گەریلا تی ڤی دیمەنوو فرۆکەی بێفرۆکەوانوو هجوومکەروو (سیها)یش جە جۆرەکاو ئاکنجی، بەرەقدار TB2 و ئانکایش وەڵاکەردۆ، کە جە وەختی جیاجیانە جە هەرێمەکا پارێزنای مەدیاینە وزیێنێرە وار.

ناوەندوو ئەرەیاۋنای و چاپەمەنی هەپەگەی سەروو مژارەکەی ئی زانیاریەشە ئەرەیاۋنابۍ:

" سەرەڕاو گرڎوو حۊڵەکا دوژمنی پۍ گۆشەگیرکەردەی گەلەکەیما جە ئاستی میان نەتەوەیینە، گەلوو کوردی سیستمی موشەکی پێویسش پۍ ئی جەنگەیە ئێستۆ و یاوا پا ئاستەی دەوڵەتوو تورکی وزۆنە دلۍ هامسەنگیۆ. دەوڵەت و سوپاو تورکی فرە متمانەش بە درۆنوو سیهای ۋێش هەن، گرڎ شۊنێنە پڕۆپاگەندەش پۍ کەرۆ، پەشتی پانەی بەسۆ و حۊڵمڎۆ هامسەنگی جەنگی فاڕۆ و جە کوردسانەنە گرڎ ڕووۍ هجومی کۆمکوشی ئەنجام مڎۆ. گەریلاکاو ئازاڎیی کوردسانی بیۍ بە خاوەنوو ئا توانۍ کە درۆنەکا سیهای بێکاریگەر کەرا. جە ١٣و شوباتوو ٢٠٢٣ێوە تا ئیسە هێزەکێما ١٥ درۆنۍ هجوومکەرۍ (سیها)یشا جە جۆرە جیاجیاکا وستێنێرە وار."