چند ڕوێن کوردسانیۍ شارە جیاجیایەکاو سویدینە نەورۊزی مەبارەک کەرا. هیزیچ جە شاروو گۊتەبۊرگینە ئاویروو نەورۊزی کریاوە و نەورۊز مەبارەک کریا.

هیزی سەعات ١٥:٠٠ جە ناوەندوو شاروو گۊتەبۊرگی مەراسیموو مەبارەکبایی بە دەیەقێوە مردای  پەنە کەرد. مەراسیمەکە کریا بە سەوقاتوو گیانبەختکەردا شۊڕشوو ژەنا و بەتایبەت "ژینا ئەمینی"یە.

مەبارەکباییەکەنە و یاگۍ ئاویرەکەینە، ڕشمەکاو سەرەوردای دماو کوشیای "ژینا ئەمینی"ێچ  مەیدانەکەنە ورۍ واسیێبێنۍ و بۍ مردای و مانیای دروشموو "ژەنی، ژیوای، ئازاڎی" وچیێوە. ماوەو چەن ساڵان مەبارەکباییەکە لاو  ئەی بی ئێف گۊتەبۊرگ، کۊمەڵەو کولتوور و هونەروو مێزۊپۊتامیایۊ ڕێکۍ وزیۊ. مەراسیمەکە تا سەعات ٢٠:٠٠ بۍ.

لە ١٩و ئاداریچنە جە "ئۊرەبرۊ" و "گۊتەبۊرگ"نە، نەورۊز مەبارەک کریابۍ. مەبارەکباییەکەنەهامسەرۊکاو ئەنجوومەنوو گەلی "سەمیرا توران"ە و "عەلی کازان" قسێشا کەرڎۍ و ئەرەیاوناشا کە جە پڕۊسەو ورچنیەینە، ئانۍ مافوو دەنگدایشا هەن بلا و دەنگ بڎا و هەمان وەختنە پەی هامکاریی وەنەقۊمیایا بوومەلەرزەیچ گرد بە گیانێوە وەرپەرسانەوە مامەڵە کەرا و گەلۍ بە هینوو وێشا بزانا.

مەبارەکباییەکاو شارەکاو "ئۊرەبرۊ"ی و "گۊتەبۊرگ" تا شەوۍ دێرۍ بە گۊرانیۍ و ورپڕای بۍ.

س.ز