سیاسەتەمەداری فەڕەنسی دیلان بۆوتیفلات سەردانو سەرنیشتوو و وەرکەوتوو سووریایش کەرد، باسش چانەیە کەرد جە دژو ئەرەگیرکارییەکا دۆڵەتو تورکی مڏرامنێ گشگیر هەن و واتش: "وەرنیشت پەی ئایندەی مۆدێلێوە وەڵکەوتەن. مشۆم دمای بە دووڕوی بێنە و بە ئەردۆغانی وچریۆ."
جە کات و ساتو قسەکەردەی سەرو بنیادنیای سووریایێ تازەینە سەرو ئاستو مییاننەتەوەی جە ڕۆشنویری، سیاسەتمەدار و پەڕلەمانتار سەرەڕاو بەردەوامی هرووژمە ئەرەگیرەکا دۆڵەتو تورکی و چەتەکاش پەی سەرو هەرێمو سەرنیشتوو و وەرکەوتوس سووریای، سەردانو ئا هەرێمەیە مکەرا و پەشتیوانی و سەرسامی وێشا بە مۆدێلو ئیدارەو وێڕاوەبەری بەربڕا. سکرتێرو پەیوەندییە مییاننەتەوەییەکا پارتو سۆسیالیسو فەرەنسای دیلان بۆوتیفلات کە یۆ بێ جا شاندا فەرەنسای و ئیتالیییای چی ماوە وەڵینەینە سەردانو وەرنیشتیشا کەرد. پێوەس بە سەردانەکەیش پەی ئاژانسیما قسێش کەردێ و دەربارەو هەڵوێسو گلێرگەو مییاننەتەوەیی هورسەنگنایش کەرد.
جە سەرەتاو قسەکاشەنە دیلان بۆوتیفلات ئاماژەش پانەیە کەرد ئاڏێ جە لایەنو ئیدارەو وێڕاوەبەرییۆ دەعوەت کریێنێ، دەستنیشانش کەرد ئا مڏرامانەی جە لایەنو گەلا هەرێمەکەیۆ ملۆڕاوە بییەن بە یاگێ سەرسامی و ڕێزو وڵاتا ئەورووپای هەرپۆکەی هەمیشە جە داواو ئانەینە بیێنێ سەردانش بکەرا و جە نزیکۆ ئاشناو مڏرامنەکا ئاگەی و هرووژمە قڕکارییەکا دۆڵەتو تورکی و چەتەکاش بانە سەرو گەلا هەرێمەکەی و واتش: "کاتێ مرۆڤ تەماشەو مڏرامانی مکەرۆ بەڕاسی یاگێ ڕێزین. پۆکەی مەبۆنە هیچ نەکەرمئ و هەر تەماشە کەرمێ. ئا ڕووداوێ چاکە گوزەریا و بە وڕناو ئەسەدی نیشاندەرو ئانەین دۆخەکە پەی گەلی خاس نییا. جەنگ کەردەی پەی ژیوای ئینا ئارانە. هرووژمە ئاسمانییەکێ دۆڵەتو تورکی پەی سەرو هەرێمەکەی بەردەواما. هرووژمەکێ دۆڵەتو تورکی و ئاژاوەگێڵی چەتەکا و پاشماوەکێ ڕژێمو بەعسی وڕای بە گرڏ شێوێ بەردەواما و تەنیا جە سەرسنورەکانە نییا، بەڵکوم وێما بییەنمێ بە گەواهیدەرو ئانەی جە گرڏو هەرێمەکەینە ئی هرووژمێ پانە. جە سەردانەکەمانە لوایمێ ڕەقە و چەمما بە گوزەرانو کۆچبەرا کەوت کە گرڏشا وەرو هرووژمەکا ئەرەگیری کۆچبەرێ بیێنێ. ئا چێوەی گرنگا کە یاومێشەنە؛ هەستو پێوانەی و وەرپرسیارەتییا. ئینەیچ ئا وەرپرسیارەتییەشە وستیمێ ئەستۆ پەی ئایندەو دۆساما جە کوردەسانەنە و بە تایبەت جە وەرنیشتوو کوردەسانی زیاتەر چنیشا گنمێنە سەفەربەریی."
'دۆساما ئینێ چێرو تەرسێ و هەڕەشێ هرووژمەکانە'
جە بەردەوامینە دیلان بۆوتیفلات سەرنجش وست سەرو ئا پێوەرە ژیوایە و ئامانجیو مڏرامانو هەرێمەکەی کە بە گرڏ جیاوازییێ و ئیتنیکی و ئاینییەکاوە ئینا ئارانە و جەختش کەردۆ چانەی ژەنی جا مڏرامانانە دەورێ سەرمەشق و کاریگەرشا هەن و ئینە یاگێ سەرسامی و خاڵەی ئایندەسازییەنە پەی سووریای. دیلان بۆوتیفلات ئاماژەش پانەیشدا بە تایبەت جە ڕەقە هەڵای کاریگەری و تەرسو عەقڵێتو جیهادی و داعشییانە سەرو گلێرگەی و بە تایبەت سەرو ژەنا هەن و واتش: "دۆساما و گەلا هەرێمەکەی چێرو تەرسێ سەروازی گرووپە چەتەیییە جۆربەجۆرەکا سەر بە تورکیاینی.
ڕا بە عەقڵێتو تاریک پەرستانەو ئەردۆغانی مەرەیمێ
کاتێ سەردانو کۆبانێما کەرد، بەڕاسی کاریگەر بییانی. کاریگەری جەنگی و گرڏو قوربانییەکا. هەرپاسە کاتێ چنی ئیدارەو وێڕاوەبەری، قەسەدە و هێزە سەروازییەکا قسێما کەردە. دواما چنە کەردێ تەماشە بکەرا و چنین جە پەشگیرکا ئیمانویل ماکرۆنی یاوانە. زیاتەر سەرو ئی پرسێ ویرو ڕاما فاڕاوە و هەوڵمادا زیاتەر ئاگادارشا کەرمێوە جە وەرپرسیارەتی فەرەنسای. واچێنێ هەڵوێسو ماکرۆنی خاسا، بەڵام بە ئیسەیشۆ هرووژمەکێ دۆڵەتو تورکی شەرمەزار نمەکەرا. بە مڏرامنو کۆبانێ وەڵێ ١٠ ساڵا داعش دلێنە بریا، بەڵام چارۆنە عەقڵێتێوە ئەرەگیر هامشێوەو داعشی گنۆنە وێش. ئی هێزە تارکپەرستیە هێزو ئەردۆغانین کە جە ئیسەنە گەرەکشا سەرو چارەنووسس وەرنیشتوو سووریای کاریگەری بنیۆرە. ڕا مەرەیمێ بی عەقڵیەتەیە."
'دمای بە دووڕویما بارمێنە و بە ئەردۆغانی واچمێ وەسێن'
دیلان بۆوتفیلات ئاماژەش پانەیەدا بەینو ئەورووپای و تورکیاینە پەیوەندی و چێوی شاراوە هەن و ئینەش وات: "دۆسایەتی فەرەنسای و تورکیای بە گرنگ وینونە، بەڵام چنی حکومەتو ئەردۆغانی نەخێر خراپا. ئانەی بێتاقەتم مکەرۆ، دووڕویمانە وەراوەر بە کوردا. بە فرەی ئا کوردێ ئینێ سووریانە، وەرنیشتوو و عێراقیش جەنگشا دژو داعشی کەرد. مشۆم دمای بە هەڵوێسو دووڕوویما بارمێنە و وەراوەر گرڏو پاشلکارییە سەروازییەکا ئەردۆغانی واچمێنە ئیتر وەسێن و جە دژش مردمێوە."
جە دما دماو قسەکاشەنە دیلان بۆوتفیلات جەختش چانەیە کەردۆ پەنەوازا هەوڵ و ئەوەکۆشای زیاتەر کەرمێنە پەی پەشتگیردای بە وەرنیشتوو کوردەسانی.
وە گرڏ هەوڵێما مشۆم پەی ئانەی بۆ گەلوو فەرەنسای جە حەقیقەتو مڏرامانو وەرنیشتی یاونمێنە
