"کۆدار سیستمێوەن کە گرڎ کەسۍ متاۋۊ بلۊنە چېرو چەترېشۊ، بۍ ئانەی ئازاڎیی تاکەکەسی ئاڎی گنۊنە چېرو تەرسۍ. وەرو ئانەی کۆدار سیستمو گەلین و تەنیا ڕانە پۍ ئانەی. گرڎ رێکوزیا و پارتېوە، متاۋا مۊدێلو کۆداری بەکاربارا".
هامسەرۊکو گلېرگەی دیموکراتیکی و ئازاڎیی وەرکەوتوو کورڎسان (کۆدار)ی فوئاد بێریتان ئاماژەش بە پڕۆژەو کۆداری پۍ دیموکراتیک کەرڎەی سیستمو ئێرانی کەرڎ و ئەرەیاۋناش: "کۆدار پۍ ئێرانێوە دیموکراتیکی عالتەرین مۆدێلا. کۆدار پۍ گرڎ لایەنە سیاسی و کۆمەڵایەتیەکا سیستمێوە دیموکراتیکی فرەلایەن و فرەرەنگا. گرڎو ئایین، ئایینزا و پێکئاماکا دلۍ پڕۆژە و سیستمو کۆدارینە ڕاشا بۊوە. مافەکېشا پارێزیېنۍ. ئینە پارتۍ نییا، بەڵکم ئەرەمەرزیېوە پا جۊرەنە کە متاۋۊ فرەرەنگی ئایینی و نەتەوەیی ئێرانی ۋێنا کەرۊ و جە ڕاوەبەرکەرڎەی کۆمەڵایەتی و دیموکراتیکەرڎەی ۋڵاتەکەینە دەورېوە گرنگ گېڵنۊ. سیستمێوە دیموکراتیکی پا جۊرەنە کە یاگۍ گرڎو گەلا، ئایین-ئایینزاکا، ژەنا، گەنجا، رێکوزیاکا، پارتەکا و گرڎو رێکوستە مەڎەنیەکاش چنە بۊوە".
فوئاد بێریتان جەختش کەرڎۊ کە عالتەرین سیستم پۍ فاڕیای ئېرانی و عالتەرین مۆدێلو دیموکراتیکی کۆدارین و ۋاتش: "کۆدار سیستمێوەن کە گرڎ کەسۍ متاۋۊ بلۊنە چېرو چەترېشۊ، بۍ ئانەی ئازاڎیی تاکەکەسی ئاڎی گنۊنە چېرو تەرسۍ. وەرو ئانەی کۆدار سیستمو گەلین و تەنیا ڕانە پۍ ئانەی. گرڎ رێکوزیا و پارتېوە، متاۋا مۊدێلو کۆداری بەکاربارا".
بێریتان سەرو دەورو پێگەو ژەنایچ جە ئاخېزو وەرکەوتوو کورڎسانی و ئێرانی قسېش کەرڎە و پېسە هورسەنگنایش کەرڎ:"ئێرانێوە تازە و دیموکراتیک تەنیا بە ئازاڎیی ژەنۍ دەسەبەر بۊ. حەر سەرنجۍ جگە چانەی بە ماناو واوەی بیەیۊ سیستمی دەسەڵاڎداری ۋەڵینی بۍ ئەرزش بۊ. بیەو ژەنۍ چنی پیای بنەماو ئەساسی گلېرگەینۍ".
فواد بێریتان دەسنیشانش کەرڎ کە ئێران پەنەوازش پانەی هەن جە ئیسە بە دماوە ژەنی زیاتەر دلۍ ئەرەمەرزیا و ڕاوەبەرایەتیەکانە بەشڎارۍ با و ۋاتش، "بیەو ژەنا و پنەدای تەمامو مافەکاشا بە ماناو ئاخېزیا. بە بۍ ئانەی مافو ئاڎیشا دریۊ ئاخېز بۍ مانا بۊ. بیەو ژەنۍ دلۍ ئاخېزینە بە ماناو ژیای مۍ. حەرپۊکەی مشۊ گرڎو پارتو، رێکوزیاو، گروپ و پلاتفۆرمەکۍ کە یاگۍ پۍ ژەنا نەکەراوە، دریانە وەرو رەخنەی".
هامسەرۊکو کۆداری فواد بێریتان سەبارەڎ بە گفتوگۊی جەبارەو یۊبیەی نەتەوە و گەلا جە ئێرانەنە ۋاتش، "جە ئێران هزرو ئانەی کە تەنیا نەتەۋېوە بۊ و ئازاڎیی و مافو نەتەوەکا تەری وەرچەم گېرۊ، ۋېش جە ۋېشەنە بنەمېوە غەڵەتا. ئازاڎیی گەلا ئێرانی و وەرکەوتو میامینی پېۋەرە بەسیانۊ. گەرەکشانە ئانەی قەبوڵ کەرا یاخوڎ نا بەڵام ئانە راسیەکەن. نەتەوەبیەی کۊڵەکەکۍ بیەو ئاڎیشان، ئازاڎیشا ئینا پېۋەرە، پۍ ئانەی وەر بە جەنگی وېرانکەری گیریۊ، تەنیا ڕا ئینەن. جیا چانەی گرڎ بانگەشېوە پوچا و دژ بە ئینسانی و دژبە گلېرگەین. ئاخېزو 'ژەنۍ، ژیای، ئازاڎیی' قوەتو هامپەیمانیېوە پی جۊرەیش بە حېقمی سەلەمنا. ڕاش نیشانە دایمۍ، ئیتر ئەرکمانە کە ئا یۊبیەیە بۋینمۍ، ئینە نەبۊ سەرمەگنمۍ".
بێریتان سەرنجش وست سەرو یۊبیەی و یۊگېرتەیی پارتە کورڎسانیەکا بە ئاماژەدای پا کۊنفڕانسەو شش و حوزەیرانی جە پەرلەمانو ئەوروپای بە دەسوەڵۍ وستەو پلاتفۊڕمی دیموکراتیکی ئێرانی لوۋا ڕاوە، ۋاتش، "کۊبیەیۊ پارتە کورڎسانییەکا فرە گرنگا. مەبۊ کە ئێمە بیەو گەلەکەیما تەنیا بە بیەو پارتەکاوە سنووردار کەرمۍ. ئنەو پارتەکا، رێکوزیا مەڎەنییەکا، رێکوزیاکا مافو مرۊڤی، ژیوگە پارېزا و سەندیکاکا کرێکارا گرنگېنۍ".
فوئاد بێریتان ۋاتش، "ئێمە پېسە کۆداری چەترەو گرڎو پارت و رێکوزیا مەڎەنییەکانمۍ پۍ گرڎ هەنگامېوە دیموکراتی و کرڎاری ئاماڎېنمۍ. جە ڕاو یۊبیەی، ئەنەیاۋای و هامسۆزی بەینو گرڎو پارت و رێکوزیاکا متاومۍ هەنگامەی حېقمە بەرەو ئازاڎیی بنیەیمۍ".
هـ . ش
