فیدراسیۆنی دیموکراتیکو عەلەوییەکا (فەدا) بەیاننامێوی نویسیاش وەڵا کەردۆ و تیشکەش وستە سەرو هجوومەکاو سەرو عەلەوییەکا.

دلێنەو بەیاننامەکەی ئینەن:  

"کەسێوی نەزان بە نامۍ موراد بەلگەی، کە بانگەشەی کەلتووری مکەرۆ، باوەڕی مەبارەکو ئێمەش بە پەیوەندیی قەومایەتی ئشناسان، ئا کەسە بە نامۍ ئۆزکان چەلیکیوە، کە وێش پیسەو هونەرمەندێو نیشانە مدۆ، گاڵتە بە عەلەوییەکان مکەرۆ. هەرپاسە هوداپار کەسێوش دێرسیمنە کاندید کەردەن و سەرۍ سەید ڕەزای پیریماش دان و قسێش کەردێنە. بێگومان پەنەوازا جوابو گردو ئینیشا بدەیمێوە.

بێئەخلاقیێوی تەر لاو کەسێوە بە نامۍ ئۆزکان چەلیکیوە کریان، کە یانۍ وێش پێسەو هونەرمەندی مشناسۆ،  ماوێو چیوەڵی ئی کەسە نەزان و بێئەخلاقە گاڵتەش بە ئیمانی مەبارەکیما کەردەن. ئی کەسەیچ پەی هەرمانە پیسەکاش هونەرش بەکار ئاردەن.

تەوەرێوی تەری گرنگ کە پێویسا چنی جەماوەری گردینی باسش بکەرمێن، ئانەنە کە هوداپار کاندیدو وێش  پەی ورچنیەیە دلێیەکاو دێرسیمی دەسنیشان کەردەن و سەرۍ مەزارو پیریما سەید ڕەزایش کەردەن. پێویسا ئانەیە ڕۆشن بکەرمێوە کە ئینە هجوومێوی گردینا دژو عەلەوییەکا و بەتایبەتیچ دژو خەتەو عەلەوییاو ڕاو حەقی. پێویس نمەکەرۆ گەورەکێما لاو عەقڵیەتو هودا پاریوە بەکارۍ بەیا، کە گردو هێزو وێش سەرو دوژمنایەتیی عەلەوییەکا بەکار ئاردەن.

ئێمە پێسە فەدای هەرمانەمانە گرد یاگێونە دژو سیستمو ستەمکاری مردمێوە، پەوکای دەنگما دژو گردو هجوومەکاو سەرو عەلەوییەکا بەرز مکەرمێوە."