گەریلا تی ڤی دیمەنوو ئۆپراسیۆنی شۆڕشگێڵنی گەشمەرڎە هەڵمەت دێرەلوکیش وەڵاکەردۆ کە ١٢/١/٢٠٢٤ جە مێڎانوو مدرامانوو کەش و ئامێدی سەر بە هەرێموو گەشمەرڎە دەلیلوو ۋەرنیشتوو زاپینە ئەنجامدریابۍ.

ناوەنڎوو ئەرەیاۋنای و چاپەمەنی هەپەگەی سەبارەڎ بە ئۆپراسیۆنە شۆڕشگێڵنیەکەی ئی زانیاریێشە ئەرەیاۋنا بۍ:

٦١ ئەرەگیرۍ سزادریۍ، گەریلا لوۍ سەروو جەنازەو ٢٠ کەساشا

جە ئۆپراسیۆنی شۆڕشگێڵنیی گەریلاکاو ئازاڎیی کوردسانینە ٦١ سەروازۍ تورکی ئەرەگیری سزادریۍ، گەریلا لوۍ سەروو جەنازەو ٢٠ کەساشا.

ئا کەرسە و کەلوپەلۍ کە دلێنە بریۍ

هێزەکاو گەریلای شش یاگۍ ئەرەنیشتەو ئەرەگیرا، ٣ کۆنتینەرۍ، ١١ سەنگەرۍ، ٢ یاگۍ لۆجستیۍ، جبەخانێوە، سیستمێوە پەیوەندییەکا، مۆلیدێوە (ژێنڕاتۆر)، سیستمێوە راداری، کامێرێوە چەمڎاری حەراریی ئاسایی، کامێرێوە چەمڎاری تەرماڵ، دووۍ چەکۍ ئەی فۆڕۍ، دووۍ چەکۍ بۆمبشانۍ بە مەخزەنۆ و ٨ تەلەفونۍ ئاڎیشا سۆتۍ و دلێنەبریۍ.

ئا کەلوپەلۍ کە دەسشا سەرەرە گیریان

٧ چەکۍ سوکۍ ئێم پی تی -٥٥، ٢٥٠گولۍ چەکی ئێم پی تی -٥٥، ٤ چەکۍ بۆمبشانۍ مەخزەندارۍ، چەکێوە بۆمبشانی تاک، ٢ چەکۍ نیم ئۆتۆماتیکی بی کەی سی، ٢٠٠ گولـلۍ چەکی بی کەی سی، ٥ دوربینۍ تەرماڵۍ، ٧ دوربینۍ شەوۍ، ٢ لەیزەرۍ سەروو چەکی، ٥ دوربینی سەروو چەکی، ئامێرێوە دەسنیشانکەردەی چەکی، دووۍ ئامێرۍ پەیوەندی و پاتریێوە ئیحتیات، ٢ بلۊیجکتەرۍ، ٢ کاردی، ٣ نارنجۆکۍ سیسی، ٥ پیلۍ دوربینی تەرماڵی، ٣ هێلەکۍ گولـەنەبڕۍ، ٢ پاڵتاوۍ سەروازی و ٢ بیستۆکۍ، دەسشا سەرەرە گیریا.