دیالە: جە ھجومێۋی داعشیەنە پەنج کەسۍ کوشېۍ
جە دەگێۋە پارێزگاو دیالەینە جە وڵاتو عێراقی، چەتەکۍ داعشی جە ڕاو بۊمبێۋە ھجومێشا ئەنجامداو ٥ کەسۍ کوشېۍ.
بەپاو زانیاریەکاو مەدیاو عێراقی چەتەکۍ داعشی شەۋەی ۋیەرڎۍ ھورشا کوان سەرو دەگاو حزینەو سەربە پارێزگاو دیالەی.
ئەرەیاۋیا کە چەتەکۍ ھۊڵشا دان کوڕو شێخ مسەفا تەمېمی کە کەسایەتیێۋە دیارو مەنتېقەکەیا بڕفانا، بەڵام پلانەکێشا سەرش نەگێرتەن.
سەرچەمە ھەرێمیەکۍ ئاماژەشا پانەی کەرڎەن کە دەیان کەسۍ جە دۊرو یانەو شێخ مسەفاینە کۊبېێنۍ و ناستەنشا چەتەکۍ بە ئامانجەکەیشا بېاۋا. بەڵام جە ۋەختو گلێرۊبیەکەینە بۊمبێۋە تەقانۊو جە ئاکامشەنە ٥ کەسۍ گېانشا جە دەسدانو ٤ کەسۍ تەرێچ زامڎارۍ بېێنۍ.
زامڎارەکۍ فاڕیێنۍ پۍ نەوەشخانێۋە جە پارێزگاو دیالەی.
ھ.ش
