فڕۊکێوە بێفڕۊکەوان قەندیلنە کەوتەرە وار، گەریلای دەس گێرت ملەرە
فڕۊکێوە بێفڕۊکەوانی هجوومبەر، نۊعوو بەیرەقداری تی بی ٢ۍ دەوڵەتوو تورکی ئەرەگیری، جە مەیدانەکاو گەریلاینە کەوتەرە وار.
فڕۊکێوە بێفڕۊکەوانی بۊمبچنکریا، نۊعوو بەیرەقدار تی بی ٢ۍ، وێرەگاو ١٤و حوزەیرانینه جە مەیدانوو کەشوو ساڤاشیی قەندیلینە کەوتەرە وار.
بە پاو سەرچەمەکاو گەریلای فڕۊکەکەو دەوڵەتوو تورکی کۊنتڕۊڵش جە دەس دان و کەوتەنەرە واری.
پارچەکاو فڕۊکە مەڕیاکەی لاو گەریلایۊ دەسش گیریان ملەرە، کە سەرشۊ ڕەقەموو تی ١٧٥ نویسیان.
دیمەنەکانە کە دەسوو ئاژانسوو هەواڵوو فوراتی کەوتێنۍ، پارچەکاو فڕۊکە مەڕیاکەی وینیا.
گەریلێوە ماچۊ، "فڕۊکەی بێفڕۊکەوان چۍ کەمۍ مەباوە و دایمە سووڕیاوە وەلۍ ئامینمۍ سەروو لاشەو یۊیشا."
س.ز
