هانوڤەر

شاروو هانوڤەرو ئەڵمانیاینە، ۋێنیشاندەرا بە سەرمەشقایەتی یۆبیەی هێزوو دیموکراتیکی ئەوروپای و ناڤ-دەمی هانوڤەرەنە کوۍ بیێوە و دۆزوو پیلانگێڵنانەو کۆبانێشا شەرمەزار کەرد.

چالاکیەکە ۋەروودەم و وێسگەو ناوەندی قیتاروو هانوڤەرینە سازکریا. جە چالاکیەکەنە قسۍ کریۍ و ئانە وزیا ڕووە کە قەرارەکۍ دۆسیەکەی، مایۍ قبوڵکەردەی نیەنۍ. ئانەیچ وزیان ڕووە کە دەوڵەتوو تورکی حۊڵ مڎۆ پارێزنای جە تاریکی و سیاوی داعشی بکەرۆ.

ئا کەسۍ کە قسێشا کەردۍ ئانەشا وست ڕووە، کە ئانۍ ئا قەرارشا دان دوژمناو دیموکراسینۍ و جەختشا کەردۆ، "ئێمە جە ۋەرا ۋەروو گۆشەگیرینە ئازاڎیی و ئاشتی پارێزنمۍ".

دماو قسەکا دەس بە ڕاپیمای و واتەیۆ دروشمی کریا و پی جۆرە چالاکیەکە یاوا بە دمایی.

هامبورگ

هامبورگیچەنە دژوو دۆسیەو پیلانگێڵنا کۆبانێ چالاکی سازکریا. چالاکا جە ستێرنسچانزەنە کوۍ بیێوە و بێ مردای دروشمەو "ژەنی، ژیۋای، ئازاڎیی"، "بژیۋۆ مدرامانوو زیندانەکا" و "بژیۋۆ مدرامانوو کۆبانێ"یشا واتۍ.

جە گلێرۆبیەکەینە سەلما ئیرماکە و نیهاد ئاکدۆغان قسێشا کەردۍ و حەرپاسە بەنامۍ ئاتیف، ئاگیفی و یانگ ستراگڵ-یۆ قسۍ کریۍ.

ڤیەننا

ڤیەنناو پایتەختوو نەمساینە بە سەرمەشقایەتی ناوەنڎوو جەمەو دیموکراتیکی کوردی، چالاکا ۋەروودم و پەرلەمانوو نەمساینە کوۍ بیێوە و دۆسیەو پیلانگێڵنا کۆبانێشا شەرمەزار کەرد.

بەنامۍ ئەنجومەنوو ژەنا ڤیەننای نورجان گولەریوزە، بەنامۍ ئەی دی ئێ‌ گی ئەرداڵ یۆڵداشی و بەنامۍ گلېرگەو ئازاڎیۆ ئەحمەد زیرەک قسێشا کەردۍ.

جە چالاکیەکەنە ئانە وزیا ڕووە کە جە ڕاو ئا دۆسیەیۆ گەرەکشانە حەقەو شکسوو داعشی جە کۆبانێنە بکریۆ.

جەماوەرەکە تا ۋەروو دەم و بیناو ئۆپێرای بە واتەیۆ دروشمۍ ڕاپیمایشا کەرد.