گەریلاکاو ئازاڎیی کورڎستانی ئۊپراسیۊنێوەنە دژوو ئەرەگیرا، کە خواکورکنە کریا، سەرجەموو ئەرەگیرا سەروو کەشەکەیشا دلێنە بەرڎۍ، لوۍ سەروو ١٧ جەنازەو ئەرەگیرا. خواکورکنە ٢٧ ئەرەگیرۍ و مەتینانە ٩ ئەرەگیرۍ سزا دریۍ.
ناوەندوو ئەرەیاونای و چاپەمەنیی هەپەگەی بارەو چالاکیی گەریلاکاوە خواکورک و مەتینانە ئەرەیاونایوەش وەڵا کەرڎۊ و واتش، "گەریلاکاو ئازاڎیی کورڎستانی کە بە ڕۊحی گیانبازیی ئاپۊییوە حەر فەسڵێوەنە، گرد هەلومەرجێوەنە گرد یاگێونە جەنگ کەرۊ، خواکورکنە ئۊپراسیۊنی شۊڕشگێڵنی گەشمەرڎە ئەحمەد ڕووباری و مەتینایچنە چالاکیی هەماهەنگیی گەریلای کریا و گورزی قورس وەنەو ئەرەگیرا شنیا. بە ئارڎەینەێوە گەورەو گەریلایەتیی مۊدێرنیتەی دیموکراتیکی، تواناو بەکارئارڎەی تاکتیکوو دۊڵەمەندوو گەریلای و ئیرادێوە، کە گرد هەلومەرجێوە دژوارنە بۍ دووەدڵی ویەرنۊ، پێرفۊرمانسێوە قەوەتش نیشانە دا. جە ئۊپراسیۊنی شۊڕشگێڵنیینە خواکورکنە، کە بە نامۍ هامڕا گەشمەرڎە ئەحمەد ڕوباری یۊ جە فەرماندە سەرمەشقەکاو سوپاو گەریلایما کریا؛ هێزەکێما بە گیانوو سەرکەوتەیوە لوۍ سەروو ئەرەگیرا، گردوو ئەرەگیراشا سەروو کەشەکەیوە پاکتاو کەرڎۍ، کەشەکەشا کۊنتڕۊڵ کەرد، لوۍ سەروو جەنازەو ١٧ ئەرەگیرا، بەگردیوە ٢٧ ئەرەگیرێشا سزا دۍ، دەسشا سەروو بڕۍ فرە چەک و کەلوپەلی سەروازیرە گێرت و بەشێوە فرێشا دلێنە بەرڎۍ. مەتینایچەنە ٩ ئەرەگیرۍ کە بە چالاکیی هەماهەنگیی گەریلای کریۍ ئامانج، بە سزا یاونیێ".
ناوەندوو ئەرەیاونای و چاپەمەنیی هەپەگەی بارەو ئۊپراسیۊنی شۊڕشگێڵنیی خواکورکیوە دژوو ئەرەگیرا، چالاکییەکا مەیدانەکای تەرینە و هجوومەکاو سوپاو تورکی ئەرەگیری ئی زانیاریێشا یاونێ:
هەرێموو خواکورکی؛
٢٢ کانوونوو یوەمی سەعات ١٥:٠٥ دژوو ئەرەگیرا هەرێموو کەشوو گەشمەرڎە کامەرانی و کەشوو گەشمەرڎە حەقیوە، ئۊپراسیۊنی شۊڕشگێڵنیی گەشمەرڎە ئەحمەد ڕوباری دەس پەنە کریا. چوارچوەو ئۊپراسیۊنە شۊڕشگێڵنییەکەینە ئەوەڵ جە کەشوو گەشمەرڎە کامەرانی و کەشوو گەشمەرڎە حەقیوە بە چەکی قورس گورز وەنەو ئەرەگیران دریا و سەنگەرێوە دلێنە بریا.
سەعات ١٦:١٥ ئەرەگیرۍ کەشوو گەشمەرڎە کامەرانینە بە تاکتیکوو دزەکەرڎەی یەرۍ قۊڵێوە کریۍ ئامانج. یەکینەکاو ئۊپراسیۊنی شۊڕشگێڵنی ئەوەڵ بە شێوێوە شاریاوە لوۍ دلۍ سەنگەرەکاو ئەرەگیرا و دووۍ ئەرەگیرێشا سزا دۍ. دماتەر یەکینەکۍ ئەرەگیرێوەشا بەسزا یاونا، کە هەوڵۍ دۍ بڕەمۊ، دماتەر درێژەشا بە ئۊپراسیۊنەکەیشا دا و ٥ سەنگەرۍ و ٢ خێمێشا دلێنە بەرڎۍ و چایچ ئەرەگیرێوەشا سزا دا و لوۍ سەروو جەنازەو ١٧ ئەرەگیرا. هێزە پسپۊڕەکاو گەریلای کە بەشدارییشا ئۊپراسیۊنەکەنە کەرڎەبۍ، ئا چەکۍ کە سەروو ئەرەگیراوە ورشا گێرتێوە حەر دژوو وێشا شێوێوە کاریگەر بەکارشا ئارڎێوە. هێزەکێما ئۊپراسیۊنی شۊڕشگێڵنیینە، کە سەرجەموو هێزە ئەرەگیرەکاو سەروو کەشەکەیشا سزا دۍ، بە نیم سەعات کەشەکەشا کۊنترۊڵ کەرد، بەگردی ٢٧ ئەرەگیرێشا سزا دۍ. هامڕێما مەمیان کە بە گیانی فیدایی ئاپۊیی و بە قارەمانێتی فرەوە ئۊپراسیۊنی شۊڕشگێڵنی کەرۍ، چا وەختەنە کە لوۍ سەروو دوژمنی یاوا گەشمەرڎەبییەی.
ئۊپراسیۊنی شۊڕشگێڵنیی گەشمەرڎە ئەحمەد ڕووبارینە ٢ چەکۍ سووکۍ ئێم پی تی- ٥٥، دووۍ دووروینۍ چەکی، چەکێوە بی کەی سی، زنجیرۍ و ١٥٠ فیشەکۍ بی کەی سیۍ سەروو ئەرەگیراش ورگێرتێوە. هەرپاسە یەرۍ کامێرۍ چەمداریۍ حەراریۍ، دووروینێوە تەرماڵ، کامێرێوە گەورە، سیستمێوە پەیوەندی و تۊڕێوە یاونای، ناوەندێوە پەیوەندییەکا، ڕادارێوە، چەکێوە ئەی فۊڕ، دووۍ چەکۍ بی کەی سیۍ و چەکێوە گەورەی بۊمبشانوو ئەرەگیرا دلێنە بریا.
سوپاو تورکی کە گورزی گەورەش وەر کەوت، جارێوە تەر فرەو زەرەرە گیانییەکاو وێشش شارتێوە جە ڕای گردینی، تەنیا نامۍ سەرپەلێوە (لیوای پیادە)یش بە نامۍ ڕەمەزان گونای، پلەدارێوە بە نامۍ محەمەد سەرنکانی، ئەفسەرێوە بە نامۍ ئیسماعیل یازیجی، یەرۍ سەروازۍ کرێگێرتۍ بە نامۍ ئەمرە تاشکن، یاسن کاراجا و چاغاتای ئەرنۊغڵو واتۍ. وەلۍ زانییا کە ئۊپراسیۊنی شۊڕگێڵنیی گەشمەرڎە ئەحمەد ڕوبارینە لای کەمیوە ٢٧ ئەرەگیرۍ سزا دریێنۍ. هەرپاسە زانییا کە پلەدارێوە بە نامۍ یاڤوز تونچ، سەروازێوە بە نامۍ سەمەد ئەمر ساپان، ئەفسەرێوە بە نامۍ ئیبراهیم پارلیدار، ئەفسەرێوە بە نامۍ ئەمڕوڵا یڵدرم، پلەدارێوە بە نامۍ محەمەد عەلی بۊزکورت و سەروازێوە کرێگێرتە بە نامۍ حەسەن حسێن کەسکینیچ بە سەختی بریندارۍ بیێنۍ.
هەرێموو مەتینای؛
٢٢ کانوونوو یوەمی سەعات ١٠:٠٠ دژوو ئەرەگیرا هەرێموو مدرامانوو کەشوو ئۊرتێنە بە تاکتیکوو دزەکەرڎەی چالاکیێوە هەماهەنگی گەریلای کریا. ئەنجاموو چالاکیییەکەینە، کە بە ڕومانە و چەکی کەسی کریا ٩ ئەرەگیرۍ سزا دریۍ. هەرپاسە ٤ خێمۍ، دووۍ سەنگەرۍ و کامێرێوە چەمداری دلێنە بریۍ.
هەرێموو گەشمەرڎە دەلیلوو وەرنیشتوو زاپی،
٢٠ کانوونوو یوەمی سەعات ١٠:١٥ کامێرێوە چەمداریی حەراریی ئەرەگیرا هەرێموو مدرامانوو کەشوو ئامێدی بە تاکتیکوو نیشانەماڕۍ دلێنە بریا.
٢٠ کانوونوو یوەمی سەعات ١٥:٠٠ کامێرێوە چەمداریی حەراریی ئەرەگیرا هەرێموو مدرامانوو کەشوو ئێف ئێم-ینە بە تاکتیکوو نیشانەماڕۍ دلێنە بریا.
هجوومەکاو سوپاو تورکی ئەرەگیری بە تەقەمەنیی قەدەغەکریا، گازی کیمیاوی و درۊنی بۊمبچنکریا،
٢٠ی کانوونوو یوەمی سەنگەرەکێما هەرێموو مدرامانوو گەشمەرڎە دیار ی و سیدای زاپنە، جارێوە بە تەقەمەنیی قەدەغە و ٣ جارێچ بە فڕۊکەی بێفڕۊکەوانی بۊمبچنکریا بۊردومانۍ کریۍ.
هجوومەکاو سوپاو تورکی ئەرەگیری؛
٢٠، ٢١ و ٢٢ ی کانوونوو یوەمی هەرێمەکاو دەگاو چەمرۊبۊتکی، یەکماڵ، دەشتەو کافیاو هەرێموو گارەی ٧ جارۍ، لۊلان، کەشوو ڕۊستی، گۊشینوو هەرێموو خواکورکی ١٣ جارۍ، دەگاو بێشیلی، شێلازێی هەرێموو مەتینای ٢ جارۍ، هەرێموو قەندیلی کەشوو هیوای، گەشمەرڎە عەگیدی ٣ جارۍ، بە گردیوە ٢٠ جارۍ ئا یاگۍ بە فڕۊکەی جەنگی بۊردومانۍ کریۍ.
زاپنە، هەرێموو گەشمەرڎە دەلیلوو وەرنیشتوو زاپی، مەتینا و خواکورکی تۊپوارانۍ کریێ".
