"سۆزدار دێریک"ە ئەنڎامەو فەرمانڎەیی گرڎی یەکینەکا پارېزناو ژەنا (یەپەژە)ی سەرو خوڵقەو پەرلەمانو کەتەلۆنیای سەردای بەرشەلۆنەیش کەرڎ.

بەپاو ناۋەنڎو یاۋنەری و چاپەمەنیی یەپەژەی، دێریکە چنی سەرۊکو پەرلەمانو کەتەلۆنیای ئەلبا ڤێرگێس بۊش، نوێنەرو پارتو یۊبیەی گەلی (CUP –Candidatura d’Unitat Popular)ی کارلس ڕیرا و نوێنەرو پارتو کۆماریی چەپی کەتەلۆنیا (ERC – Esquerra Republicana de Katalonya)کۊبیۊ

جە گلێرۊبیەکەینە باس جە مژارەکا پەیوەنڎیدار بە ئەمنیەتو سەرنیشت و ۋەرکەوتوو سوریای، هەڕەشەکا داعشی و کۊشیای دژ پا هەڕەشا و، ئاژەو کامپو هۆلی و ھجومەکا دەوڵەتو تورکی پۍ سەرو مەنتیقەکەی کریا

کۊشیای ژەنا جە مەجالەکا سەروازی و سیاسی و کۆمەڵایەتییەکانە جە سەرنیشت و ۋەرکەوتوو سوریای یۊتەر بۍ جە ڕۊژەڤ و ئەجینداو گلێرۊبیەکا.

حەرپاسە "سۆزدار دێریک"ە فەرمانڎۍ یەپەژەی خوڵقەکریا پۍ بەرنامەو تەلەفزیۊنی کەتەلۊنیای و بەرنامەکە جە لایەنو ڕۊنامەنۋیس مۆنیکا تریباس-ېوە لوۋا ڕاوە و دێرکە جە بەرنامەکەنە جوابو پرسیارەکا زیاتەر جە ٤٠٠ بەشڎاربیاش داوە

حەرپاسە دێریکە بەشڎارییش جە پێشانگایۍ کتێبانە کەرڎ جە بەرشەلۆنە و پا بۊنۊ جە پێشانگاکەنە کتێبو نوۋیسەر دلار دێریکۍ سەبارەڎ بە خەباتو ژەنا کورڎی بە ئاماڎەبیە و بەشڎاربیا و ناۋەنڎە رۊشنۋیریەکا کتێبخانەکە ئشناسیا.

سەرداکەی فەرمانڎۍ یەپەژەی "سۆزدار دێریک"ۍ وەردەواما.

ھ.ش