هامسەرۊکوو کۊداری فواد بێریتان، ورسەنگنایش پەی ئاژانسوو فوراتی کەرد و واتش؛"سەرەڕاو ئانەیە گەلوو کوردی چەمپۊشی و نکۊڵییش وەنە کریۊ، وەلۍ تارێخوو ئینسانیەتینە یاگێوە فرە گرنگەش هەنە، شۊڕشوو چاخوو تەوەنۍ کە گەورەتەرین شۊرشو ئیسانیەتی و کۊمەڵایەتیکەرڎەین، چی خاکەنە کریان، خوڵقێنەرێش تاتەو بابایا کوردینۍ. ئا خاکە کە کشتوکاڵ و ئاژەڵدارییش چۊوە دەس پەنە کریان، ژیوای وئەرەنیشتەیش دلێنە دەس پەنە کریان، و بنەڕەتیتەرین پیمانەکاو تارێخوو ئینسانیەتیش چەنە بنیاتۍ نریێنۍ، چی خاکەنە بییەن کە کورڎی دلێشنە مژیوا، جگە چانەیچە گلێرگەو چاخی تەوەنینی کە کورد بەدۊڵەمەندییوە دەسشا پەنە کەرد، یوەم گلێرگەی هەقەتینوو تارێخین کە هەڵای دلێنە نەشینە."

'کوردستان ناوەندی بنەڕەتی مدارامانین'

فواد بێریتان ئەرەیاوناش:"کوردستان وەراوەروو پلەبەندیوە، ناوەندی سەرەکیی مدرامانی بییەن، کە لاداێوەن جە ڕا و سیستموو دەوڵەتپەرەسی کە دماتەر ئەرەمەرزیا. تەسلیم نەبی و سازشش سەروو ئازاڎیی نەکەرد. فواد بێریتان واتش، کە تارێخوو کوردی تارێخوو پاگێرتەیرەین سەروو ژیواێوە ئازاڎی.

درێژەو قسەکاشنە فواد بێریتان واتش: "چی نەریتوو مدرامانوو گەلینە، ڕاسیی بڕۍ جە کورڎایچ دیارا، کە هەوڵۍ مدا جە هێزەکاو بەری نزیکۍ باوە و نۊکەرایەتییشا کەرا، سەرەڕاو ئانەیە وێشا دەسەڵاتدارۍ نیەنۍ، وەلۍ جە پاشایەکا زیاتەر وێشا بە پاشا مزانا. ئی  بەنام ڕابەرۍ کە دووروینیشا نییا، گەلوو کوردی پەی بەرژەوەندیی عەشیرەیی، بنەیانەیی و شەخسی ورەشا و پەشتی بە بەرنامێوە مەبەسا و پەی بڕۍ بەرژوەندییا دەسبەرڎارۍ مافەکاشا با، ئازارێوە فرێشا بە گەلوو کوردی یاونێنە. وەلۍ گەلوو کوردی جە مەسەلۍ سەرمەشقیینە زانان و خاس مزانۊ کۍ نوێنەرایەتییشا کەرۊ و کۍ متاوۊ نوێنەرایەتییشا کەرۊ، دیارا پەیوەندیێوە پتەو بەینوو ڕابەرایەتیمانە و گەلینە هەن، گەل و ڕابەرایەتی پێسە گۊشتی و ناخوونا لکێنۍ پێوەرە.

ئەگەر گەلەکەما ڕابەر ئاپۊش پێسە ڕابەروو وێش قبوڵ کەرڎەبۊ، سەبەبی سەرەکی پەی ئانەیە گێڵۊوە. ئەوەڵ گەلەکەما مزانۊ کە ڕابەر ئاپۊ بەتەمامی پەی گەلی و ئینسانیەتی مژیۊ و سەرەڕاو گرڎوو هجوومەکا فرەو جارا ئینەش بە قارەمانێتی نیشانە دان.

وەلۍ سەرمەشق  و ڕابەروو گەلەکەیما ڕابەر ئاپۊ کە ئیسەتۍ گیریان. ڕابەرایەتیما کەسێوە چانەن گەرەکشا گلێرگەو وێش وەش کەرۊ. ڕابەر ئاپۊ بپا یاواینەوە، کە ڕاسییە کۊمەڵایەتییەکۍ ئا ڕاسیێنۍ کە بنیات نریا، واتش:" ژیوای کۊمەڵایەتیبییەی تازەو ئێمەن"  گەرەکش بۍ  گلێرگێوە تازە و ئازاڎ سەروو بنەماو پارادایموو گلێرگەی ئازاڎی، دیموکراتیکی و ئیکۊلۊژیی ژەنا بنیات بنیۊ. ڕابەر ئاپۊ بنەڕەتنە گەرەکشا گلێرگەی ئازاڎ کەرۊ تا بۊ بە داراو هێزی پەنەوازوو وێش.

بەکوڵی گەرەکشا پەی چارەسەرکەرڎەی کێشەکاش ئیرادە بە گلێرگەی بدۊ، گەرەکشا ڕێکوستەی دەوڵەتپارێزنی و پاوانوازی لا بەرۊ، کە پەی لاوازکەرڎەی گلێرگەی گەشە کەرا. باسوو ئانەیچە کەرۊ کە ئازاڎی و یەکسانی هەقەتین تەنیا پێسە بەدەس مۍ. ڕابەرایەتیما گەرەکشا مۊدێلێوە تازەو گلێرگەی و ژیوای کوردستاننە و وەرکەوتوو دلیڕاسەینە پەی گرڎوو ئینسانیەتی بە شێوازێوە جیاواز، وەلۍ کاریگەر و بە کۊشیای دژوو سیستمی مەرزنۊرە. گەلوو کوردی هەرمانەشنە و شایانوو ئانەیەن چی پڕۊسەنە سەرمەشقایەتی کەرۊنە و ئازاڎ بژیوۊ.

"خاوەندارێتی جە ڕابەرایەتیما خاوەندارێتیین جە وێما"

فواد بێریتان جەختش وەنەو گرنگیی خاوەنداریکەرڎەی جە ڕابەروو گەلوو کوردی عەبدوڵا ئۊجالانی کەرڎۊ و واتش: "خاوەنداریکەرڎەی وەنەو ڕابەرایەتیما، بەیاگەیاونای ویرۊکەکا، پاڵپشتیکەرڎەی، خاوەندارێتیکەرڎەین وەنەو وێما. کۊشیای پەی ئازاڎیی ڕابەرایەتیما کۊشیاین پەی ئازاڎیی وێما".

بەیاگەیاونای ویرۊکەکاو ڕابەر ئاپۊی، کە هەلومەرجێوە فرە سەختنە خوڵقنێنێش، هاموەخت چەنی ڕابەر ئاپۊی، گەلوو کوردی و بەگرڎین گرڎوو ئینسانیەتی ڕزگار کەرۊ.

پەنەوازا پەیوەندی بەینوو قووڵایی ویرکەرڎەیۊ ڕابەر ئاپۊ و پاگێرتەیرە سەروو ژیواێوە ئازاڎی خاس بوینیۊ. ڕاسیێوە ڕابەرایەتیمانە کە ماچۊ 'ئەگەر ژیواێوە بۊ مشۊم ئازاڎ بۊ، یان حەر نەبۊ' و ئینەش پێسە بنەماو گرڎ پیمەرێوە پەسەند کەرڎەن. وەختێوە پەرسەکۍ پێسە پێناسە کریۊ، گرنگیی ژیوای ڕەسەنایەتی بە شێوێوە سەرنجکێش و جیدیی موینیۊ. چونکوم ژیوای بەبۍ ڕاسی مەکریۊ. ڕابەر ئاپۊ چی دمایایچۊ واتش 'حەقیقەت عەشقا و عەشقیچ ژیوای ئازاڎا' پەوکای ئەگەر پەیوەندیی بەینوو بەدیئارڎەی ڕاسی جە قووڵایی سیستمی فیکریینە بوینمۍ، خاسمیاومێنە کە ماناش چێشەنە، چییە بەبۍ ئانەیە پا گێرمێرە سەروو ئانەیۊ کە ژیواێوە ئازاڎ ماناش چێشەنە.

سیستموو گۊشەگیری و ئەشکەنجەو ئیمرالی گرڎ لاێوە نیشانۍ نادادپەروەریینە. ئی سیستمە پاسنەنە، کە بارودۊخوو ئینسانی دلێنە بەرۊ. ئینە ماناو گۊشەگیریینە؛ ئەگەر ئینسان ویرش نەشۊوە کە بییەیوەرێوە زیندەی کۊمەڵایەتیین، ئا وەخت موینۊ کە گۊشەگیری گەورەتەرین هجووما دژوو دیالێکتیکوو ژیوای، پەوکای گەورەتەرین هجووم و دوژمنایەتیین دژوو ئینسانی. پەوکای جە کولتووروو وەرکەوتینە وچیۊ 'تەنیا خودا تەنیان'، وەلۍ ئەشکەنجەدای خوداوەندی ئینساننە متاوۊ بە هێزوو مدرامانی وەراوەروو ئی تەنیاییوە بەدەس بۍ. ڕاستتەرین ڕێبازوو ژیوای قووڵبییەیوەن سەروو ژیوای بە قەوەت و هەستۊ. ئینە ئا یاگێنە کە ڕابەر ئاپۊ ئیمرالینە نیشانەش مدۊ. ئەگەر سیستم نەکوشۊت، متاوۊ گرڎوو هەرمانەکاش دژوو ئینسانیەتی کەرۊ بە بەهانۍ پەی قەوەتبییەی. پەی ئینەیچە پەنەوازا هێزوو وێت بە مانا قووڵتەر کەریوە. ئینسان تەنیا متاوۊ ناڕەحەتیینە چەمۍ کەرۊوە، ئینە ئەوەڵینتەرین پیمانەن پەی ئانیشا کە میاوانە. چێنە مەبەسما هەڵدێروو سیستموو ئیمرالیی نییا؛ یاواینەین جە پارادایمێوە کە جە دیای وێشنە کەموکوڵییش هەن. سیستموو ئیمرالی تەنیا کەموە زەحمەتوو ئی هەڵدێرەینە.

ڕابەر ئاپۊ ماچۊ:" گەلەکەت هومێدش بە شمەن و چەمەڕوانوو شمەن کە بەرەو ئازاڎییش بەرڎی، وەلۍ هەڵای پێسە پەنەوازیی وێتت نەشناسان. دۊخێوە چینەنە چەنی متاودۍ گەلەکەیتا ئازاڎ کەرڎی؟ سەرڎەمێوە چانەنە ڕابەر ئاپۊ بە کارەکتەری موعجیزەیی وێش بەرڎەوامییش دان و بە هێزو فیکریی پەل و باڵی، وێش واوەی و پەرەش بە تواناکاش دا. سەرەڕاو ئا گرڎوو قۊرتا ئینۍ وەڵێمانە، ڕەوایەتییش بەرەو هۊشیاریی ئازاڎی بەرڎەواما."

'پەنەوازا گرڎ کەسێوە بەشداروو هەڵمەتەکۍ بۊ'

فواد بێریتان هامسەرۊکوو کۊداری داواو بەشدارییش هەڵمەتەو 'ئازاڎیی پەی عەبدوڵا ئۊجالان'ینە کەرد و واتش:" هەڵمەتەو ئازاڎیی میاننەتەوەیی یاوێنە بەرزتەرین ئاستوو هەڵمەتەو 'وەخت وەختوو ئازاڎیین' پەوکای ژەنی و گەنجۍ و گەلەکەما وەرکەوتوو کوردستانینە، هەرپاسە گەلاو ئێرانیچ گرڎ شۊنێوەنە زیاتەر بەشدارۍ ئی هەڵمەتۍ با، پەنەوازا شۊڕشوو 'ژەنی، ژیوای، ئازاڎی' بیاونا هەڵمەتەو ئازاڎیی میاننەتەوەیی و فاڕاشۊ پەی بۊ سەرڎەمێوە تازەی، سەروو ئی بنەمێوە، پەنەوازا گرڎلاێوە بەشداریی ئی هەڵمەتۍ با و بە ‌هێزۊ خاوەندارێتی وەنەو هەڵمەتەکۍ کەرا."