پەرلەمانتارەو بازنەو وانوو دەم پارتی ،گوڵدەرن ڤارلیە، سەرنجش وست سەروو ئا جۆش و خرۆشەگۊرەیە کە جە وان و مەنتیقەکانە پۍ هۊرچنیە هەرێمییەکا هەن، واتش:"بە مەڵامەتوو قەیومەکاوە کێشەی گۆرە جە شارەکەنە هەن، ئانەی ئی کێشا چارەسەر کەرۆ دەم پارتییا، پا بۆنۆ جە هەرکەسی زیاتەر ئاماڎەو هۊرچنیەیا".

گوڵدەرن ڤارلیە ئەندامەو پەرلەمانوو پارتی دیموکراسی و یەکسانی گەلا (دەم پارتی) قسېش پۍ ئاژانسوو فوراتی کەرڎ و ۋیرش ئارڎۆ کە دماو تەمامبیەی 'پرۆسەو گفتوگۆ'ی و جارێوەتەر جەنگ جە دژوو کوردی دەسش پنەکەردۆ و دەس سەروو شارەوانییەکارە گیریا و واتش؛"کردەوېوە یەکسانا چنی دوژمنایەتی دژوو کوردی و دەسوەرداین جە ئیراڎەو گەلوو کوردی.

گوڵدەرن ڤارلیە باسش چانەیچ کەرڎ، جە شارەوانییەکانە هەرمانەی خزمەتگوزارییە دمایش پنەئامان، داواکارییەکۍ گەلی حاسڵ مەکریا، یۆ جە ئەرکەکا قەیومەکا دلېنەبەردەی هەلەو هەرمانۍ و ئەرەمەرزیاکا ژەنا بۍ، شارەوانی بە سیستموو هامسەرۆکایەتی لووۍ ڕاوە، ژەنی چا تواناکېشا بەروستۍ، ساحیب و قسۍ و قەراروو ۋېشا بېنۍ، بەڵام بە ئەرەگیرکەرڎەو شارەوانییەکا مافوو بیەی و قسەکەردەیشا چنە سنیاوە و بەرەو شارەوانی ڕووەو ژەنارە وزیارە.

هجومشا کەرڎ سەروو زۋانی کوردی

بێگومان دوژمنایەتییەکۍ تەنیا ئانۍ نەبېنۍ. یۆ جە ئەمرەکا وستەیرەو فێربیەیەکا زۋانی کوردی بۍ. وەختۍ زۋان دلېنە بریۆ، کولتووروو ئا گەلەیچە دلېنە بەری. هجوم کریا سەروو ئەرەمەرزیا زۋانییەکا و وزیێرە، دەس بە تاڵانکاری کریا. تاڵانکاری قەیومەکا ڕۊشنتەرین نیشانۍ دوژمنایەتییا دژوو گەلوو کوردی. پۊکەی گەلوو کوردی پێویسا ئیراڎېوە گەورە نیشانە بڎۆ و هامشارەوانیی ۋېش هۊرچنۆ، حەرچنە دەوڵەت بە نیایرەو قەیومەکا جە دوژمنایەتی ۋېش ۋەران ۋەر بە گەلوو کوردی بەردەواما.

موڵکی گرڎی ورەشیان

گرڎوو موڵکە گرڎیەکا شارەوانییەکا یۆ بە یۆ ورەشیۍ یان ورەشیا. جە ناوەندو شاروو وانیوە تا ئارتەمێتان، چا هەتا مورادییە و ئەردیش گرڎ ورەشیېنۍ.بە پاو بەڵگەکا گرڎوو موڵکەکا بە هامبەشەکاو ۋېش ورەتېنۍ".

بەجۆش وخرۆشێوە گۊرۆ ئاماڎەکارییەکۍ ئەنجام دریا

گوڵدەرن ڤارلیە ئاماژەش پانەیچ کەرڎ، جە وان و مەنتیقەکانە جۆش و خرۆشێوە فرە هەن پۍ هۊرچنیە هەرێمییەکا و واتش:"بەمەڵامەتوو کردەوۍ قەیومەکاوە زەرەری گەورە ۋەروو شارەکەی کۊتەن، دەم پارتی تەنیا پارتێوەن بتاوۆ ئا کێشا چارەسەر کەرۆ و ئاماڎەکاری هەن".چی هۊرچنیەنە قەیومەکا کیانمېوە و شارەوانیەکاما جە دەسوو تاڵانچییەکانە ڕزگار کەرمۍ، حەرچی پێویس بۆ کەرمېش ،گرنگ نییا چېش کەرا، ئێمە کیانمېشاوە پۍ ئا یاگا کە چنەشۆ ئامېنۍ. پېسە دەم پارتی، شار و شارۆچکڵەکاما بەدەس مارمېوە'.