووە، کە بە قارەمانییۍ گەورەوە گەشمەرڎۍ بێی.

ساڵی ٢٠٢٣ ساڵێوە بۍ کە بە کۊشیای گەورەوە ویەرڎە. ساڵێوە بۍ کە دەسکەوت و ئەزموونێوە گەورە بەدەس ئاما. سەروو ئ بنەمێوە ملمۍ دلۍ ساڵەو ٢٠٢٤یوە. باوڕ و هومێدما پاسنەن، کە ساڵەو ٢٠٢٤ بۊ بە ساڵەو کۊشیاێوە فراوانتەر، گەورەتەری و گردگیرتەری. کۊشیای ئازاڎی و دیموکراسی  گرد مەیدان و لاێونە وەڵا بۊوە و گەورە بۊ، قووڵ بۊوە و دەسکەوتۍ گەورەتەرۍ دەس وزۊ. ساڵەو ٢٠٢٤ بۊ بە ساڵەو سەرکەوتەی شۊڕشەکەیما. بە ساڵەو سەرکەوتەی کۊشیای ئازاڎیما. چی ڕووەوە ساڵەو ٢٠٢٣ میراتێوە گرنگ پەی ساڵۍ تازۍ جیا مازۊ. ئێمە متاومۍ بەئاسانی ئینەیە بواچمۍ.  بڵێین. ئینە گرد مەیدانێوەنە کریۊ، ساڵەو ٢٠٢٣ێنە پێسە گەلی، ژەنا و گەنجا، بەڕاسی مدرامانێوە گەورەما کەرد.

ساڵەو ٢٠٢٣ بییە بە ساڵەو ئاشکراکەرڎەی ڕاسییەکان

ئەوەڵ ساڵەو ٢٠٢٣ ساڵێوە پەڕ جە کۊشیایی گەورەی بۍ پەی ئازاڎیی جەستەیی ڕابەر ئاپۊی. جە گردوو بەرەکانە ساڵەو مدرامانی بۍ.  حەرپاسە ئا وەڵێئامایۍ چەنی ئی مدرامانا بەرۍ کەوتۍ و هومێد وهێزشا بەخشا. جە ئەنجاموو کۊشیای ساڵەو ٢٠٢٣ێنە بەرکەوت کە ژیواێوە  یەکسان و ئازاڎ و دیموکراتیک چێوی مەحاڵ نییا، متاوۊ جە گرد بوارێوەنە گەشە کەرۊ و سەروو بنەماو ژیواێوە چانەیە ئندەو فرسەتەکا جیهانێوە تازە وەش کریۊ، پی مانۍ ساڵەو ٢٠٢٣ پێسە ساڵەو ڕۊشنۊکەرڎەی وینمۍ. ساڵەو ڕەنگدایۊ بۍ. کۍ دۊسا، کۍ دوژمنا، کۍ ڕاسا، کۍ غەڵەت و دماکەوتە و کۍ وەڵێکەوتەیوازا گردوو ئینیشا ڕۊشنۍ بیێوە. بەڕۊشنی بەرکەوت کە بە کۊشیای دەسکەوتۍ گەورەتەرۍ دەس گنا. گردوو سیاووینایەکا و نائومێدییەکا بێمانۍ کریۍ و لابریۍ و هومێد، باوەڕ، ئیرادە و بانگەشەو ئانەیە کە مدرامان و کۊشیای بەرڎەوام دەستکەوتۍ گەورۍ وزاوە و سەرکەوتەی بەدەس مارا یاگێشانە نریارە، حەرکەسێوە بە شێوازوو وێش ئینەیە ورسەنگنۊ. وەلۍ هێزە دیموکراسییە شۊڕشگێڵنەکۍ پەنەوازا ورش سەنگنا بەتایبەت گەلەکەما و دۊستێش، ژەنی و گەنجۍ چاگەوە ورش سەنگنا. بە چالاکییەکاشا مۊرەشا دا ساڵەو ٢٠٢٣. پەوکای خاستەر جە ئەنجاموو ساڵۍ میاوانە و  بەوردی ورشسەنگنا.

ئجۊما ڕابەر ئاپۊ قەوەتتەرین ورسەنگنایەکا کەرۊ. بەدڵنیاییوە خاسترین ئشناسای پەی ساڵەکۍ کەرۊ. ئێمە جە دڵمانە، مەژگمانە هەست پی چێوەیە کەرمۍ و میاومێنە. وەلۍ پلانەکاو ئیمرالی وەڵتەر ئشناسیێنۍ، تا کەس زانیارییش دەس نەگنۊ قۊرتۍ وەش کەرا. پەی بێبەشکەرڎەی  گرد کەسێوە چا ویرۊکەرڎەیە هەقەتین و قووڵانە، کە پەی گردوو ئینسانیەتی و گەلەکەیما گرنگا، ئیمراڵینە ئەشکەنجە و گۊشەگیری میاونا یاگۍ. ئێمەیچ ئینایمۍ جە کۊشیاینە پەوکای متاومۍ مانا بە ژیوای و هەرمانەکاما بدەیمۍ. ڕابەراتی نیشانەش دایمۍ کە چەنی مانا بدەیمۍ و ئینەیچ هێزوو ئێمەش ئاشکرا  کەرڎەن. ئەگەر ئێمە  تەلەبێوە خاسۍ بیمۍ، ئانە متاومۍ بە ساڵێوە مانادارە بشناسمێش و دەسکەوتەکاش بوینمۍ.  متاومۍ وەڵێوینای ورد و دروس پەی ساڵۍ نەوۍ کەرمۍ.  

بە سەرمەشقایەتیی مدرامانوو ئیمرالی ساڵەو ٢٠٢٣ بییە بە ساڵەو هومێدی و مدرامانی، ئێمە ساڵەو ٢٠٢٣ بە ساڵەو هومێدی و مدرامانی بە سەرمەشقایەتیی مدرامانوو ئیمرالی مشناسمێش.  پەی ورشانایوەو و بەدەسئاورڎەی ئازاڎیی جەستەیی ڕابەر ئاپۊی، جە گرد بوارێوەنە مدرامانێوە قەوەت دژوو ئەشکەنجەی و گۊشەگیری ئیمرالیینە ملۊ ڕاوە. چوار پارچەو کورڎسانینە و بەروو وەڵاتیوە، گەریلا، گەل، ژەنی، گەنجۍ، دۊسێما، گردوو ئی هێزە وەڵاتپارێزن و دیموکراتیکەکا بەشدارۍ مدرامانی بیێنۍ و هەڵمەتەو ئازاڎیی جیهانیینە، کە جە ١٠ تشرینوو دووەمینە یاوان قەلاپۊپە. هەنگامەکۍ بە دروشموو 'ئازاڎیی پەی عەبدوڵا ئۊجالانی، چارەسەری سیاسی پەی پەرسەو کوردی' ئەنجامی دمایینو ئی مدرامانەیە بۍ. متاومۍ بواچمۍ مانادارتەرین و گرنگتەرین ڕووەدای ساڵەو ٢٠٢٣ هەڵمەتەو ئازاڎیی جیهانییەنە جە ١٠ تشرینوو دووەمینە دەسش پەنە کەرد. متاومۍ بواچمی هەنگامێوە بۍ  کە مۊرەو وێش وەنەو ساڵەو ٢٠٢٣ دا چی؟ چونکوم ئیرادە و یۊبییەی، ئیرادە و بانگەشەی بی و گرد کەسێوە گرد یاگێوەنە دلێشەنە بەشدارییشا کەرد.

بە سەرمەشقایەتیۍ مدرامانوو ئیمرالۍ ساڵەو ٢٠٢٣ بییە بە ساڵەو هومێدۍ و مدرامانی

ئێمە ساڵەو ٢٠٢٣ بە ساڵەو هومێدۍ و مدرامانۍ بە سەرمەشقایەتیۍ مدرامانوو ئیمرالۍ مشناسنمێ. پەۍ ورشانایوە و بەدەسئارڎەۍ ئازادیۍ جەستەیۍ ڕابەر ئاپۊۍ، گرڎ بوارێوەنە مدرامانێوە قەوەت دژوو ئەشکەنجەۍ و گۊشەگیرۍ لە ئیمراڵینە هەن. چوارپارچەو کورڎستانینە و بەروو وەڵاتینە، گەریلا، گەل، ژەنۍ، گەنجا، دۊسێما، گرڎوو هێزە وەڵاتپارێزن و دیموکراتیکەکا بەشدارێ مدرامانۍ بێنێ و هەڵمەتەو ئازادیۍ جیهانیینە،  کە١٠و تشرینوو دووەمینە یاوا قەلاپۊپە. هەنگامەکێ بە دروشموو 'ئازادیۍ پەۍ عەبدوڵڵا ئۊجالانۍ، چارەسەرۍ سیاسۍ پەۍ پرسەو کورڎی' ئەنجامۍ دمایینو ئۍ مدرامانەیە بێنێ. متاومێ بواچمێ مانادارتەرین و گرنگتەرین ڕووەداۍ ساڵەو ٢٠٢٣ هەڵمەتەو ئازادیۍ جیهانیینە کە ١٠ تشرینوو دووەمینە دەسش پەنە کەرڎەن. متاومێ بواچمێ هەنگامێوە بێ کە مۊرەو وێش داش وەنەو ساڵەو ٢٠٢٣ چی؟ چونکوم ئیرادە و یۊبییەۍ، ئیرادە و بانگەشە بێ و گرڎ کەسێوە و گرڎ یاگێوەنە بەشدارییش چەنە کریا.

باوڕمان بە سەرکەوتەۍ قەوەتا. بەدڵنیاییەوە پۍ هەڵمەتێوە ئەنجامەکەیش بەدەس مارمێ. جە بانگەشە و ئیرادەو گرڎوو گەلۍ وەڵاتپارێزن، ژەنۍ و گەنجانە کە سەرمەشقایەتیۍ چالاکییەکا کەرا، گرڎوو دۊسە دیموکراتیکەکاما بەڕۊشنۍ موینیۊ. تەنانەت گولانەتەرین سیاووینۍ چۍ بابەتەنە نییا.  گرڎ لایێ لکەدریێ ئۍ هەڵمەتێنێ و و حەوڵێ سەرکەوتەیش مدا و ماچا: 'سیستموو ئەشکەنجەۍ و گۊشەگیریۍ ئیمرالۍ مەڕیۊ و ئازادیۍ جەستەیۍ ڕابەر ئاپۊۍ مسۊگەر بۊ'، دووێ مانگێ و نیم ویەرڎ و چۍ ماوەنە  گرڎ یاگێونە چالاکۍ کریان. ڕوانە بەشداریۍ تازە و ئەرەیاوناۍ تازەش پەۍ کریۊ.  پڕۊسەۍ وەڵینەنە پێشوودا بەشداریێوە گەورە کریا. مدرامانوو مانگێرتەۍ جە وارڎەۍ زیندانییە شۊڕشگێڵنا دماییش بە یوەم مانگێش ئارڎ. ٢٧ کانوونوو یوەمیوە چالاکییەکاو مانگێرتەۍ دەسشا پەنە کەرڎەن و و ئینەیچ هێز و دڵگەرمییەکێش زیاتەرێ کەرڎێنێ.  چالاکییە جەماوەرییەکاو گەنجا و ژەنا بەرڎەوامێنێ. ئەرەیاوناۍ بەشدارییکەرڎەیەکێ نەمرڎێنی. هەرپاسە ١٠ کانوونوو یوەمینە هەڵمەتەو ئەوەواناۍ پەۍ خاستەریاواینەۍ جە ڕابەر ئاپۊۍ کریا. بەڕاسۍ ئینە چالاکیێوە فرە گرنگ و مانادار بێ. چالاکییەکە بەتەمامۍ پەۍ ئازادیۍ جەستەیۍ ڕابەر ئاپۊۍ کریا. چالاکیێوە بێ هامتەریب بێ چەنۍ ڕاسییەکاو ڕابەر ئاپۊی. چی؟ چونکوم ڕابەر ئاپۊ بە ماناو زانابییەین. ڕابەر ئاپۊ بە ماناو یاواینەۍ تازەین، ڕابەر ئاپۊ یانێ ژیواۍ و شێوازێوە تازە جە ژیوای. پەوکاۍ ڕابەر ئاپۊ ماناو هێزۍ و نرخێن. ڕابەر ئاپۊ وێش بە هێزوو نرخیایرەۍ مشناسۊ داراو فەلسەفێوە چانەین. جە ڕوانگەو ڕابەرایەتییوە هۊشیارۍ و نرخنیایرەۍ بنەمانە. ئانێ کە ڕێکشا وستەن بەڕۊشنۍ جە ڕاسیۍ ڕابەر ئاپۊۍ یاوێنێنە.  تەنیا گەرەکمەن بواچوون کە پەنەوازا ئۍ چالاکییێ بەرڎەوامێ با. ڕۊ و وەخت و ئەوەواناۍ ڕابەر ئاپۊۍ دەوامش بۊ. حەرکەسێوە جە بوارەکاو ژیوایەنە گیر ئامان، تووشوو قۊرتا ئامان و حیچ چارەسەرێوەش نییا، ویر و ڕانماییەکاو ڕابەر ئاپۊۍ بوانۊوە، بەتایبەت پارێزنامەکێ و پارادایمۍ تازەش. ئینجا چارەسەروو گرڎوو قۊرتەکا مویزۊوە. چارەسەرۍ دروس ئینا دلێ کتێبەکاو ڕابەر ئاپۊیەنە. ڕوانگەو چارەسەرۍ هەن ڕا و ئامراز هەنێ.  پەنەوازا گرڎوو گەلەکەیما، هامڕێما و داوا وەنەو گەنجایچ کەروو بواناشاوە.  

پەنەوازا ڕانماییەکاو ڕابەر ئاپۊۍ زیاتەر بونیاوە و ئەوەکۊڵیایشا سەرۊ کریۊ

هامرێما حەفتەۍ وەڵین ڕەخنەشا وەنە گیریا؛ چۍ تورکیا و وەرکەوتوو دلێڕاسەیچەنە لاواز بییەن؟ ئانە ڕاس بێ. ڕاسیینە غافڵییەێۍ چانە بۊ، خۊفناکا. ڕابەر ئاپۊیچ کورڎا ئێمەیچ کورڎێنمێ. چا وەختەنە کەس مەتاوۊ ئا چێوا کە ڕابەر ئاپۊ مزانۊشا. ئینە ئەمە گریمانێوە فرە غەڵەتا. بەتورکۍ چاپ کریان و ورگێڵییان کورڎۍ، ئێمە موانمێشۊ، ئادێ ماچا وەڵێنە زانانما، وەلێ یاوایمێنە کە واقیعنە حەرگیز نەیاوێنێنە.  وەختێ ڕابەر ئاپۊ دەسش بە وانەکەۍ کەرڎ، واتش ڕەخنەکێم فرێشا پەۍ ئانیشانێ کە ماچا ئینە پەۍ من نییا، متاومێ ئۍ قسێ پێسە ڕاسە کەرمێوە. ئانێ کە ماچا فرەتەر جە ڕابەر ئاپۊۍ یاوێنمێنە مۊم فرەتەر ئەوەکۊڵیاۍ و شۊنیرەلواۍ کەرا. چۍ ڕووەوە پەنەوازا سەروو بنەماو ویرۊکەکاو ڕابەر ئاپۊۍ وێشا وزا وەڵۍ، هەرکەسێوە پێویسش پەنەشا با زیاتەر بوانۊشۊ.

ژەنۍ فرەتەریاتاجشا پەنەشا چون بنەڕەتیتەرین هێزوو ئازادیۍ، ژەنینە. ئادێ جە گرڎ لایێ زیاتەر ئاتاجشا بە ئازادیین. یان گەنجێ زیاتەر  بواناشۊ و گەلوو کورڎۍ زیاتەر بوانۊشۊ و وەرکەوتوو دلیڕاسەیچ بواناشۊو . گەلەکەما و گەنجەکێما سەرنیشتنە زیاتەر بواناشۊ. مشۊم ئانە کە موانمیشۊ بیاومێشنە و هامبەشییس پەنە کەرمێ و ئینە ئاستوو سەفەربەریینە کریۊ، پەوکاۍ داوا وەنەو گەنجا کەروو کە هەمیشە بواناوە و جە ڕابەر ئاپۊۍ بیاوانە.

لێوە تەرۊ مشۊم ئێمە خاس ئینەیە بوینمێ. ئازادیۍ جەستەیۍ ڕابەر ئاپۊۍ پەۍ گرڎیما پەنەوازا. ئۍ چالاکییە پەۍ ئازادیین، جە ئازادیۍ جەستەیۍ ڕابەر ئاپۊۍ زیاتەر، چالاکیۍ ئازادکەرڎەۍ ڕۊح، هەست، ئەرەەمەنەین. چالاکیۍ وێپەروەرڎەکەرەۍ و وێڕێکوستەین. سەروو بنەماو سۊسیۊلۊژیۍ کۊمەڵایەتۍ، چالاکیۍ وێشا یاونا بە کەسایەتیۍ ئازادی. چۍ ڕووەوە مشۊم ئینسان ئینەیە بوینۊ، وەربەسێ منیارە قەدەغەۍ جۊراوجۊر وەش کەرا. هەزار ڕوێن حیچ زانیاریێوە سەروو ڕابەر ئاپۊ نییا. گرڎ جۊرە فشار، ئەشکەنجە و زۊڵمێوە هەن ئەنجام . ڕاسیینە ئینە ناوەندوو ڕاوەبەرڎەۍ کوشتەین. کوکوشیۍ گەلوو کورڎین سەروو بنەماو سیستموو ئیمرالۍ ڕێک وزیۊ. ئینە گرڎ تەنیا بۊ فشاروستەیسەروو ڕابەر ئاپۊۍ نییا. پەوکاۍ پەنەوازییما بە فکر و پەیلوایەکاو  ڕابەر ئاپۊین، پەوکاۍ ئاندە هجووم کەرانێ سەروو ڕابەریما.

ئانە کە گۊشەگیر کریۊ ئەرەمەنەیەکاو ڕابەر ئاپۊینێ: یانی گرڎ کەسێوە گۊشەگیرا

ئانەو دووەمی، بۊنەو کەموکەسریی ئێمەوەن. ئەگەر ئێمە دەرڎەو وێما وارڎێما، ئەگەر بە دروسی یاوێبیێنمێنە، ئەگەر پێسە فەیلەسوفەکە واچۍ کۊشیاێوە سەرکەوتانەما کەرڎێ، حەریۊما پێسە ئاپۊی بیێنمێ، ئا وەخت ئیمراڵیینە هیچ مانێوە ئەشکەنجەی و گۊشەگیری و پراکتیکەکا نەبێ، تەنیا فاڕیۍ پەی هەقۊسانای شەخسی. وەروو ئانەیە ڕابەر ئاپۊ گەل و ژەنی و گەنجاو کوردستانیش هۊشیارۍ کەرڎێوە و ڕاش  پەی کۊشیای دژوو نادادپەروەری و چەوسنایوە و ئی سیستمەیە وەشە کەرڎە، هەوڵی مدا هەقەش ونە کەراوە، فشارەکێشا تەنیا گوزارشتێوەنۍ جە هەقۊسانایشا. پەنەوازا چی زەمینەو کەم و لاوازییەینە بەرۍ پشمۍ و تا ڕاستەر جە ڕابەر ئاپۊیی بیاومێنە.  تا خاستەر بەشداری کەرمۍ و سەرگنمێ.  ئەگەر گرڎ مەیدانێونە جە کۊشیای ئایدیۊلۊژیینە، پڕوپاگەندەنە، ئەژیتاسیۊننە، هونەرنە، ئەدەبنە، پەروەرڎێوە جڤاکی، ڕێکوستەی و ڕاوەبەرڎەی جڤاکی، جەنگ، پارێزنای، سیاسەت، دیپلۊماسی، ژیوای ئابووری و جڤاکی، هەڵوێستێوە قەوەتما بۊ، ئیتر دوژمن هەنگامێوە ملۊوە دما و ماچۊ گرڎ بیێنۍ ئاپۊیی، پەوکای داوا کەرمۍ گرڎ لێوە ئاپۊی بواناوە و فیرێش با. ئیساتۍ گرڎ لێوە ئاپۊی مواناوە وێشاش پەنە پەروەرڎە کەرا و جە ئەرەمەنەیەکاش ئیسفادە کەرا ڕاسیی ژیوای وێزاوە.پەوکای ڕابەر ئاپۊ ئینا گرڎ لێوەنە ئینا دلۍ دڵ و مەژگوو گرڎوو ئینسانیەتینە و دلۍ کۊشیای ئازاڎی و دیموکراسیینە.

هێزە پیلانگێڵنە میاننەتەوەییەکۍ هومێدەوارێنۍ ڕاو گۊشەگیرییوە، ڕاگێری کەرا جە ئامایبەروو ئەرەمەنەیەکاش، تا نەیاوا بە شۊڕشگێڵن و وەڵاتپارێزن و گەل و ژەنی و گەنجا، تا کۊشیای لاواز و تەسکتەر  کەراوە و سەرگنا. ئجۊسا مەتاومۍ هیچ کەرمێ، دماتەر بە تووڕەیی و کارڎایۊی گەورەوە ڕووبەڕووێشا بیمێوە. پێویسا نەک تەنیا بە قسۍ و بانگەشە، بەڵکوم بە پراکتیکیچ.

پەنەوازا ساڵەو ٢٠٢٤  ساڵەو سەرکەوتەی بۊ

ئانە چەنی بۊ ؟ ڕاو هەڵمەتەکێوە چالاکی دەسش پەنە کەرڎەن. مشۊم بە گرڎ قوێوە  بەشداری کریۊ جە هەڵمەتەو ئازاڎیی جیهانیینە. دماتەر پەنەوازا گرڎتا بەشداری کەرڎۍ جە گرڎ یاگێونە. پەنەوازا گرڎلێوە بە چالاکیی تازە و ئارڎەینەرانە و فۊرمەکاو بەشداریکەرڎەی هەڵمەتەو ئازاڎیینە پەی گرڎوو جیهانی بنویسدۍ و قووڵتەرە و فراوانتەرەش کەرڎێ. با شۊڕشێوە گەورەی ئازاڎی و کۊشیای ئازاڎی بۍ ئاراوە. ئەگەر ئینەیە کەرمێ، ئی سیستموو ئەشکەنجە و گۊشەگیری و قڕکرڎەو  ئیمراڵییە مەمەنۊ نامێنێت.. ئێمە ئاخروو ساڵێوە جارێوە تەر ئی بابەتا نرخنمێ. سەروو ئی بناغەیۊ جارێوە تەر  جە وێما پەرسمۍ ئا وەخت خاستەر میاومێنە.

ئیتر بە یاواینەی خاستەر جە ڕاسییەکاو ڕابەرێتی ملمۍ ساڵەو ٢٠٢٤ و پەی سەرکەوتەی زیاتەری. ئیتر چێش ڕووە مدۊ؟ ساڵەو ٢٠٢٤ هەڵمەتەو ئازاڎیی پەی عەبدوڵا ئۊجالانی، چارەسەروو پەرسەو کوردی گنۊ وەڵۍ و وافرە بۊ و سیستموو گۊشەگیری و ئەشکەنجە و قڕکەرڎەی ئیمراڵی دلێنە مشۊ و سەرکەوتەی گەورە بەدەس مێ. ئیساتۍ ساڵەو ٢٠٢٣ بیێنە ساڵەو مانادارتەرین و کاریگەرتەرین چالاکیی ستراتیژی. ساڵەو ٢٠٢٤ ساڵەو سەرکەوتەی بۊ. بە ئامانجی ڕۊشن و ئاشکراو چارەسەرکەرڎەی پەرسەو کوردی و مسۊگەرکەرڎەی ئازاڎیی ڕابەر ئاپۊی، هەڵمەتەکۍ بە سەرکەوتەی تاجدارە بۊ. دەکرێت. جگە چی ئامانجەیە هیچ ئامانجێوە تەرما نییا. ئێمە بە گرڎوو بییەی و مەژگ و و دڵیوە باوڕما هەن کە ئینە ڕووە مدۊ و بە دڵنیاییەوە سەرۍ گنمێ. پەنەوازا گرڎما باوڕما بۊ پەنەش. چوارچوەو هەڵمەتەو ئازاڎیی جەستەیی ڕابەر ئاپۊینە، ساڵەو ٢٠٢٤ بۊ بە ساڵەو سەرکەوتەیی کۊشیای. بە باوەڕێوە گەورەوە  داوا وەنەو گرڎلاێوە کەروو سەروو ئا بناغەیوە کۊشیای فراوانتر کەرا و  سڵام وەنەو گرڎوو ئا کەسا کەروو کە چالاکییەکا ڕێکۍ وزا.

گەریلا گورزی کوشندەش وەنەو دوژمنی شانا

ئێمە واتما ساڵەو ٢٠٢٣ ساڵەو گەریلاینە، پاسەیچ بێ. ساڵەو ٢٠٢٣، سەرەڕاو دژوارتەرین هەلومەرجەکا، هەنگامۍ شکۆدارێش دیۍ وێشۆ، دماو بوومەلەرزەکەو ٦ شوباتی ئاویربەس ئەرەیاونیا، یانۍ ماوەو بێ‌چالاکی بێ. گەریلا، بە ئیرادە و هەڵوێستی بێ‌چالاکی، بەڕۆشنی نیشانەش دا، کە چەنی لکی دریان بە جڤاکیوە و بەشێوە جەوهەروو ژیوای جڤاکییا. وەلۍ فرەو لایەنەکا گرنگییشا پی پەرسۍ نەدا. مەبەسم ئانەن فرەو کەسا بێنێ، کە بە ئاشکرا و بە نهێنی واچێنۍ ئەگەر بێ‌چالاکی و ئاویربەس بۆ ئێمە پەشتیوانییش کەرمۍ و پاسە کەرمێ. دماو ئانەیە تەڤگەرەکەما و گەریلاکۍ هەڵوێستێوە چانەشا ورگێرت، نقەشا چۆوە ناما و  هیچ هەوڵێوە جیددیما نەوینا. حکومەتی فاشیستی ئاکەپە – مەهەپەی بە فرسەت و لاوازییش زانا و گەرەکش بۍ هجوومەکاش زیاتەرۍ کەرۆ پەی قڕکەرڎەی گەریلای و بەدەسئارڎەی ئەنجامی. وەراوەروو ئینەیچەنە گەریلا گردوو هەرێمەکاو پارێزنای  مەدیاینە بەتایبەت زاپ و ئاڤاشین و مەتینانە و گردوو سەرنیشتوو کوردستانینە مدرامانێوە گەورەشا کەرد. جە سەرحەد تا دێرسیم، مێردین تا بۆتان، ئامەدۆ تا گارزان، بی بە مەیدانوو چالاکیی گەریلای، چالاکییە وەرفراوانەکۍ تەنیا کەشەکانە سنووردارۍ نەبێنێ، هێزەکاو یەپەسە و جەنگاوەرەکێچ شارەکانە چالاکینە بێنۍ و  گورزی کوشندەشا وەنەو فاشیزموو ئاکەپە و مەهەپەی شانان.  

مانگۍ چێوەڵتەر گەریلا  پەی سڵامکەرڎەی و مبارەککەرڎەی یادوو ٤٥ ساڵەو ئەرەمەرزنای تەڤگەرەکەی چالاکییشا کەرد و گورزی گەورەشا جە  ڕەوە فاشیستەکاو ئاکەپە-مەهەپەی دا. ئیسەیچ بەینوو ٢٣ پەی ٢٥ کانوونوو یوەمینە  چالاکیێوە گەورە وزیا ڕا و گورزی قورس جە سوپاو تورکی دریا. چالاکییەکە ئەوەڵ خواکورک، دماتەر کوڕۆجەهرۆ، ئینجا کەشوو ئامێدیینە وەرنیشتنە کریا.  دلیشنە مازیی سوپاو تورکی مەڕیا و دماتەر کە چالاکییە گەورەکاو  کەشوو ئامێدی و کوڕۆجەهرۆ کریێ، ئی جارە دەمودەس سنوورشا نیارە و ئیتر زەزەرەکۍ شاریێوە. میدیێکۍ چند ڕوێوەن واتەنشا مێرگەکاو جولەمێرگ پەڕێنی جەنازۍ و چند بریندارۍ هەنێ؟ ئەوۍ تەرۍ دلۍ وەروەو زمسانینە چێششا سەر ئاما؟  

زاندۍ ئینە چەنی بێ؟  ساڵەی وەڵینە چەنی ئامای زمسانی  نرخنایشا کەرد، بڕۍ یاگێنە کێشیێوە ئێساڵ فەرماندێوە تورکی فرە متمانەپەنەکریا ئامان هەرێمەکە. میدیاکانە واتش " زمسانێنە مەنووە و گژیەو، مدەوشا وەنە، گورزشا سرەونوونە". ئی فەرماندە تورکە لوا دلۍ ئا هەرێماوە، کە هامڕایاما چۆڵۍ کەردێبێنی، فەرماندەو بڕیاڕگەی ناوەندیما هەمیشە واچۍ "سەربازەکاتا چا کێشندێ، ئەگەرنا دمایینەتا خراپە  بۆ، گردتا چا مردێ". گۆششا نەگێرت و قسۍ فەرماندەکەیما ئاما دی، ئیساتۍ شۆکۍ و سەروەنەشێویۍ بیێنۍ و گرد ئامێنۍ سەروو سنووری و هەوڵۍ ورەبەخشای مدا. فەرماندەکاو وەزارەتوو وەرگێرییچ هەوڵۍ مدا ڕەوشەکەی ڕزگار کەرا.

پەرسۍ مۍ وەرۆ، چی ئینە تورکیانە ڕووەش دا؟ چی ئا هێزۍ ئامۍ ئا هەرێما؟ چی دلێڕاسەو زمسانینە؟ ڕاسا تورکیا پێویسا زیاتەر باسوو ئانەیە کەرۆ چی ئی ڕەوە فاشیستە مووچەوەرا بە نامۍ سەروازاوە مازۆوە، زاپنە چێشیرە گێڵا؟ ماچا گەریلا تەقەش کەرڎەن و پەکەکە هجوومش کەرڎەن؟ بێگومانشمە ئاگەتا گێرتەن و گەرەکتانە دلێنە بەردێش، ئانە تەقە کەرۆ مشۆم ئامادە بۆ تەقەیچش وەنە کریۆ. هەرمانەتا پاگەی چێشەنە؟چی ئامیندێ؟ هەقوو زاپ و مەتینا و کوڕۆجەهرۆ و وەرنیشتوو کوردستانیتا چێشا؟ قەت ئی پرسیارۍ مەکەردێ. ئینسانەکۍ چەنی ئا یاگا وێزاوە، هەرگیز مەپەرسا. وەلۍ ڕۆشنا ئیتر شووڵەشا پەی ورکێشتەن.

تەیب ئەردۆگان و دەوڵەت باخچەلی تاوانبارېنۍ

پەشتیشا مەڕیا؛ دەرئەنجاموو ئینکاری و پاگێرتەیرەشا سەروو مەنەیۆ بە چەماو ۋېشا وینا. کێ وەرپەرسا چینیشا گرڎی؟ سیاسەتەکۍ ئیسەو ئاکەپە-مەهەپەی، سیاسەتەکۍ تەیب ئەردۆگانی وەرپرسیارېنۍ. هەڵای پاگیری کەرا. ماچۆ، دەرفەت بە بارۆنەکاو جەنگی و بارۆنەکاو تیرۆری مەڎەیمۍ. ئایا کەسێوە هەن جە تۆ زیاتەر تیرۆر کەرۆ؟ ئایا کەسێوە جە تۆ عالتەر هەن فەرماندەیی جەنگی کەرۆ؟ ملۆ جبەروو ۋەروودەم و هەزاران کەسانە ماچۆ مزاندۍ قیمەتوو ئی گوللا چنڎا؟ ئایا مزاندۍ قیمەتوو ئی چەکا چنڎا؟" ئا چەکۍ کە وەشش کەردېنۍ، ڕۊشن نییا کە وەشش کەردېنۍ، چیلاو چەولاوە ئاردېنێش. گلېرگەو تورکیا فریوش مووەرۆ کە ماچا چەکەکۍ هینۍ هەرێمینۍ و هینۍ نەتەوەکەیشانۍ. حیچ کامشا هەرێمی و نەتەوەییۍ نیەنۍ. گردشا چېگە و چا مسانیا و کۆکریاوە. ئانۍ کە مزانا، ۋنەکۊڵیای کەرا. ڕۊشن بۊوە کە ئینە ڕاسییەکەن. شمە تەنیا ڕیکلامش پۍ کەردۍ. پۍ چی؟ پۍ کوشتەو کوردی. تەنیا زیهنیەتێوە فاشیست و ستەمکار و قڕکەر هەن کە سەروو بناغەو دوژمنایەتی کوردی و کۊکوشی و قڕکەردەی کوردی ۋېش قفڵ کەردەن. تەیب ئەردۆگان و هامپەیمانی کۆماری ۋەرپەرسېنۍ چینەی. فەرماندەو قەرارگەو ناوەندیما بە ڕۊشنی باسش چانەی کەرڎ؛ "ئەگەر چېگە نەلدۍ، مردۍ و ئێمەیچ وەرپەرسۍ مەبیمۍ جە مەردەیشا ". ئیسە ئێمە وەرپەرسۍ نیەنمۍ جە کوشیایەکا، حکومەتەکەو تەیب ئەردۆگانی وەرپەرسا، جە ڕاسینە حەجکەسۍ جە تورکیانە دیموکرات بۆ، وڵاتپارێز بۆ، ئا کەسېشە وەش بسیا، گەنجەکېشا وەش بسیا، پێویسا بزانۆ کە تەیب ئەردۆگان و دەوڵەت باخچەلی تاوانبارېنۍ، با یەخۍ ئاڎیشا گېرا.

پۍ ئانەی جە هۊرچنیەکانە سەرۍ گنا، ڕستەی ئەدەبی سەروو تەعزیۍ ڕێکوزا. تەعزیەشا کەردېنە یاگۍ گلېرۆبیەی پۍ هۊرچنیەی. زارۊڵا گلېرگەی کیانا، مڎاشا کوشتەی، پڕوپاگەندەو هۊرچنیەی سەروو مەردەکاشاوە کەرا. ئانڎە دووەڕوو و مەسڵەحەت پەرسېنۍ. گرڎ چېوۍ پېسە ئامرازێوە پۍ مەسڵەحەتوو ۋېشا بەکار مارا، تەنانەڎ جەنازەو ئینسانەکایچ. ماچا گەشمەرڎە. ئایا نزیکایەتیېوە پاسە ۋەران ۋەروو گەشمەرڎانە بۆ؟ ئایا گەشمەرڎە کریۆ بە پڕوپاگەنڎەو هۊرچنیەی؟

گەریلا ئینا ٤٠ ساڵەو وېشەنە، سەروو بناغەو مدرامانوو ١٥و ئابی، بە ۋۍ تازەکەردەیۆ گورزەی قورسە ئەو دوژمنی مڎۆ. جە بەرزتەرین ئاستەنە درێژە بە کۊشیای ئازاڎیی مڎۆ.

با گرڎ لایۍ باوەڕ بە وەشەسیایی گەریلای کەرا

بەقووەتەرین بەشداری جە هەڵمەتەو ئازاڎینە جە لایەنوو گەریلایۆ ئەنجام مڎریۆ. ئی چالاکیۍ دوژمنشا تووشوو شۆکی کەرڎ، هیواو هێزە دیموکراتیک و شۆڕشگێڵنەکاش زیاتەر کەرڎ و ئاێروو دلۍ دڵیشاش مرکنارە. من ئینەی ماچوو. ئانۍ جە حەماسەنە شۊنەو گەریلایەتیرە گېڵا، پێویسا بەیانە زاپ پۍ ئانەی بزانا گەریلایەتی ڕاستەقینە و چالاکی گەریلایەتی ڕاستەقینەی چنینا. پۊکەی، جە یاگۍ جیاوازەنە شۊنەو غەڵەتیرە مەگێڵدۍ. گەریلای ڕاستەقینە چېشا؟ چنی جەنگ کەرۆ، شێوازوو هجومی چنینا، ئامانجەکەش چېشا؛ با ئینۍ بۋینا.

چالاکییەکۍ ئی دماییە بە ڕۊشنی ئینەشا نیشانە دان. جە ڕاسینە گەریلاکۍ هەندیسان خاڵەی دماییەشا جە ساڵەو ٢٠٢٣ نیارە. چېشش وات؟ واتش، گرڎ چېوۍ جە من داوا کریۆ. دەسوەڵېوستەی ئی هەرمانۍ ئینا لاو منۆ. تا ئیسە واچېنمۍ گیرشا واردەن، تووشوو کێشەی بیېنۍ. ئیسە چارەسەرێوە تازە دەسش پنەکەرڎەن. ئاڎیچ پرۆسەو پاککەرڎەیۊ ئەرەگیران. پرۆسەو ئازاڎکەردەی خاکە ئەرەگیرکریایەکان. ئاستوو چالاکی گەریلای چی ئاژەو ئیسەینە کەمەر ماڕا، چالاکیی پاککەردەیۊین. پێویسا گرڎ کەسێ ئینەی بزانۆ و چنەش بیاوۆنە. ماچا مانگەشەوە سەر جە وېرەگا دیارەنە؛ ساڵەو ٢٠٢٤ بە ئامای ساڵەو ٢٠٢٣ دیاری کریۆ. گەریلاکۍ ئازاڎیی کوردسانی بە ڕۊشنی ئینەشا نیشانەدا. بەنامۍ ڕاوەبەری پەکەکەیۆ، جە کەسایەتی فەرماندەکاو قەرارگەو ناوەندیمانە سڵام جە گرڎوو ئا کەسا کە سەروو ئی بناغەیە بەشداری چالاکییەکاشا کەردەن، مانیۍ، سڵام جە گرڎوو فەرماندە و جەنگەوانا هەپەگەی و یەژا ستاری کەروو. پیرۆزبایی ئی سەرکۊتەیە گۊرەیشا ۋنە کەروو، کە ئیلهامبەخش بیەن پۍ گرڎی و هیواو سەرکۊتەیش زینڎە ئاستەنۆ. هیواڎارەنا جە ساڵەو ٢٠٢٤ینە سەرکۊتەی گۊرەتەر بەدەس بۍ. من باوەڕم پاسەن ئاڎۍ سەرۍ گنا.

با گرڎ باوڕ کەرا، گەلەکەما و دۊسەکېما باوەڕ کەرا. پېسە هونەرمەنڎ واچۍ "باوەڕ بە عەشقوو کەشەکا کەردۍ". با گرڎ کەسۍ باوەڕ بە وەشەسیایی گەریلای کەرا. تا دمایی شایستەو ئی باوەڕەینۍ. با جە حیچ یاگېوەنە چەمەڕاو چېوۍ تەری نەبا. سەروو ئی بناغەیە، پیرۆزبایی جە گەریلای کەروو. هیواو سەرکەوتەی جە ساڵەی تازېنە موازوو.

مەنەنش ،،،،...