مېیانو زانیاری و ئەرەیاۋنای هەپەگەی سەبارەت بە هرووژمەکا سوپاو تورکی ئەرەگیری و دەسوەردایەکاش هێزەکاو گەریلای جە چوارچێوەو پارېزنای ڕەواینە ئەرەیاۋنێوەش وەڵاکەرڎۆ. دەقو ئەرەیاۋناکەی پی جۊرەنە:

"هرووژمەکۍ سوپاو تورکی ئەرەگیری بە تەقەمەنی قەڎەغەکریا؛

٦و ٧و ئاداری جە هەرێمو گەشمەرڎە دەلیلی جە ۋەرنیشتوو زاپی، مەڕکېما جە مېڎانوو مڎرامانوو کەشو ئامێدینە ٤ جارۍ بە بۆمبی فسفۆر کە بەکارئاوردەیش بەپاو یاسا جەهانییەکا قەڎەغەن، بۊمبوارانۍ کریۍ.

هرووژمەکۍ سوپاو تورکی ئەرەگیری؛

٦، ٧ و ٨و ئاداری، مېڎانەکۍ مڎرامانوو لۆلانی و گۆشینی جە هەرێمو خواکورکی ٥ جارۍ، مېڎانەکۍ خێرێ، گرێو ڕەشید، دەشتەو کافیە، مێرانێ، دێرێشێ، بێبادە، خالەتا، کەشو بابیلی جە هەرێمو گارێ ١٤جارۍ، جە هەرێمو مەتیناینە  مېڎانەکۍ بێشیلی و سەری مەتینای ٢جارۍ، مېڎانەکۍ کەشو جودی جە هەرێمو گەشمەرڎە دەلیلی جە ۋەرنیشتوو زاپی ٢ جارۍ،  بە گرڎی ٢٣جارۍ جە لایەنو فڕۆکە جەنگییەکا دۊڵەتو تورکی ئەرەگیریوە بۊمبواران کریێنۍ.

٧و ٨و ئاداری مېڎانوو مڎرامانوو کەشو وەهاری جە هەرێمو گەشمەرڎە دەلیلی جە ۋەرنیشتوو زاپی ١١جارۍ بە هەلیکۆپتەری جەنگی بۊمبواران کریان.

جە ڕووانو ٦ و ٧ و ٨و ئادارینە مېڎانەکۍ مڎرامانوو بەربەزینە، گەشمەرڎە شەریف، لولان و کەندەکۆلا جە خاکورک ٥٣ جارۍ بۊمبواران کریۍ، مېڎانەکێ کەشو ڕەشید، دێریشە، گرگاشە، سپیندارە، مژە، مێرانە، کەشو زەنگلی، دەرییە حرچ، زوکە جە گارێ ١٩٦جارۍ بۊمبواران کریۍ، هەرپاسە ناوچەکۍ مڎرامانوو سەرێ مەتینای و بێشیلی و شێلازۍ جە هەرێمو مەتینای ١٥١ جارۍ بۊمبواران کریۍ و مېڎانەکۍ مڎرامانوو کەشو ئامەدیەی و کەشو وەهاری جە هەرێمو گەشمەرڎە دەلیلی جە ۋەرنیشتوو زاپی ٥١٩ جارۍ بۊمبواران کریێنۍ کە بە گردیی مەبۆ بە ٩١٩ جارۍ بە چەکی قورس، تۆپۍ دوور مەودۍ بۊمبوارانۍ کریێنۍ کراون.

هەرێمو گەشمەرڎە دەلیلی جە ۋەرنیشتوو زاپی

٦و ئاداری سەعات ١٠:٠٠ بە چەکی قورسو دوشکۍ کە مېڎانوو مڎرامانوو کەشو ئامێدینە مەڕەکۍ مڎرامانوو ئێمە گولەۋارانۍ کریێنۍ، جە لایەنوو هێزەکاماوە بەئامانج گیریا و مەڕیا.

هەرپاسە جە هەرێمو ماکۆی جە ۋەرکۊتوو کوردەسانی، بڕۍ جاشۍ بە پۊشای جلوبەرگو گەریلای و ئشناسای ۋێشا بە نامۍ گەریلایۆ زەڕ جە خەڵکی هۊرگێرا. مشۊم گەلەکەما متمانە پی جۆرە کەسان نەکەرۆ و پەنەوازا وریۍ با."