فەرمانڎەیی هەرێموو سەرحەدی ئەرەیاۋنانش، بڕۍ کەسېما هەرێمەکەنە ئشناسېنۍ کە بەنامۍ ڕێکوستەیۆ زەڕ جە گەلی وڵاتپارێزی هۊرگېرا و ئاگاڎیچش دان:"متمانە پا دزا مەکەردۍ، هوشیارۍ بیدۍ و ساحیب هەڵوێستۍ بیدۍ."
فەرمانڎەیی هەرێموو سەرحەدی ئەرەیاۋنېوەش وەڵاکەرڎۊ و سەبارەڎ پا کەسا کە بەنامۍ ڕێکوستەیماوە حۊڵوو دزیەی زەڕوو گەلی وڵاتپارێزوو هەرێموو سەرحەدیشا دان ئاگاڎیش دان. جە ئەرەیاۋناکەینە ئامان:"پۍ هێزەکاما بەرکۊتەن کە کەسانێوە گەرەکشا بیەن بەنامۍ ڕێکوستەکەیماوە زەڕوو گەلی وڵاتپارێزیما دزا. یاشار کارادەنیز، هارون ئۆراڵ و خالید ئۆراڵی تاتەش حۊڵوو کۆکەرڎەیۆ زەڕیشا دان جە گەلەکەیما، بەنامۍ ڕێکوستەکەیماوە. بە تایبەتی زانیاریما هەن کە یاشار کارادەنیز وەڵتەر هەمان تاوانەش ئەنجامدېنە؛ تاوانەی پېسە دزیەو بەهاکاو ڕێکوستەی و گەلەکەیمایش ئەنجامدان.
داوا جە گەلی وڵاتپارێزوو هەرێموو سەرحەدی کەرمۍ کە باوەڕ پا دزا نەکەرا، هوشیارۍ با و ساحېب هەڵوێسۍ با. پێویسا ئاماژە پانەی کریۆ کە ڕێکوستەکەیما حیچ ئەرکێوە پا جۊرەشە پا کەسا نەسپاران. ئێمە بە جددی ئاگاڎیی مڎەیمۍ پا کەسا کە باسکریېنۍ، دەسدرێژی پۍ سەروو بەهاکاو گەلەکەیما تاوانێوە گۊرېنە و پێویسا دەموودەس دەس چا کردەواشا هۊرگېرا."
