سکرتێرو گرڏی لۆمباردیای سەندیکاو کرێکارا پەروەردەیی ئیتالیای، دی کۆنکا ئاماژەش پانەی دا کاریگەی بانگەوازییەکەو ڕابەر ئاپۆی جە هەرێمەکەنە وەرفراوانا واتش: "ئۆجالان و پەکەکە سنورەکا تێپەڕ مکەرا و پەی قەیرانو دیموکراسی جە جەهانەنە چارەسەری پێشكەش مکەرا."
سکرتێرو گرڏی لۆمباردیای سەندیکاو کرێکارا پەروەردەیی ئیتالیای (FLC CGIL) ماسیمیلانۆ دی کۆنکا پەیوەس بە بانگەوازییەکەو ڕابەر ئاپۆی پەی ئاژانسو هەواڵو فوراتی (ANF) قسێش کەردە و ئاماژەش پانەی دا بانگەوازییەکە و ڕابەر ئاپۆی و قەرارەکا پەکەکەی پەی چارەسەرو پەرسە جەهانییەکا و هەرێمییەکەی هەلێوە زێڕینەنە. ئاماژەش پانەیش دا سەرکەوتە و پرۆسەکەی پەنەوازیش بە هەنگامنییای دۆڵەتی هەن و جەختش چانەی کەردۆ بەمەڵامەتو ئانەی چارەسەری کە ڕابەر ئاپۆ پەی قەیرانو دیموکراسی جە جەهانەنە پێشکەشش مکەرۆ، پەنەوازا ئازاد بۆنە و ئینە هەنگامێوە گرنگ و کاریگەرا.
'ئانەی پەکەکە کەردش سەرەتێوە تازەن'
دی کۆنکا جەختش چانەی کەردۆ قەرارەکا کۆنگرەو ١٢ـەمینس پەکەکەی دمای نییا بەڵکوم دەستپێکێوە سەردەمێوە تازەین و واتش: "ڕەیەم چانێنە گەل ئاوارتەن. دەسوەردای جە چەکی و ڕووەکەردەی دیالۆگی خاسترین چارەسەرو ئی سەردەمەینە. ئینەیش بەماناو دمای ئاردری یان دەستبەردای جە پراکتیکی نییا،. وە پەیامێوەن پەی ئا کەسا کە توندوتیژی و میتینگەری جە جەنگو مییاننەتەوەیینە پێسە و تاکە چارەسەری وینمێ. جە وەراوەر و ئینەینە ئۆجالان پرۆسێوە دیالۆگش پێشنیار کەرد کە تاوۆنە ڕا پری وەڵکەوتە ی هامبەشی بکەرۆوە."
دی کۆنکا ئاماژەش پانەی دا ئایدیا و پارادایمەکێ ڕابەر ئاپۆی هورگێرو ئا هێزەین کە تاوۆنە دمای بە گرڏ جەنگ و ئاڵۆزی و قەیرانەکا جەهانی بارۆنە. جەختش چانەیش کەردۆ بانگەوازییەکەو ڕابەر ئاپۆی نەک بە تەنیا پەی کوردا، بە گرڏی جە ڕوانگە و سیاسەتو یۆگێرتەی ئاماژەن پەی فارییای گرنگی.
'پەنەوازا جە گرڏ ئاست و ڕەهەندێوەنە پشتگیری ئی پرۆسەیە کریۆنە'
دی کۆنکا دەستنیشانش کەرد پەی سەرکەوتە و پرۆسەکەی وەرپرسیارێتی گۆرە گنۆنە ئەستۆو گلێرگە و مییاننەتەوەیی و واتش: "پەکەکە وەرپرسیارەتیێ گۆرەش گێرتەن ئەستۆ. مسۆم دۆڵەتیش قەرارێ وەڵامگۆی دۆنە. یان ئانەی ڕووە جە دیموکراتیکی بکەرۆ یان ئانەن جە سیستەم و ئیسەینە مەنۆوە. ئینەیچ چێوێ ئاسان نییا بەتەنیا بە دۆڵەتو تورکی ئەنجام مەدریۆ. پەنەوازا گلێرگە و مییاننەتەوەییش ڕێز جە پێوانە مییاننەتەوەییەکا گێرۆنە. بە تەنیا هەڵوێسو ئۆجالانی و پەکەکەی وەسێ نییا پەی ئامای دی فاڕییا ، پەنەوازا جە گرڏ ئاست و ڕەهەندێوە پشتگیری ئی پرۆسەیە کریۆ."
هەنگامی دەسپێک مشۆم ئازادی ئۆجالانی بۆ'
دی کۆنکا باسش چانەی کەرد پەی سەرکەووتە و پرۆسەکەی هەنگامەی سیاسی و یاسای جە لایەنو دۆڵەتو تورکیۆ گرنگا و کاریگەر بۆنە، پەی ئینەیش جەختش جە ئازادی جەسەیی ڕابەر ئاپۆی کەردۆ و واتش: "پەنەوازا لایەنەو وەراوەری کە دۆڵەتو تورکین فاڕییای بکەرۆ. یوەم هەرمانەی دەسپێکی مەرجا، ئازادی ئۆجالانی و وەردای زینانییە سیاسییەکا."
'چارەسەری ئینا ئایدیاکا ئۆجالانینە'
دی کۆنکا ئەرەیاوناش مشۆم توێژینەوە جە فکر و ئایدیاکا ڕابەر ئاپۆینە کریۆ و بە دیدگاو چارەسەری هورگیریۆ و واتش: "مشۆم ئەوەکۆڵییای سەر و فیکرەکا ئۆجالانی کریۆ، هەرۆاەە بە گرڏ لێوەرە وەڵاکریۆوە و درێژەش پنەدریۆ. فیکرەکێ ئۆجالانێ تەنیا پەیوەستدارنیێنێ بە پەرسە و کوردی، ڕاسا پەرسە و کوردی پەرسێوە گرنگ و بنەڕەتییا، بەڵام پەرسە و بنەڕەتی ئارۆو جاهانی پەرسە و دیموکراسییەنە. وەر و ئانەی جە ئیسەنە بەشداربییەیما جە چارەسەریینە جە دەسدان، مەزانمێ چکۆ بەشداری دیموکراسی بیمێ. هەڵبەتە مشۆم پەی وێ ئێزتەیماوە چارەسەریێ تازە پێزمێ، ئا چارەسەرییەش ئینا دلێ فیکرەکا ئۆجالانی و مانیفێستۆکەیشەنە."
