وەرکەوتوو کوردسانیوە و تەرەفوو بنەیانەکەیشۆ ئەرەیاونای، کە ئێشەو هونەرمەندی گەورە و سیاچەمانەواچوو هەورامانی، دماو عومرێوە درێژی بە خزمەتوو هونری ڕەسەنوو هەورامانی، جە عومروو ٧٨ ساڵینە بە نەوەشی و ماواو وێشنە کۆچی دمایینش کەرد.

یاگێ واتەینە جەمیلی هەورامیی هونەرمەند خەڵکوو دەگاو نەوسوودێ بێ وەرکەوتوو کوردسانینە و بە یۆ جە کۆڵەکە هێقمەکاو هونەری هەورامییانەی و سیاچەمانەی ئژماریی و  داراو چندین بەزمە تایبەتییاو وێش بێ و پێوەرە عوسمان هەورامی و حەمەحسێن کێمنەیی و جەمیل نەوسوودی یەرەینەو هونەری ڕەسەنوو هەورامانینێ و شارەزایاو هونەری بە گڵوەی ئاڵتوونییە و دەنگی ئاهوورایی و قەڵاو هونەری ئژمارێنێش.