باخچەلی جە بەیاننامێوەنە داواو ئانەیش کەرد کە قەرارو ئایێر بەسو پەکەکەی "دروس، هامسەنگ و شیاو" نییا و باسش جە "چەکنییارەی بێ مەرج" ی کەرد. باخچەلی داواو ئانەیش کەرد کە داواکارییەکەو ڕابەر ئاپۆی پەنەوازا یەکینەکێ پارێزناو گەلی (یەپەگە)یچ گێرۆوە.

باخچەلی جە بەیاننامەکەیشەنە ئا جەنگ و وێرانکارییە مەترسیدارا کە حکومەت نزیکەو نیم سەدەین بەرۆش راوە بە " ٤١ ساڵەو تیرۆری و جیاکاری" وەسفش کەرد و واتش: "بە هامکاری و بە دەرفەتەکا عەقڵیەتو جەماوەری و بێگومان بە کردەوێ ڕاستگۆیانە، حەقەتینە، سەبر، وەفادارنە و دڵنیاکەرەوە گرڏو ئاڏشا مڕەونۆوە."

هەرپاسە جە بەیاننامەکەنە باخچەلی هۆشدارییش دان: "پەی پەشگیری جە حەر ڕووەدایێ و ئەوەکۆڵیای خەڵەتی و ڕاگیری جە حەر پێشئامێوە  نەرێنی و هەستیارانە، ڕێبازێوە وەرپرسیارانە و وریاییش پەنەوازا.

باخچەلی ئانەیشس ئەرەیاونا: "دەرفەتێوە زێڕینما ئینا وەردەسەنە کە مەبۆنە پەشگۆشش وسمێنە و پاشێل کریۆنە.

باخچەلی هەرپاسە پەیامێوەش سەبارەت بە دەم پارتی ئەرەیاونا و واتش: "ئەر دەم پارتی بە پەیامەکاش، بە وەرپرسیارێتی و پەیامی گەرم درێژە بە هەنگامە ئاشتیوازەکا وێش دۆنە، ئانە متاوۆنە بۆنە بە حیزبێوە تورکیای.

بەپاو داوکاریی باخچەلی، داواکارییەکەو ڕابەر ئاپیۆ کە ٢٧و شوباتینە سەبارەت بە پەکەکەی، پەی گرڏو لق و گرووپەکا تەریچ مشۆم بەکار بێنە.

باخچەلی داواو ئانەیش کەرد کە یەپەگەچ ئینا جا چوارچێوەنە و واتش: "تەرکیزکەردەی سەرو داواکارییە سیاسی و بنەما یاساییەکا، ئێهمال کەردەین".

باخچەلی جە درێژەو بەیاننامەکەیشەنە ئەرەیاونانش کە پەکەکە و گرووپە 'سەربەخۆەکێ' مشۆم 'دەمو دەس بێ مەرج چەک بنیارەو' و 'چەکەکێشا تەسلیمو کۆمارو تورکیای بکەرا'، هەرپاسە داواو ئانەیشش کەرد کە ئەرەیاوناو ئایێربەستەو پەکەک 'دروس، هاوسەنگ و شیاو'نییا.

باخچەلی داواش جە پەکەکەی کەرد "بە بێ مەرج چەک بنیارە و دمای بە بییەو ڕێکوزتەو وێشا بارانە" و ئاماژەش بە تەرسەکێ دۆڵەتو تورکیای کەرد و واتش: "مەڵامەتۍ ئاژاوەگێڵنی ناوچەیی فرە کاریگەرێنێ، سیستەمو جەهانی کە جە دماو جەنگو جەهانی دووەمیۆ ئەرەمەزیا، ئینا لێوارو هۆرشێویایۊینە پا گورزا کە وەرش گنا".

باخچەلی ئاماژەش بە پەنەوازی 'کەشوهەواو ئاشتی و ئارامی دلېینەی' جە ۋەرا ۋەرو هەڕەشەکا ناوچەیی و جەهانیەکا و ئاماژەش بە سەدەو 'تورکی و تورکیا'ی کەرڎ.