گەریلاکاو یەژا ستاری فاراشین مشتەنوورە و بەسێ ئانووشە بە بۆنەو ٨ مارسی ڕۆو جیهانیی ژەنە زەحمەتکێشاوە چەنی ئاژانسوو هەواڵوو فوراتی قسێشا کەردێ.

ئەوەڵوو قسەکاشانە، فاراشین مشتەنوورە گەریلاو یەژاستاری ٨ی مارسیش وەنەو گردوو ژەنان مەبارەک کەرد و واتش: " ٨ مارسی ڕۆو ژەنە زەحمەتکێشاو جیهانین، کە بە کۆشیای و قوربانیدای گەورە ئامان دی. کۆشیای ژەنا سەدان ساڵێن بەرڎەوامییش هەن. ئارۆ هێزێوە کە گلێرگەی سەرمەشقایەتی کەرا خودوو ژەنانێ. هەر پەوکای گەورەتەرین کۆشیای ژەنی سەرمەشقایەتییش کەرا. سایێ ویرۆکە و فەلسەفەو ڕابەر ئاپۆیۆ، ژەناو کوردی بیێ بە سەرمەشقوو کۆشیای وێشا.

کە تەماشەو تارێخی کەرمێ، موینمێ گردوو ئەرەگیرا جە هێزوو ژەنێ تەرسێنێ. چونکوم ئانێ گلێرگەنە شۆڕش کەرانێ ژەنینێ. ئیساتێ ژەنی خاوەنداری جە هێزوو وێشا کەرا و پا هۆشیارییوە خەبات کەرا. جە سیستموو پیاسالاریینە ژەنی بە بێگێزە مشناسیۆ. وەختێ ئی سەرڎەمەیە ویننی، زانی کە ژەنی دەسکەوتی گەورەشا بەدەس ئارڎەن. ڕۆ دماو ڕۆی قەوەتتەرێ با. دوژمن بەتایبەتی ژەنی گەنجێ کەرۆ ئامانج. پێویسا ژەنی گەنجێ بە پیلانە و تەڵەکەو حکومەتی و سیستموو سەرمایەداری نەخەڵەتیا. نەگنا چێروو کاریگەریی سیاسەتوو جەنگی تایبەتیوە. لکی دریان بە فەلسەفەو ڕابەر ئاپۆیۆ، دەور و هەرمانەو سەرمەشقایەتیشا گلێرگەنە گێرا.

بێگومان گەریلا ژەنەکێچ بە چالاکییەکاسا کاریگەریێوە فرەشا سەروو ئەم پرۆسەیۆ هەن. سەرەڕاوهەلومەرجی قورس، کۆشیای و چالاکییەکاو گەریلای کاریگەریێوە فرەش سەروو گلێرگەی نیانرە. دەوڵەتی ئەرەگیر وەراوەروو چالاکییەکاو گەریلای و کۆشیای گەلیوە شکسش ئارڎەن. موینمێ وەختێ ئەرەگیرێ نمەتاوۆ وەر بە کۆشیای ئازادیی کوردستان بگێرۆ، پەنا پەی سیاسەتوو جەنگی تایبەتی بەرۆ. کە شکس مارۆ بە خەڵەتنای و چەواشەکاری خەسارەکاش مشارۆوە. کۆشیای گەریلای ئینا پەرەساناینە و ئامانجی سەرەکیما مسۆگەرکەرڎەی ئازادیی جەسەیی ڕابەر ئاپۆی و ڕزگاریی کوردستانین. پەی بەدەسئارڎەی دەستکەوتە گەورەتەرا، بەتایبەتی گەنجێ پێویسا بە فەلسەفەو ڕابەر ئاپۆیۆ بەشداریی ڕیزەکاو گەریلای با کەشە ئازادەکاو کوردستانینە و وێشا وزا وەڵێ. بەتایبەت پەی ژەنە گەنجا گرنگا بزانا سەدەو ٢١ سەدەو ژەنان. گردما مزانمێ تا ژەنی ئازادە نەبۆ گلێرگەیچ ئازادیی وێشۆ نمەوینۆن.

قەت خاکوو وێما پەی ئەرەگیرا نمازمێ جیا

هەرپاسە بەسێ ئانوشە گەریلاو یەژا ستاری یادش ئاردۆ، کە کۆشیای ژەنا بە سەرمەشقایەتیی کلارا زێتکین و ڕۆزا لۆکزامبۆرگ دەسش پەنە کەرڎەن و یاوان وێگە، لکی دریان بە ٨وو مارسی ڕۆو جیهانیی ژەنە زەحمەتکێشاوە، واتش: " ئەوەڵ گردوو گەشمەرداما کە پەی ئازادیی ژەنان ژیوایشا بەخشا بە ڕێزدارییوە بە ویر مارمێوە. بە کۆشیاێوە ساڵان بەرڎەواما، ئیساتێ ژەنی قەوەتتەرێو ئەنەیاوێتەرێنێ. ژەنی جە سیستەموو پیاسالاریینە زەرەی فرەشا پەنە یاوان. پێویسا ژەنی گرد پێوە وەرگێری وەنەو سیستموو دەسەڵاتداریی پیایا باوە. ڕابەر ئاپۆ ژەنۆلۆژییش نیانرە تا ژەنی پێوە زیاتەر بەشارەزاییوە کۆشیا.

دەسەڵاتدارە فاشیستەکێ گەرەکشانە دژوو ژەنا درێژە بە هجووم و کۆکوشییەکاشا بدانێ. ئێمە پێسەو ژەنێ پێویسا دژوو ئی هجووم و وەرگێرییا خاستەر وێما ڕێک وزمێ. ئەگەر پێوە مدرامان کەرمێ، تارێخەنە دەورێوە گرنگما بۆ. هەرپاسە ژەنولۆژی ئامرازێوەن تا ژەنی زیاتەر وێشا وزا وەڵێ. چالاکییەکاو هەرێمەکاو پارێزنای مێدیای کە لاو یەژا ستاریوە سەرمەشقایەتی کریا، سەرچەمەو هێز و مۆڕاڵێوە گەورەینێ پەیما. ئیساتێ جە گرد وەختێوە زیاتەر جە سەرکەوتەی نزیکێ بیێنمێوە، قەت خاکوو وێما پەی ئەرەگیرا نمازمێ جیا."