فەدا: بەیدۍ ١٧ شوباتینە دژوو گۊشەگیری کۊڵننە بیمۍ
هامسەرۊکەو فەدای حوریە کابایالە واتش: "دژوو گۊشەگیری جە ڕاپیمای ١٧ شوباتینە کۊڵننە پێسە قەلاپۊپەو چالاکییەکانە کوۍ بیمێوە".
هامسەرۊکەو فیدراسیۊنوو عەلەوییە دیموکراتیکەکا (فەدا) حوریە کابایالە داواش کەردە، پەی بەشداربییەی جە ڕاپیمای ١٧ شوباتینە کۊڵننە پەی ئازاڎیی جەستەیی ڕابەروو گەلوو کوردی عەبدوڵا ئۊجالانی.
حوریە کابایالە واتش: "جە کەسێتیی ڕابەروو گەلوو کوردی عەبدوڵا ئۊجالانینە گەلوو کوردی گۊشەگیر کریۊ و گرد کەسێوە دژ بە شناسنامە و باوڕ و جیاوازییەکاشا وستۍ زیندان و کوشتێشا. پێویسا پەنەشا واچمۍ "مرددێ". پێویسا پێسە حەلاج مەحسونی، نەسیمی، پیر سوڵتانی و بندەسەکا دژوو ناهەقی مردمێوە. مشۊ ئازاڎیما قەوەت کەرمۍ و پێسە سەید ڕەزای سەرە نەکۊمنمێرە ".
حوریە کابایالە تیشکەش وستە سەروو گۊشەگیریی ئیمراڵی و بێدەنگیی ڕێکوزیا میاننەتەوەییەکاش شەرمەزارۍ کەردێ.
ئاخرۊ واتش: "پێسە لووتەو کەشەکا چالاکییەکا، پێویسا ڕاپیمای ١٧ شوباتی شاروو کۊڵنینە بەشدارۍ بیمۍ و دژوو گۊشەگیری . مشۊم بۍ جیاوازی دژوو ناهەقی مردمێوە. پێویسا گرد پێوە دلۍ مدرامانینە ڕا گێرمۍ".
