گەنجاو ئینتەرناسیۆناڵیستی جە ڤاتیکان داواو ئازاڎیی ئۆجالانیشا کەرڎ
چا وەختەنە کە پاپاو مەسیحیەکا جە چوارچێوەو مەراسیمەکا کریسمسینە قسۍ پۍ خەڵکی کەرۍ، گەنجاو ئینتەر ناسیۆناڵیستی لافیتېوەشا بەرزکەردۆ کە سەرشۆ نویسیابۍ "ئازاڎیی پۍ ئۆجالانی".
جە چوارچێوەو هەڵمەتەو "ئازاڎیی پۍ عەبدوڵا ئۆجالانی، چارەسەری سیاسی پۍ پرسوو کوردی" گەنجاو ئینتەرناسیۆناڵیستی چا وەختەنە کە بەهەزاران کەسۍ بۊنەو جەژنەو کریسمسیوە جە مېڎانوو سان پێترۆینە گۊششا پۍ قسەکا پاپا فرانسیسی شل کەردەبۍ، لافیتەکەشا بەرزکەردۆ.
