شاروو ئانڤێرس و بەلجیکایەنە بە سەرمەشقایەتی گەنجا شۆڕشگێڵنی یوۋەم فێستیڤاڵوو گەنجا سازکریا. فێستیڤاڵەکە جە دلېڕاسەو شارەکەینە و بە ڕاپیمای گەنجا و دەیەقېوە بێدەنگی پۍ رێزگېرتەی جە گەشمەرڎا دەسشپنەکەرڎ.

دماتەر بە نوێننەرایەتی گەنجا وتارۍ پێشکەش کریا و چنەشەنە ئاماژە پانەی کریا کە یوۋەم جارا بەنامۍ گەنجاوە شەوە مەراسیمېوە چی جۆرەیە ڕېکوزیۆ و بێگومان جە ماوەکا ئاینڎەینە بە شێوېوە جیاجیا خەبات و گەنجا بەردەوامۍ با. ئێمە بە ئامایتا دڵوەشېنمۍ".

جە فیستیڤاڵەکەنە هۊرسەنگنایەکۍ ڕابەروو گەلوو کوردی عەبدوڵا ئۆجالانی جە بارەو گەنجاوە بە شێوەی ڤیدیۆیی نمایش کریۍ.

دماتەر رەمزی کارتال هامسەرۆکوو کۆنگرەو گەلی جە واچېوەنە باسش جە گرنگی خەبات و جمیەروو گەنجا کەرڎ و واتش، دروشمەکېما ' ئێمە بە گەنجی دەسما پنەکەرڎ و بە گەنجی سەرۍ گنمۍ'  تەنیا دروشمېوە نییەنە، بەڵکم فەلسەفەو جمیەرەکەیمانە. ئەرەمەرزناو جمیەریی کوریی بە سەرمەشقایەتی گەنجا بیەن. پەنەوازیچا ئیسە ئی جمیەر و وېڕېکوستەو گەنجا فاڕیۊوە سەروو هەڵمەتەو "ئازاڎیی پۍ ڕابەر ئاپۆی و چارەسەری سیاسی پۍ پرسوو کوردی".

فێستیڤاڵی یوۋەم و گەنجا نیمەڕۊ دەسشپنەکەرڎ و تا شەوۍ دېرۍ بەردەوام بۍ.

بە سەڎان گەنجۍ هۆڵەکەنە ئاماڎۍ بېنۍ کە بە ئاڵا و لافیتۍ جیاجیای ڕازیابېوە. گەنجەکۍ بێ مرڎای دروشمەو "بژیۋۆ سەرۆک ئاپۆ"ی واچېنێوە.

هونەرمەنڎا گروپوو چار ستێرکی، خەلیل سادقی، شاریفۆ، هۆزان ئایدن و هونەرمەنڎ دلۆڤان بە گۆرانیەکاشا جۆش و خرۆششا بە فێستیڤاڵەکەی بەخشا.